Gal. 3:1 - Tampulma

¹ Ma Galesia tima ya womniwa. Anti kpa o kpok a du ma ni di ma gil Koosa wuti nyinbaan? Ya wa fun wa biksi ma gbampulim ni chenani Yesu Kristo fun sou a li o daakakli ti nii? Ma wa fun la nɔɔni di ya sɛm ta ya wutirɛɛ?

Gal. 3:1 Iomraidhean Croise

Mat. 24:24

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Mat. 7:26

“Nara maga nu mu sɛm na a vɛ tiŋ a, ba waa ka chi nibin wom naa funɛ sa o dama a zɔŋ hɛɛra daha ni chen.

Luk 24:25

Yesu fun ŋɔ ba, “Yɛrɛ ma wom mak. Ma sɔɔnɛu wa ma zim Koosa witinsi ta sɛma naa ba fun sɔbi saha digi chen.

Tuma 16:6

Pɔɔl awa o kpɛgsa fun gba a la li Frijia awa pulum naa ba yir Galesia. Ba funɛ la tel pulum naa ba yir Azia, Koosa siim weri ti wa fun nyɛ ba nyinbaan di ba zu a biksi Koosa laaboor weri ti dooni.

Tuma 6:7

Koosa laaboor weri ti fun mɔɔli kinkan. Nara kinkan awa Koosa kɔkɔɔrsi ta nidamata fun nyɛ ba se su un a li Jɛrusalɛm ni a gbaari.

Room 10:16

Amaa nara maga ha wa la nɔɔni Koosa laaboor weri ti ni. O witiina Azaaya funɛ sɔbiu, “Mu kunyana, Ju tim tama la nɔɔni sɛm naa i fun kpa a du ya nisi ni.”

Room 2:8

Amaa ba naa ka kpak se a la vɛ di ba tiŋ wuti nyinbaan a la tum tum tagna saha maga, Koosa zi na paanu kinkan a du ba ni a lɛrgi ba diŋsa.

Room 6:17

Ma nyɛ yaa zaami Koosa. Saha digi ma funɛ kpa ma titirɛ a tum tum tagna saha maga, amaa lalaknɔ maa kpak unu ma bambe ni di ma tiŋ Koosa wuti nyinbaan naa ba fun wa biksi ma chen.

1 Kɔr. 11:26

Saha naa maga ma wa se boroboro ti a la nyɔ kinyɔɔli ti, nara zi lisi chenani ya kunyan ti sowu. Maa ya chen hali a wuzu naa o kaa wa bur wa.

1 Kɔr. 2:2

Mu funɛ daŋni mu sɛm mau a li Yesu Kristo siwi daakakli ti daha ni duŋduŋnɛ.

2 Kɔr. 10:5

a lisi chenani nara zer ba titi a vɛ zim Koosa a ta. Ya kpa o kpokre a biksi ba, chen ni ba zi burgi a tiŋ Yesu Kristo nɔu awa ba bambe ni.

2 Kɔr. 11:3

O muksi minu kinkan ma daha. Ma bɔnɛ nyɛ nara burgi ma bambeu a li chenani ma fun te tiŋ Yesu Kristo a li tu bɛgim ni. Ma burgi nɔ chi chenani sintana fun nɛɛgi a mur Iif saha digi chen.

Gal. 1:2

Mu wa ya niinbisa ba naa maga nyɛn bar nɔ, zaami ya dɔŋtima ma naa maga lagmi dooni aa jɛɛmi Koosa a li Galesia pulum ni.

Gal. 1:6

Mu funɛ nuu di ma wa tiŋ Koosa naa funɛ yir ma, awa Kristo naa suŋi ma, a vusi. Ma buru a tiŋ biksi digi lalaga. O jɛri minu kinkan.

Gal. 2:14

Mu funɛ na ka ba vɛ tiŋ chenani Koosa laaboor weri ti biksi ya wuti, mu fun ŋɔ Pita ni ba maga suwachak ni, “I ya Ju tima, amaa i nyɛnu a chi ba naa vɛ ya Ju tima. Yɛrɛ ii daŋni i muksi ba naa vɛ ya Ju tima di ba nyɛn a chi Ju tim nyɛnɛɛ?”

Gal. 3:3

Ma ya womniwa kinkan. Ma funɛ te tiŋ a li Koosa siim weri ti kpok ni, amaa lalaknɔ maa daŋni ma tiŋu a li ma titi kpok ni hali a wa peti.

Gal. 4:9

Lalaknɔ ma zim Koosa a ya o bisa ka o zim ma, yɛrɛ maa daŋni ma bur aa tiŋ chiina awa chiksɛ? Ma bur a daŋni ma ya a yosiwaa?

Gal. 5:11

Mu niinbisa, mu biksi di o lawa ba teŋsi ba naa la tiŋ Yesu, yɛrɛ Ju tim ta ha vɛɛn a muksi min kinkan? Mu biksi nara nan ni, ba wa zi muksi min. Mu zi kotiu a biksi nara di Kristo funɛ sou a li o daakakli ti ni a ta na muksi.

Ɛfɛ. 3:8

Min ya bichɛla a kaali o nara maga, amaa o funɛ lisi minnɛ di mu la biksi ba naa vɛ ya Ju tima o laaboor weri ti wɛ. O laaboor weri ti biksi ya Yesu Kristo wu were damata naa vɛ kpak peti wɛ.

Ɛfɛ. 4:14

Saha ti wa tel, ya wa zi bu chi ba naa se vɛ su un nɛnɛ. Ba chi arŋa naa peha viigire. Nibiksɛ ba naa vɛ zim Koosa yaa wa mur ba a daŋni ba yisi ba a li wuti tiŋi nyinbaan ni. Nibiksɛ ta yaa kpak un ba bambe ni di ba tum tum tagna maga hali a wa na chenani ba daŋni.

Ɛfɛ. 5:15

Maa doso ma nyɛni ni. Ma ta tiŋi a chi womna, amaa maa tiŋ a chi ninɛɛgɛ.

2 Tɛs. 1:8

Ba naa vɛ zim Koosa awa ba naa se vɛ su o laaboor weri ti ya kunyan Yesu wɛ, Koosa zi wa lɛrgi ba diŋsau a ta ba yɔri.

1 Tim. 6:4

ba zer ba titi a vɛ zim kundɔŋ. Saha maga ba yaa daŋni ba di amɔrɛrɛ kinkan a kidaŋni tɛl sɛma, chen ni ba naa la nu ba sɛm ta ya handɔta timawa a waligi dɔŋ ni a la chɔk dɔŋ sɔna a ya beeli tima.

Ju 11:8

Baal digirɛ ba funɛ yir Abraham, o si fun su Koosa. Koosa funɛ yir un, o fun a tiŋ o nɔ a gba a la pulum naa Koosa fun vɔu di o nyɛ un chen. O funɛ li o titi tɔhɔn ti ni, o wa fun zim doonani Koosa kpa un a la.

Ju 5:9

O funɛ biksi Koosa di o yaa kitiŋ o nɔ a li kina maga ni, Koosa fun koti a yisi ba naa maga tiŋ o nɔ a li ba tum tagna ni. Chenani o ya a nyɛ ba zi nyɛnu hali saha naa vɛ kpak bɔ.

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.

1 Pita 4:17

Koosa saksi di o di tɛɛnɛ nɔ tim maga sɛriau lalaknɔ. O wa wa, o zi te di ba naa o dɔ chen sɛriau a zi di ba naa se vɛ su o laaboor weri ti chen. O piili ya ni, yɛrɛ o kaa du ba ni?

2 Pita 2:18

Ba sɛma la biksi ya di ba ya womniwa a la daŋni sɔna. Saha maga ba yaa sɛm sɛm lɛmawa a nyɛ nara ni a mur ba di baa tum chɔkumsi tuma. Nara nama piili di ba tiŋ Koosa nyinbaan ti a gil ba naa la tum tum tagna.

JɔnN Deesi 18:3

O wa tɛɛnɛ nɔ tim maga funɛ tum sakaal tuma kinkan. O chi o funɛ kpa sin a nyɛ ba ba nyɔ. O wa ba koorsa gbanko fun tum sakaal tuma ka nikpiŋɛ ba naa funɛ nyɛn bawu maga ni, fun na nyɔɔra kinkan a li un ni.”

JɔnN Deesi 2:20

Amaa wu digirɛ ma vɛ seen a yaali. Nihaan digi nyɛn ma ni ba yir un Jɛzɛbɛl. O ŋɔ di waa ya Koosa nitumɛ ta digi, amaa o biksi ma di ma bur a tum chɔkumsi tuma a kidi vursa diwe. Ma waa la nɔɔni o nyɛn ma wati.