Gal. 2:4 - Tampulma

⁴ Nara ba naa funɛ ŋɔ di ba ya Yesu nitiŋɛwa, bɔnɛ funɛ daŋni di ba teŋ un, amaa ba funɛ suniu. Ba fun a sogli a zu di ba na chenani ya tiŋ Yesu a ta nyɛ ba teŋsi ya, domi ya wa Yesu Kristo ya nibɛgimnɛ. Ba daŋni ya burgi ba yosiwa.

Gal. 2:4 Iomraidhean Croise

Luk 5:38

Sin fali daŋni tɔk falirɛ.

Tuma 15:1

Wuzu digi nibin bɔnɛ fun li Judia pulum a kaali Antiɔk a la biksi Yesu nitiŋɛ ba naa ya ya nibinsa a nyɛn dooni, a ŋɔ ba, “Koosa wa kikoti a yisi ma a li ma tum tagna ni see ba teŋsi ma a chi chenani Ju tim ta chiksɛ ta biksi ya.”

Tuma 15:24

Ya funɛ nu di ba naa li ya tuhu ni bɔnɛ funɛ wa buti ma awa ba biksi ni. Ya wa fun nyɛ ba nyinbaan di ba ya chen.

Tuma 20:30

Hali saha zi wa telu di ma Yesu nitiŋɛ ta bɔnɛ zi wa siu a suni wɛ, chen ni bɔnɛ zi purigiu a la tiŋ ba.

Room 8:15

Koosa siim weri ti wa fun nyɛ ya burgi o yosa di ya ɔm un. O ka funɛ nyɛ ya burgi Koosa bisiwa, chen ni ya koti a yir Koosa ya kunyana.

2 Kɔr. 11:13

Ba wa ya Koosa wuti nitumɛ. Ba ka ya nusun timwa, domi ba mur mau di ba biksi awa ya biksi ti ya kibɛgimnɛ. Ba fun chɛrgi ba titi di ma lisi di Yesu Kristo funɛ tum ba ma wati.

2 Kɔr. 11:17

Ya kunyan ti wa fun biksi ya di ya daŋni sɔna. Womna la daŋni chen duŋduŋ.

2 Kɔr. 11:20

Ba wa kpa tuha sa a du ma ni a dɛɛsi ma a chi bichɛsa, a nyɛ ma chɔk ma malɛ awa diwe kinkan a pini ma aa gbaari. Ma la kin nama maga.

2 Kɔr. 11:26

Mu yaa si bar digi niu a gba hali a la li bar tagna ni kinkan. Mu funɛ ji mɔɔga jibaŋ naa ni fun su a pisi chen. Nara funɛ muksi min kinkan a daŋni ba fuksi mu kina. Ju tim ta awa ba naa vɛ ya Ju tima fun nyɛ min na namsi kinkan. Hali ba naa mu fun lisi di ba ya mu chɛnsiwa, ba fun bur a ka min. Mu funɛ gbau a la li tɔsa awa nyabaan wa teku, a maga funɛ ya bar tagniwa.

2 Kɔr. 3:17

Ya kunyan ti awa Koosa siim weri naa wa nyɛn ba ni chen ya nibɛgimnɛ. Ba waa lisɛ ba.

Gal. 1:7

Nara bɔnɛ funɛ chɛrgi Koosa laaboor weri tiu Kristo wɛ a wa muksi ma saha maga. O laaboor weri ti ya kibɛgim duŋduŋnɛ. Digi wa bu toli.

Gal. 4:25

Hega gbanko funɛ chi Ju tima ba naa Koosa chiksɛ ta dɔrɛ. Ba funɛ yir ba tɔ zen Jɛrusalɛm. Chendaha ba ya yosa,

Gal. 4:3

Chen vɛɛna, wu damata awa chiksɛ funɛ te dɔ ya a nyɛ ya burgi a yosa ka ya zi wa zim Yesu Kristo.

Gal. 5:1

Kristo funɛ lisi yau a li yosi ni. Maa kpak chen nɛnɛ, a ta bu nyɛ nara kpak ma a ya yosa.

Gal. 5:10

Domi ya wa ya kunyan ti ya nibɛgimnɛ, mu kpak bambiu di ma zi tiŋ mu sɛmau. Mu gbanko kpak bambiu di Koosa zi wa na ba naa la muksi ma galimsau a ta ba yɔri. Hali chenani ba mak.

2 Tim. 3:6

Ba bɔnɛ la zu damsa a mur nihaana ba naa vɛ kpak nɛha. Ba banchisa la yaali ba tum tagna daha. Hali ba titi daŋnɛ la lɛrgi ba di ba ya chen.

Jems 1:25

Diga ti biksi ya chenani Koosa chiksɛ ta du. A weru hali a wa peti a biksi ya chenani ya zi gil ya tum tagna. Nibine nu Koosa chiksɛ ta a yaa lisi a naa la zi koti a yisi nara a li ba tum tagna ni wɛ a la tiŋ a a vɛ sugli, Koosa zi wa nyɛ un tu sɔɔnau a li tum naa o tum chen ni.

1 Pita 2:16

Ma ya nibin hiisewa, amaa ma gbanko ya Koosa yosiwa. Ma ta tum tum tagna aa sogli domi ma ya nihiise daha.

2 Pita 2:19

Nibiksɛ ta la biksi nara di ba naa nuɛɛ a tiŋ ba, ba lisi ba a ta, amaa ba titi ya tum tagna a naa la chɔk ba, yosiwa. Kinkin naa nyaŋi nibine, nyɛ o burgi kin ti yoma.

1 Jɔn 4:1

Mu chɛn daŋnɛ, nara ŋɔɛɛ di ba ya Koosa witinsiwa a sɛm wa o kpok ni, ma ta nyɛ ma se su ba lalaga. Witinsa ba naa ya nusun tima, kinkan piin pisiu a kaali bawu maga ni. Chendaha maa doso ba ni.

Juud 1:4

Amaa ba naa vɛ tiŋ Koosa, bɔnɛ fun sogli a wa gbaari ma ni. Ba funɛ chɛrgi Koosa laaboor weri naa biksi ya chenani Koosa fun a suŋi ya, a vɛ Yesu Kristo naa ya ya kunyana bɛgim. Ba funɛ ya chene di ba tum chɔkumsa tuma. Ba fun sɔbi a li Koosa sɛm tɔn ti ni saha digi di Koosa zi wa di ba sɛriau a na ba galimsa.