Gal. 2:2 - Tampulma

² Koosa titi funɛ biksi min di ya la dooni. Ya wa Yesu nitiŋɛ ba naa nyɛn dooni, nihɛɛta fun wa lagmi dɔŋ ni ya duŋduŋ. Mu fun ŋɔ ba chenani mu fun biksi ba naa vɛ ya Ju tima Koosa laaboor weri ti wɛ. Mu wara daŋni ba lisi di tum naa mu tum a nyɛ Koosa ni chen ya yɔrirɛ.

Gal. 2:2 Iomraidhean Croise

Mat. 10:16

“Maa nu mu wati. Ma naa mu tum nan, ma zi chi piisisau gbesa bambaan ni. Adaha maa nɛɛgi a chi duma aa ya jɛrgɛ a chi koma.

Tuma 15:12

Pita funɛ sɛm peti, ba maga fun moori di ba nu Barnabas awa Pɔɔl wati. Ba fun ŋɔ ba chenani Koosa fun suŋi ba ba tum tum zene awa alaazibu tuma a nyɛ ba naa vɛ ya Ju tim ni.

Tuma 15:2

Pɔɔl awa Barnabas wa ba fun di amɔrɛ kpok a li ba biksi nɔ ni. Yesu nitiŋɛ ta fun lisi Pɔɔl, Barnabas awa ba bɔnɛ a li ba tuhu ni ba la Jɛrusalɛm ba wa nitumɛ ta awa nihɛɛti ta na dɔŋa chenani ba zi ya.

Tuma 15:4

Ba funɛ la tel Jɛrusalɛm, nitumɛ ta, nihɛɛti ta awa Yesu nitiŋɛ ta maga fun wa zaami ba. Doone ba fun ŋɔ ba naa nyɛn dooni, chenani maga Koosa yaa funɛ suŋi ba ba tum o tuma.

Tuma 18:9

Dusum digi Pɔɔl fun na ya kunyan ti a chi o deesi ka o ŋɔ un, “Ta ɔmi. Ta bur gantɛl a li laaboor weri ti biksi ti ni,

Tuma 23:11

Dusum funɛ wa biri, Pɔɔl fun bu na ya kunyan ti a chi o deesi. Ya kunyan ti fun ŋɔ un, “Kpak bambi. Mu zi nyɛ i la Roomu a la ŋɔ ba naa nyɛn dooni, mu wɛ a chi chenani i ya bar nɔ nan.”

Tuma 5:34

Ba nidigi sɔn funɛ ya Gameliel. O funɛ ya Farisi tim ta digirɛ a ya Koosa chiksɛ nibiksɛ ta digi. Nara tima maga funɛ nyɛ un jirimau kinkan. O fun si chiŋi ba bambaan ni a ŋɔ ba lisi nitumɛ ta a li sal tama.

Room 9:16

Koosa wa fun yisi nara a nyɛ o titi ni a li ba daŋni ni koo ba tuma ni, amaa o funɛ yisi bau a li ba siki daha.

1 Kɔr. 1:23

Amaa ya wa la biksi ba Yesu daakakli ti siwi ti wɛ duŋduŋ. Chen ya tuzɔgrɛ Ju tim ta wati, a vɛɛn ya yɔri a li ba naa maga vɛ ya Ju tim wati.

1 Kɔr. 2:2

Mu funɛ daŋni mu sɛm mau a li Yesu Kristo siwi daakakli ti daha ni duŋduŋnɛ.

1 Kɔr. 9:24

Ma zim di nara yaa chɔ chɔchɔha di ba la di chen, nara kinkan yaa chɔ a la, amaa nibɛgim yaa la di. Ma Yesu tiŋi chi chɔchɔharɛ. Maa chɔ nɛnɛ, chen ni ma zi wa diu.

1 Kɔr. 9:26

Chendaha mu yaa chɔu a deŋli a la tel o bɔ. Mu gban chi nara nitukirɛ. Mu wa mou a kru.

2 Kɔr. 12:1

Ma nyɛ mu ŋɔ ma tama a gbaari mu titi wɛ ni. Chenani mu zi ŋɔ ma wa zi suŋi ma kinkan, amaa nyinbaan wa to mu zi vɛ sɛm ma. Wuzu digirɛ Koosa fun suŋi min di mu na ya kunyan ti.

Gal. 1:12

Nandigi wa fun a biksi min hali tama. Yesu Kristo titi funɛ kpa un a biksi min gbampulim ni.

Gal. 1:16

a nyɛ mu wa zim o be Yesu ti gbampulim ni, chen ni mu zi la biksi ba naa vɛ ya Ju timau o laaboor weri ti wɛ. Mu wa fun lagmi nandigi ni di o ŋɔ min chenani mu zi tum,

Gal. 1:6

Mu funɛ nuu di ma wa tiŋ Koosa naa funɛ yir ma, awa Kristo naa suŋi ma, a vusi. Ma buru a tiŋ biksi digi lalaga. O jɛri minu kinkan.

Gal. 2:6

Ba naa funɛ chi nihɛɛti ta dooni fun la nɔɔni di chenani mu biksi ba naa vɛ ya Ju tima ya wutirɛ. Ba wa fun kpa biksi digi a gbaari mu biksi ti ni. Mu baga wa fun to di ba wa ya nihɛɛti ta koo ba laata. Koosa wara di ya sɛria a li ya bara nɛɛ.

Gal. 2:9

Jems, Pita awa Jɔn ba naa chi nihɛɛti ta, funɛ zimu di Koosa suŋi minu di muu tum o tuma chen ni, ba fun la nɔɔni di ya wa ba ya nibɛgimnɛ. Ba wa ya gbanko fun la nɔɔniu di ba zi la biksi ba naa ya Ju timau. Ya ka zi la biksi ba naa vɛ ya Ju timau.

Gal. 5:7

Ma funɛ tiŋ Koosa nyinbaanu nɛnɛ. Lalaknɔ ma nyɛ nusun nibiksɛ nama wa nyɛ ma buru a li o wuti ti tiŋi ni.

Filip. Tima 2:16

aa kibiksi ba chenani Koosa daŋni o kpa o mi fali ti a nyɛ ba. Maa tum nan, ka Kristo wa bur wa, ma zi ya mu jirima narau. Mu tum nama maga mu tum a nyɛ ma nan, a wa zi ya yɔri.

Filip. Tima 2:29

O wa pu ma, ma la un a du wa tu sɔɔni ya kunyan ti daha. Ma nyɛ ba naa maga chi un wa jirima.

1 Tɛs. 3:5

Saha naa ma wɛ fun wa muksi min kinkan, mu funɛ tum Timotiu ma wati di o wa na chenani ma du, a naa ma se ha vɛɛn su Yesu akoo ma se wa su un. Mu wa zim, ami sintana wa zaamsi mau ka ma tiŋ o nɔ ka ya tuma chɔk a ta yɔri.

2 Tim. 4:7

Mu miisa chi chɔchɔharɛ. Mu kpaŋu a chɔ peti ka mu si ha vɛɛn su Koosa.

Ju 12:1

Ba naa maga se funɛ su Koosa ka ba vɛ bur gantɛl, iiu kinkan. O chiu di ba baga nyɛn ya ni ka ba go ya. Chendaha o lawa ya kpa tum tagna a naa bɔm wa ya gil a ta. Ya nyɛni chi chɔchɔharɛ. Ma nyɛ ya chɔ a tiŋ nyinbaan naa Koosa fun kpa nyɛ ya wa kanyita ni.