Gal. 1:6 - Tampulma

⁶ Mu funɛ nuu di ma wa tiŋ Koosa naa funɛ yir ma, awa Kristo naa suŋi ma, a vusi. Ma buru a tiŋ biksi digi lalaga. O jɛri minu kinkan.

Gal. 1:6 Iomraidhean Croise

Maak 6:6

O fun jɛri Yesu kinkan. O fun si a kaali tɔ wisa naa nyɛn dooni chen, a biksi nara Koosa wɛ.

Jɔn 9:30

Baal ti fun ŋɔ ba, “Ma wa zim doonani baal nɔ li a wa lɛli mu se na. Baŋ alaazibu wɛnɛ.

Tuma 15:11

Chenani ya kunyana Yesu fun suŋi ya ya se su un, ka Koosa fun yisi ya a li ya tum tagna ni ya tiŋ un awa chenani o tum nyɛ ba ya kibɛgimnɛ. Kin nama ya kibirige.”

Room 10:3

Ba ha wa fun zim Koosa nyinbaan naa nyɛ o vɛ na nibinsa galimsa a kpaŋi aa kɔɔri ba titi nyinbaan di o du chen. Chendaha ba fun vɛ la chenani o koti a tum a nyɛ ba.

Room 5:2

Waa funɛ kpa ya a kansi bar zen nɔ ni ya se suuli daha. Waa nyɛ ya kpak bambi bɛgim di wuzu digi Koosa wa ya zi wa bɔni o jirimau. Chendaha ya tusa sɔɔni kinkan.

Room 8:28

Ya zimu di saha maga Koosa nyɛ kina maga burgi kiwere a nyɛ ba naa la daŋni un ni. O funɛ ya o tutɔrɛ o yir ba di ba wa o wati. Chendaha oo tum chen.

Room 8:30

Koosa fun yir ba naa o fun te lisi di ba wa o wati. Ba funɛ wa o wati, o wa fun bu na ba galimsa o wati a sɛm di wuzu digi o zi zer ba buudahau a nyɛ ba jirima.

1 Kɔr. 4:15

Ma kpak nibinsa ba naa la zi biksi ma Kristo wɛ, nidamatau, amaa nibin bɛgim duŋduŋ ya ma nyana. Mu funɛ te biksi ma Koosa laaboor weri ti wɛu ma nu un a nyɛ ma se su Yesu Kristo. Chendaha mu ya ma nyana.

2 Kɔr. 11:4

Ma bɔnɛ la nu ba naa vɛ tiŋ ya wuti biksi Yesu wɛ. Ba funɛ chɛrgi Koosa laaboor weri tiu a biksi ma siim naa vɛ ya Koosa siim weri ti wɛ. Ma funɛ la nɔɔniu ka o vɛ bɔm ma wati.

2 Kɔr. 2:17

Nidamata biksi nara Koosa laaboor weri ti wɛ wa ba nyina nɛɛ, chen ni ba zi na nyɔɔrau a nyɛ ba titi ni. Ya waa wa chi chen tima. Koosa funɛ tum ya di ya wa biksi nara o wɛ wa tu bɛgim ni. O chi Koosa la nyini ya. Ya chiŋɛ o bar chiŋi nɛɛ a biksi nara a li kpok naa Kristo kpa nyɛ ya chen.

Gal. 1:11

Mu niinbisa, mu daŋni mu ŋɔ ma wu digirɛ. Nibinsa wa fun naami laaboor weri naa mu fun biksi ma chen.

Gal. 1:15

Amaa Koosa funɛ te lisi min di mu ya o tumtumna ka ba zi lul min. O funɛ te yir a suŋi min,

Gal. 1:7

Nara bɔnɛ funɛ chɛrgi Koosa laaboor weri tiu Kristo wɛ a wa muksi ma saha maga. O laaboor weri ti ya kibɛgim duŋduŋnɛ. Digi wa bu toli.

Gal. 2:14

Mu funɛ na ka ba vɛ tiŋ chenani Koosa laaboor weri ti biksi ya wuti, mu fun ŋɔ Pita ni ba maga suwachak ni, “I ya Ju tima, amaa i nyɛnu a chi ba naa vɛ ya Ju tima. Yɛrɛ ii daŋni i muksi ba naa vɛ ya Ju tima di ba nyɛn a chi Ju tim nyɛnɛɛ?”

Gal. 2:2

Koosa titi funɛ biksi min di ya la dooni. Ya wa Yesu nitiŋɛ ba naa nyɛn dooni, nihɛɛta fun wa lagmi dɔŋ ni ya duŋduŋ. Mu fun ŋɔ ba chenani mu fun biksi ba naa vɛ ya Ju tima Koosa laaboor weri ti wɛ. Mu wara daŋni ba lisi di tum naa mu tum a nyɛ Koosa ni chen ya yɔrirɛ.

Gal. 2:5

Ya wa ba wa fun la nɔɔni hali tama, chen ni ya zi kotiu a kpak Koosa laaboor weri naa ma piin nu wuti.

Gal. 2:7

Ba funɛ zimu di Koosa funɛ kpa o laaboor weri ti a du mu nin ni a nyɛ ba naa vɛ ya Ju tim ni. O gbanko funɛ kpa o laaboor weri ti a du Pita nin ni a nyɛ ba naa ya Ju tim ni.

Gal. 5:14

Koosa chiksɛ ta digi ya a koora a biksi ya di, “Maa daŋni ma dɔŋtima a chi chenani maa daŋni ma titi.”

Gal. 5:4

Ma naa la kpaŋi ma titi di maa tiŋ Koosa chiksɛ ta, chen ni o wa zi bu na ma galimsa, ma waa la vɛ Kristo. Chendaha Koosa vɛ koti a suŋi ma hali tama.

2 Tɛs. 2:14

Ya funɛ wa biksi ma Koosa laaboor weri ti wɛ, o fun a yir ma, chen ni wuzu digi ma zi wa bɔni ya kunyan Yesu Kristo jirima awa o chaaniu kinkan.

1 Tim. 1:14

a suŋi min hali o vɛ kpak bɔ di mu si su un, chen ni mu zi kotiu a daŋni nara. Ba naa maga wa Yesu Kristo ya nibɛgim, o suŋi ya nan.

1 Tim. 1:3

Mu daŋni i kpalimi Ɛfɛsus nɛɛ a chi chenani mu fun ŋɔ hin saha naa mu wa hin fun nyɛn ka mu gali Masɛdonia pulum ni chen. Nara ba naa nyɛn Ɛfɛsus ni, bɔnɛ biksi chenani vɛ ya wutirɛ. La ŋɔ ba di ba gil chen biksi.

2 Tim. 1:9

Koosa funɛ yir ya di ya ya o titi nara a fun yisi ya a li ya tum tagna ni yaa tiŋ un. O wa fun ya chen di ya ya nibin werewa daha. Ya wa Yesu Kristo ya nibɛgimnɛ. Chendaha o funɛ ya Koosa tutɔrɛ a li o piili ni o suŋi ya chen.

2 Tim. 2:1

Mu be, ya wa Yesu Kristo ya nibɛgimnɛ. Chendaha Koosa la zi suŋi hin i kpak kpok.

1 Pita 1:15

Waa ya tu chaan tiina. Chendaha o fun a lisi ma gbanko di ma kpak tu chaana a li ma tum maga ni a nyɛ un.

2 Pita 1:3

Waa funɛ yir ya di o wa ya bɔni o jirima awa o chaani kinkan awa chenani o bambi du a fun kpa o kpok awa kin naa maga ya daŋni a nyɛ ya, chen ni ya zi kotiu a tum tum were a tiŋ un nɛnɛ. O ya chene a li chenani ya zim un ni.

JɔnN Deesi 22:21

Ya kunyan Yesu kisuŋi ma maga.