Gal. 1:10 - Tampulma

¹⁰ Ma lisu di muu daŋni mu ya nara lɛmlɛmnɛɛ? Aai. Mu daŋni mu sɔɔni Koosa duŋduŋ tuharɛ. Mu daŋni mu ya nara lɛmlɛm, mu wa ya Kristo tumtumna.

Gal. 1:10 Iomraidhean Croise

Mat. 22:16

Ba fun tum ba nitiŋɛ bɔnɛ awa Hɛrɔd nitiŋɛ Yesu wati a wa ŋɔ un, “Ya kunyana, ya zimu di i ya wuti tiinne. I bak wa to chenani nibinsa sɛm i wɛ. I wara ɔm nibin zene se wa wuti ti sɛmi.

Mat. 28:14

Pailɔt nu nan wɛ, ya zi chaasi ya tusau a ŋɔ un o lisi ma a li namsi ni. Chendaha ma ta nyɛ o muksi ma.”

Mat. 6:24

“Nibɛgim wa kisuŋi nihɛɛta nara balɛ. O zi daŋni digiu a ha digi. O si zi su digiu a vɛ digi. Chen vɛɛna, ma wa zi koti a tum a nyɛ Koosa ni a ya si tima.

Tuma 12:20

Wuzu digi Hɛrɔd fun na paan kinkan a du Taaya tima awa Saidɔn tim ni. Ba funɛ nu o paan ti wɛ, ba fun lisi nara a li ba tɔsi ta tuhu ni ba la na un. Ba funɛ daŋni ba wa un ya nɔ bɛgim, domi o pulum ti la nyɛ ba diwe kinkan. Baal naa Hɛrɔd fun kpa o dama a du o nin ni sɔn funɛ ya Blastus. Taaya tima awa Saidɔn tim ta funɛ te nyɛ o ya ba chɛnnɛ ka ba zi chem Hɛrɔd.

Tuma 5:29

Pita fun chiŋi nitumɛ ta bar chiŋi ni a sɛm a nyɛ ba, “O lawa ya tiŋ Koosa nɔu a kaali nibinsa nɔ.

Room 1:1

Mu waa, Pɔɔl, naa ya Yesu Kristo tumtumna, min la sɔbi tɔn nɔ. Koosa fun a yir min a lisi min di mu ya o nitumi a la ŋɔ nara ni o laaboor weri ti wɛ.

Room 2:29

O siim weri ti wa nyɛn nibine bambi ni, chen nyɛ o ya Ju tim nidigi wuti. Koosa chiksɛ ta wa koti a tum chen. Nibinsa wa zi pɛgi naa kpak Koosa siim weri ti. Koosa ka la zi pɛgi tiina.

Room 2:8

Amaa ba naa ka kpak se a la vɛ di ba tiŋ wuti nyinbaan a la tum tum tagna saha maga, Koosa zi na paanu kinkan a du ba ni a lɛrgi ba diŋsa.

1 Kɔr. 10:33

Maa tiŋ chenani muu tiŋ chen. Kina maga mu ya, mu yaa kpaŋiu di mu sɔɔni nara maga tusa. Mu wara lisi mu duŋduŋ nyɔɔra naali, amaa nidamata nyɔɔra naalirɛ muu lisi, chen ni mu zi kotiu a la ba a nyɛ Koosa ni.

2 Kɔr. 12:19

Ma lisi di ya kɔɔri ya sɔniwa ma wati a li tɔn nɔ nii? Chen wa ya wuti. Koosa dɔ ya ya sɔbi sɛm naa Yesu Kristo fun kpa nyɛ ya. Mu bi daŋnɛ, ya tum tagna la zi suŋi ma.

Ɛfɛ. 6:6

Yosi bɔnɛ yaa tum kinkannɛ a li ba kunyan se ni. O wa kaali, ba gil. Ma ta tum a chi ba. Ma lisi di Yesu Kristo dɔ ma lalaknɔ. Ma kpak un ma bambe ni aa tum chenani o daŋni maa tum saha maga.

Filip. Tima 1:1

Min waa, Pɔɔl, la sɔbi tɔn nɔ a nyɛ ma. Mu wa Timoti ya naa ya Yesu Kristo tumtumsa zaami ma naa ya Koosa nara awa ma nihɛɛta awa ma nisuŋɛ a li Filipai ni. Ma wa Yesu Kristo ya nibɛgimnɛ.

Kɔl. 3:22

Yosa, maa tiŋ ma kunyama nɔɔna a li kina maga ni. Ma ta tum kinkan a li ba se duŋduŋ ni, amaa maa tum ma bambe ni saha maga, domi ma nyɛ ya kunyan Yesu jirimarɛ.

1 Tɛs. 2:4

Ya sɛm sɛm naa Koosa daŋni ya sɛmnɛ domi waa funɛ lisi ya. Waa funɛ kpa o laaboor weri ti a du ya nisi ni, chen ni ya zi kotiu a biksi nara. Ya wara daŋni di nibinsa tusiwa sɔɔni, amaa ya daŋni Koosa tuhurɛ sɔɔni. O zim chenani ya bambe lisi duu.

Jems 4:4

Ma naa vɛ tiŋ wuti ti nan, ma wa zim di ma wa tɛɛnɛ nɔ tim maga ya chɛnsa, ma ya Koosa dɔmwaa? Nara la daŋni ba wa tɛɛnɛ nɔ tim maga ya chɛnsa, ba waa ya Koosa dɔma.

1 Jɔn 3:9

Ba naa maga ya Koosa bisa, ba tum tum tagin, ba tusa wa yaa sɔɔni tum tagin ti daha. Koosa fun kpa o mi fali ti a du ba ni di ba ya o bisa. Chendaha ba tusa wara sɔɔni.