Gal. 1:1 - Tampulma

¹ Min waa, Pɔɔl, la sɔbi tɔn nɔ a nyɛ ma. Nara wa fun lisi min di mu ya nitumi, amaa Yesu Kristo awa ya kunyana Koosa naa lɛli un a li o sou ni, funɛ lisi min.

Gal. 1:1 Iomraidhean Croise

Jɔn 10:30

Mu wa mu nyan ti ya nibɛgimnɛ.”

Jɔn 20:21

Doone Yesu fun bukoo ŋɔ ba, “Koosa nyɛ ma bara sɔɔna. Mu nyan ti funɛ tum min tɛɛnɛ nɔ maga ni. Chen vɛɛna, lalaknɔ mu tum ma tɛɛnɛ nɔ tim maga wati.”

Jɔn 5:19

Doone Yesu fun ŋɔ ba, “Chenani mu kaa sɛm ma nan ya wutirɛ. Mu waa Koosa be, wa kikoti a tum wu digi mu titi nyuhu ni. Mu zer mu nyan ninne a li mu tum maga ni.

Tuma 22:10

Mu fun bukoo ŋɔ, ‘Mu kunyana, baŋnɛ ii daŋni mu ya?’ Ta ti fun ŋɔ min, ‘Si a la zu Damaskus. Nandigi zi wa ŋɔ hinu chenani Koosa daŋni i yau dooni.’

Tuma 3:15

Ma waa funɛ kpu naa kpa Koosa mi fali a nyɛ nara ni, amaa ya funɛ nau wa ya se ni ka Koosa lɛli un a li o sou ni.

Tuma 9:6

Si a la zu tɔhɔn ti. Nandigi zi ŋɔ hinu chenani i zi yau dooni.”

Room 1:1

Mu waa, Pɔɔl, naa ya Yesu Kristo tumtumna, min la sɔbi tɔn nɔ. Koosa fun a yir min a lisi min di mu ya o nitumi a la ŋɔ nara ni o laaboor weri ti wɛ.

Room 10:9

Ma ŋɔɛɛ di Kristo ya ma kunyana ka ma se su di Koosa funɛ lɛli unu a li o sou ni, Koosa zi yisi mau a li ma tum tagna ni.

Room 14:9

Kristo funɛ sou a si o sou ni di o burgi ba naa kpak miisa awa ba naa sitɛɛ kunyana.

1 Kɔr. 1:1

Mu waa, Pɔɔl, awa ya niinbe Sɔstenis zaami mau. O funɛ sɔɔni Koosa tuhau o fun nyɛ mu ya Yesu Kristo nitumi.

2 Kɔr. 1:1

Min waa, Pɔɔl, naa Koosa fun a lisi di mu ya Yesu Kristo nitumi, awa ya niinbe, Timoti, zaami mau. Min, Pɔɔl, la sɔbi tɔn nɔ a nyɛ ma naa Koosa fun lisi di ma tiŋ un a li Kɔrint ni awa ba naa maga ya o nara a nyɛn Girik pulum ni.

Gal. 1:15

Amaa Koosa funɛ te lisi min di mu ya o tumtumna ka ba zi lul min. O funɛ te yir a suŋi min,

Gal. 1:17

amaa mu fun vaan kaali Arabia pulum. Mu wa fun la di mu la na ba naa funɛ piin ya Yesu nitumɛ ta a li Jɛrusalɛm ni. Mu funɛ nyɛn Arabia ni peti, mu fun bur a kaali Damaskus.

Ɛfɛ. 3:8

Min ya bichɛla a kaali o nara maga, amaa o funɛ lisi minnɛ di mu la biksi ba naa vɛ ya Ju tima o laaboor weri ti wɛ. O laaboor weri ti biksi ya Yesu Kristo wu were damata naa vɛ kpak peti wɛ.

2 Tim. 1:1

Mu waa, Pɔɔl, naa Koosa fun lisi di mu ya Yesu Kristo nitumi a tum di mu la ŋɔ nara ni o miisa naa o piin kpa nyɛ ya wɛ, domi ya wa Yesu Kristo ya nibɛgimnɛ.

Tait. 1:3

O biksi ti funɛ sogliu. Saha naa o fun lisi, Koosa fun kpa un a li gbampulim a nyɛ o ya o laaboor weri ti. Koosa naa la yisi nara a li ba tum tagna ni, o funɛ kpa unu a du min di mu biksi nara o wɛ.

Ju 13:20

Koosa funɛ lɛli ya kunyan Yesu a li o sou ni. Ya chi o piisisiwa ka o ka ya ya nigbaŋi. O funɛ sou, o fun nyɛ Koosa wa nara bukoo ya nɔ bɛgim. Chenani o fun tum zi nyɛnu hali saha naa vɛ kpak bɔ.

1 Pita 1:21

Kristo funɛ sou a li o daakakli ti ni, Koosa fun lɛli un a li o sou ni a kpa o jirima awa o chaani kinkan a du un ni. O daha ma se su Koosau ka ma kpak bambi bɛgim un ni.

JɔnN Deesi 1:18

Mu ya naa nyɛnɛɛ. Mu funɛ sou, amaa lalaknɔ mu zi nyɛnu hali saha naa vɛ kpak bɔ. Min dɔ sou awa ba naa sitɛɛ bar nyɛni.

JɔnN Deesi 1:5

wa Yesu Kristo naa funɛ biksi ya Koosa wuti ti ka o te lɛli un a li o sou ni ya maga suwachak ni, ba maga zi suŋi mau a kinyɛ ma bara sɔɔna. Yesu ya koor zen a kaali tɛɛnɛ nɔ maga koorsa. Waa funɛ daŋni ya a kpa o chɛl a chaksi ya tum tagna a li ya bambe ni,

JɔnN Deesi 2:8

“Sɔbi kin nama a la nyɛ naa la nyini Yesu nitiŋɛ ta a li Sumana ni. “Mu vɛ kpak piili a nyɛn a vɛ kpak peti. Mu funɛ sou, amaa lalaknɔ mu zi nyɛnu hali saha naa vɛ kpak bɔ.