Ɛfɛ. 5:11 - Tampulma

^11-12 Ma ta lagmi ba naa la tum tum yɔrisa birsi ni. Chenani ba tum a sogli nyɛ ya na hiisarɛ. Ma kpa ba tum tagna a li gbampulim,

Ɛfɛ. 5:11 Iomraidhean Croise

Mat. 18:15

“I dɔŋtiina tum tum tagin a nyɛ hin, kila o titi wati a la ŋɔ un di o tum galimsau. O la nɔɔni, o wa hin bu ya nɔ bɛgim.

Luk 3:19

Koor Hɛrɔd fun kpa o niinbe haan naa ba yir Hɛrɔdias, a la tum tum tagna kinkan. Chendaha Jɔn fun a galimi un.

Tuma 26:18

O chi ba naa vɛ ya Ju tima, ya nyulumwa a nyɛn birsi ni domi sintana dɔ ba. Mu zi nyɛ i la lisi ba a li birsi ti niu a lɛli ba se, chen ni Koosa zi wa dɔ bau. Waa la zi gil ba tum tagna a nyɛ ba a gbaari ba naa o fun lisi a nyɛ o titi ni chen, domi ba se su min.’ Mu kunyan ti fun sɛm chen peti a kaali.”

Room 13:12

O chi dusum la daŋni o peti, ka chɔɔsa pisa dugli. Ma nyɛ ya gil ya tum tagna a naa chi dusum a ta aa nyɛ ya tum tum were a naa chi nha.

Room 16:17

Mu niinbisa, mu sumi mau ma il aa zim ba naa la daŋni ba waligi ma a li dɔŋ ni a bur ma a li Yesu tiŋi ni. Chenani baa biksi awa chenani nara fun te wa biksi ma yo dɔŋa. Ma ta lagmi ba ni.

Room 6:21

Tum tagna naa ma funɛ tum chen, nyɛ ma na hiisa lalaknɔ. Baŋ nyɔɔrrɛ ma na a li a ni? Ba naa maga la tum a, Koosa zi wa ta ba yɔriu.

Gal. 6:8

O tiŋ o titi daŋnɛ, a zi bur wa o watiu a chɔk un. O ka tiŋ chenani Koosa siim weri ti daŋni, a zi bur wa o watiu. Waa la zi kpa o mi fali naa vɛ kpak bɔ a nyɛ un hali o wa peti.

Ɛfɛ. 4:22

Adaha lalaknɔ ma kpa ma gantɛl tuha wɛ a ta. A waa funɛ nyɛ maa tiŋ ma tutɔ daŋnɛ a kpa ma du nyinbaan naa ma zi chɔk ni.

Ɛfɛ. 5:7

Ma ta lagmi ba naa la sɛm chen ni.

Kɔl. 1:12

aa kizaami ya kunyana Koosa. Waa nyɛ ya nyinbaan di ya wa zu o tɔha naa la chaani, chen ni ya wa o nara zi wa di o kin nawara o fun vɔu di o nyɛ yau.

1 Tɛs. 5:7

Dusum nɛ nara nyɔ sin aa dɛɛsi a la chɔ do.

2 Tɛs. 3:14

Nandigi nyɛn dooni a vɛ daŋni o tiŋ chenani ya sɔbi tɔn nɔ nan, ma ta nyɛ o lagmi ma ni, chen ni o zi na hiisau.

2 Tɛs. 3:6

Mu niinbisa, ya kunyan Yesu Kristo ŋɔ ya di ya ŋɔ ma kin nama wɛ. Ma ta nyɛ ma wa ba naa kpak zanyɛrka lagmi, domi ba wara tiŋ ya biksi ti.

1 Tim. 5:20

Ba naa la tum tum tagna, kpaŋi a burgi ba nyuuna nara suwachak ni, chen ni ba naa nuɛɛ zi ɔmu.

1 Tim. 5:22

Ta kpa i nisa a saksi nara ni lalaga di ba ya ya kunyan ti tumtumsa. Ta lagmi ba naa la tum tum tagna wati, amaa i kpak i titi wa tu chaan ni saha maga.

1 Tim. 6:5

Nibiksɛ nama ya ba naa vɛ zim wuti ti, ka ba lisi lisi tagna saha maga. Ba yaa daŋni bara borare a du dɔŋ ni, a la lisi di ba naa tiŋ ba biksi ti chen zi wa ya malɛ timau.

2 Tim. 3:5

Ba zi jɛɛmi Koosa wa ba nyina niu aa vɛ kpak o kpok ti. Ta lagmi ba naa la tum chen ni.

2 Tim. 4:2

Mu ŋɔ hinu di o lawa i biksi Koosa laaboor weri ti wɛ aa nyɛ nara ba naa la nu awa ba naa vɛ nuuli ni. I yaa la burgi ba naa la tum tum tagna nyuuna, aa kikpami ba a bur tiŋ Koosa nyinbaan. Saha maga ii biksi ba wa kanyita kinkan ni.

Tait. 2:15

Kibiksi kin nama a nyɛ nara ni. Kpa Koosa kpok naa o nyɛ hin chen a kpami ba naa la nu i biksi ti. Ba vɛ nu i nɔ, i kpaŋi i titi a ŋɔ ba di ba burgi ba nyuuna. Kpa Koosa kpok ti, chen ni nandigi wa zi koti a nyini hin di i ya bichɛllɛ.

JɔnN Deesi 18:4

Doone mu fun nu ta a li Koosa tɔhɔn ti ni ka o ŋɔ, “Ma naa ya mu nara, ma waligi ma titi a li un ni. Ma wa un tum tum tagna, mu zi kpa ma a gbaari un niu a lɛrgi ma diŋsa.