Ɛfɛ. 4:5 - Tampulma

⁵ Ya kunyan ti ya nibɛgimnɛ ka chenani ya se su un ya kibɛgim. Chenani ba kpa ni a chaksi ya, o ya kibɛgimnɛ.

Ɛfɛ. 4:5 Iomraidhean Croise

Mat. 28:19

Ma la biksi Koosa laaboor weri ti a nyɛ nibinsa ba naa nyɛn bawu maga ni. Ma chaksi ba wa ni ni, chen ni ba zi burgiu mu wa mu kunyan Koosa awa o siim weri ti gantɛl tiŋsa.

Tuma 10:36

Ma zim chenani o fun tum Yesu Kristo, naa ya kina maga nyuhu tiina, di o biksi Koosa laaboor weri ti a nyɛ Ju tim ta ni a nyɛ ba nyinbaan ba wa Koosa bu ya nɔ bɛgim.

Tuma 2:36

“Ma Ju tima, mu daŋni ma zimu nɛnɛ di Yesure ma fun kpu a li daakakli ti ni chen, waa ya nara maga nyuhu tiina. O gbanko ya naa Koosa fun vɔu di o zi tumu chen.”

Room 3:30

Koosa bɛgim duŋduŋ nyɛnɛɛ. Ju tim ta nyɛ ba se su Yesu Kristo, o wa zi bu na ba galimsa. Ba naa vɛ ya Ju tima nyɛ ba se su un, Koosa gbanko wa zi na ba galimsa.

1 Kɔr. 1:13

Ma na, ma purigi Kristo tiu. Minnɛ ba fun kpaasi a mari daakakli ti a nyɛ ma chenn? Ba funɛ chaksi ma wa ni nɛ di ma tiŋ minnɛɛ?

1 Kɔr. 1:2

Min la sɔbi tɔn nɔ, a nyɛ Koosa nitiŋɛ ba naa nyɛn Kɔrint ni. Domi ma wa Yesu Kristo ya nibɛgimnɛ, lalaknɔ Koosa dɔ ma. Koosa titi funɛ yir ma di ma wa o wati a wa burgi o bisa. O gbanko funɛ yir ba naa nyɛn bawu maga ni a sumi un di o yisi ba a li ba tum tagna ni. Yesu ya ya kunyana awa ba kunyana.

1 Kɔr. 12:13

Ya bɔnɛ ya Ju timwa. Ya bɔnɛ ka wa ya Ju tima. Ya bɔnɛ ya yosa ka ya bɔnɛ ka dɔ ya titi. Amaa Koosa funɛ kpa o siim weri tiu a du ya maga ni ya burgi nibɛgim.

1 Kɔr. 12:5

Tum ta ya kunyan ti bɔni ya chen kurgu. Amaa ya maga tum ya kunyan bɛgim ti watɛɛ.

1 Kɔr. 8:6

Amaa ya wati, Koosa bɛgim nyɛnɛɛ. Waa ya ya kunyan ti a fun naami kina maga. Ya ya o bisiwa. Ya kunyana Yesu Kristo gban ya nibɛgimnɛ. Koosa funɛ nyɛ o naami kina maga a nyɛ ya miisa.

2 Kɔr. 11:4

Ma bɔnɛ la nu ba naa vɛ tiŋ ya wuti biksi Yesu wɛ. Ba funɛ chɛrgi Koosa laaboor weri tiu a biksi ma siim naa vɛ ya Koosa siim weri ti wɛ. Ma funɛ la nɔɔniu ka o vɛ bɔm ma wati.

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Ɛfɛ. 4:13

Ya se su Koosa be a gbaari a wa zim un nɛnɛ, ya maga zi kpak nɔ bɛgimu wa dɔŋ ni. Ya ya chen, ya zi mak nibaalau a burgi a chi chenani Yesu Kristo wer a peti chen.

Filip. Tima 2:11

Ba maga zi wa ŋɔ gbampulim niu di Yesu Kristo ya ba kunyan ti. Chen la zi nyɛ o nyana Koosa jirimau.

Filip. Tima 3:8

Chenani mu fun tiŋ saha digi, lalaknɔ mu lisu di a chi chaasiwa. Nibine zim ya kunyana Yesu Kristo, chen kaali a nama maga kinkan. Chendaha muu daŋni mu zim di Kristo ya mu nyɔɔra.

Tait. 1:1

Mu waa, Pɔɔl, naa ya Koosa tumtumna awa Yesu Kristo nitumi, min la sɔbi tɔn nɔ. Koosa funɛ lisi min a tum di mu wa kpami ba naa Koosa fun lisi di ba se su un a wa zim o wuti, chen ni ba zi tiŋ unu nɛnɛ.

Tait. 1:4

Min la sɔbi tɔn nɔ a nyɛ mu be Taitus naa si funɛ su Koosa wuti ti a li mu biksi ni. I wa min la tiŋ Koosa nyinbaan. Ya kunyan Koosa awa Yesu Kristo naa funɛ yisi ya a li ya tum tagna ni, zi suŋi hinu a nyɛ hin bara sɔɔna.

Ju 13:7

Maa lisi ba naa funɛ te wa biksi Koosa laaboor weri ti a nyɛ ma, a siti. Ma zim chenani ba funɛ tiŋ un nɛnɛu. Ma nyɛ ma se su Koosa a chi chenani ba se fu su un.

Ju 6:6

O funɛ ya nan magwa a nyɛ ba ka ba bur o tiŋi ni. O chi ba funɛ kpaasi Koosa be ti a mari o daakakli ti chene a nyɛ nara bu na o hiisa gbampulim ni. Chendaha ba vɛ koti a gil ba tum tagna bilɛ tiina.

Jems 2:18

Amaa ma nidigi zi ŋɔ o dɔŋtiin niu, “Mu si su Yesu ka i tum tum were.” Mu zi ŋɔ unu, “Biksi min chenani nar si su Yesu ka o vɛ tum tum were. Chenani mu tum tum were biksi nara di mu si su Yesu.”

1 Pita 3:21

Ni naa funɛ wa su Nowa saha ti chen chi chenani nara kpa nire a chaksi ma. Ba wara chaksi ma bara dɔŋwa, amaa maa sumi Koosa wa tu bɛgim, waa la zi yisi ma a li ma tum tagna ni maa tiŋ un. Koosa lɛlɛ Kristo a li o sou ni. Chendaha o koti a ya chen.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

Juud 1:20

Amaa, mu bi daŋnɛ, maa tiŋ Koosa nɛnɛ a gbaari, domi ma se su un. Ma nyɛ o siim weri ti suŋi ma maa sumi Koosa.

Juud 1:3

Mu bi daŋnɛ, mu funɛ daŋni mu sɔbi a sɛm ma chenani Koosa fun a yisi ma awa ya a li ya tum tagna ni yaa tiŋ un. Lalaknɔ o lawa mu sɔbiu a kpami ma ma kpak laaboor weri naa ya fun biksi ma Koosa wɛ chen nɛnɛ. Waa funɛ kpa o wuti nɔ a nyɛ o nara ni bu bɛgim.