Ɛfɛ. 3:1 - Tampulma

¹ Chendaha muu sumi Koosa ma daha. Domi mu funɛ biksi ma naa vɛ ya Ju tima di ma tiŋ Koosa, ba fun kpak min a tɔ dɛ.

Ɛfɛ. 3:1 Iomraidhean Croise

Luk 21:12

Kin naa mu ŋɔ ma nan wa zi te ya. Ba zi wa te kpak mau kpok ni a muksi ma kinkan. Ba zi wa kpa mau a kaali ba bar lagmi dɛɛna di ba di ma sɛria a tɔ ma dɛ. Ba gbanko zi wa kpa ma la koorsa suwachaku ba di ma sɛria min daha.

Tuma 21:33

Lanjimasa nihɛɛ nyuhu tiin ti fun ŋɔ o lanjimasi ta ni ba kpa zɔglɛ abalɛ a vɔu Pɔɔl a burgi pɛɛsi zɛmɛ ta, “Anti ya baal nɔ? Baŋnɛ o tum?”

Tuma 23:18

Nihɛɛ ti fun kpa un kaali o ŋɔ nihɛɛ nyuhu tiin ti ni, “Pɔɔl naa i tɔ dɛ chen yir min, a ŋɔ min di mu kpa bunɔɔn nɔ a wa i wati. O kpak wu digirɛ a kaa ŋɔ hin.”

Tuma 26:29

Pɔɔl fun ŋɔ, “Mu na nyinbaan a sɛm sɛm tama koo sɛm damata, mu zi sumi Koosau di i wa ba naa maga nyɛn bar nɔ nan zi burgi Yesu nitiŋɛu a chi chenani mu ya Yesu nitiŋi, amaa mu wa zi sumi un di ba tɔ ma dɛ a chi chenani ba fun tɔ min dɛ chen.”

Tuma 9:15

Ya kunyan ti fun bu ŋɔ un, “Mu funɛ lisi un di o tum mu tuma a kibiksi Ju tim ta, ba naa vɛ ya Ju tima awa ba koorsa mu wɛ. Adaha la tum chenani mu ŋɔ hin.

2 Kɔr. 1:6

Mu wa Timoti funɛ namsi di Koosa koti a suŋi ma a yisi ma a li ma tum tagna ni ma tiŋ un. Ma namsi awa ya namsi ti ya kibɛgimnɛ. Domi Koosa belimi ya, ya gbanko koti a belimi ma a la kpami ma, chen ni ma zi si ma namsiu wa kanyita ni.

2 Kɔr. 10:1

Ma bɔnɛ ŋɔ dɔŋ ni di mu funɛ nyɛn ma wati mu funɛ ya jɛrgɛrɛ, amaa mu funɛ bol, mu funɛ sɔbi sɛm kpokwa a nyɛ ma. Yesu Kristo daŋni mu ya jɛrgirɛ ma wati. Chendaha mu waa, Pɔɔl, sumi ma lalaknɔ,

2 Kɔr. 11:23

Ba ŋɔ ma di ba ya Yesu Kristo tumtumsiwaa? Ma zi ŋɔ di mu zu galɛŋwa, amaa mu daŋni mu ŋɔ ma di mu ya o tumtumnɛ a kaali ba kinkan. Mu funɛ tum tumwa kinkan a nyɛ un. Ba fun a tɔ min dɛ bu damata a kpa vurmsa a tuk min. Mu fun wa dugli siwi bu damata. Mu kaali bau a li kina maga ni kinkan.

Gal. 5:11

Mu niinbisa, mu biksi di o lawa ba teŋsi ba naa la tiŋ Yesu, yɛrɛ Ju tim ta ha vɛɛn a muksi min kinkan? Mu biksi nara nan ni, ba wa zi muksi min. Mu zi kotiu a biksi nara di Kristo funɛ sou a li o daakakli ti ni a ta na muksi.

Gal. 5:2

Ma nu mu sɛma. N waa, Pɔɔl, la ŋɔ ma di ma nyɛ nusun nibiksɛ nama teŋsi ma, Kristo ya yɔrirɛ ma wati.

Gal. 5:24

Ba naa Yesu Kristo dɔ, ba funɛ kpa ba titi daŋnɛu a ta.

Ɛfɛ. 3:11

Koosa funɛ tiŋ o tutɔrɛ a li o piili ti ni a kpa du ya kunyana Yesu Kristo nin ni di o tum un.

Ɛfɛ. 3:13

Mu namsi bar nɔu ma daha, amaa mu wara daŋni ma tusa chɔk chen daha. Ma ka nyɛ mu namsi nɔ nyɛ ma jirima a nyɛ ma kpak bambe.

Ɛfɛ. 3:8

Min ya bichɛla a kaali o nara maga, amaa o funɛ lisi minnɛ di mu la biksi ba naa vɛ ya Ju tima o laaboor weri ti wɛ. O laaboor weri ti biksi ya Yesu Kristo wu were damata naa vɛ kpak peti wɛ.

Ɛfɛ. 4:1

Mu waa naa ba fun tɔ dɛ ya kunyan ti daha, mu sumi mau di ma tiŋ chenani deŋlee wa ma tiŋ. Koosa funɛ yir ma di ma tiŋ chen.

Ɛfɛ. 6:20

Hali ba fun kpak min a tɔ dɛ, mu ha vɛɛn ya Koosa laaboor weri ti nitumirɛ. O deŋlu wa mu kpak bambi a biksi ba naa nyɛn bar nɔ o wɛ a ta kpa kundɔŋ a ta gantɛl ni.

Filip. Tima 1:7

Mu daŋni mau kinkan. Chendaha o weru wa mu lisi ma wɛ nan saha maga. Ba kpak min a tɔ dɛ koo mu chiŋɛ Koosa laaboor weri ti gantɛl ni a sɛm nara ni di o kpak wutiu, Koosa yaa funɛ suŋi minu awa ma maga.

Kɔl. 1:24

Min ya o laaboor weri naa ba kpa aa biksi bar damati ni, tumtumna. Mu chiŋɛ ma bar chiŋi ni a namsi lalaknɔ ma daha, amaa mu tu sɔɔniu. Kristo funɛ nyɛn tɛɛnɛ nɔ maga ni, o fun a namsi kinkan o nitiŋɛ ba naa chi o bara chen daha. Mu namsu a gbaari un ni.

Kɔl. 4:18

Mu titi la sɔbi sɛm na bar nɔ a zaami ma. Maa lisi di mu ha vɛɛn tɔ dɛrɛ. Koosa suŋi ma.

Kɔl. 4:3

Maa sumi Koosa gbanko a nyɛ ya di o nyɛ ya nyinbaan ya sɛm nara ni o laaboor weri ti wɛ aa biksi ba o kisogli wɛ. O wu sogli ti ya Kristo. O laaboor weri ti daha ba fun tɔ min dɛ.

2 Tim. 1:16

Ɔnɛsifɔrɔs funɛ kpami minu bu damata. Chendaha mu sumi ya kunyan ti di o kpak o walɛ siki. O wa kpak hiisa a du min ni domi ba funɛ kpak min a tɔ dɛrɛ daha.

2 Tim. 1:8

Ta nyɛ hiisa kpak hin a li chenani i ŋɔ nara ni ya kunyan ti wɛ. Ta nyɛ hiisa gbanko kpak hin a li chenani ba tɔ min dɛ Kristo wɛ daha. Kpa kpok naa Koosa nyɛ hin aa saksi a na namsi o laaboor weri ti daha.

Faili. 1:1

Mu waa, Pɔɔl, naa ba fun tɔ dɛ domi mu ya Yesu Kristo sɛhɛra tiinnɛ, awa ya dɔŋtiin, Timoti, zaami hinu. Min, Pɔɔl, la sɔbi tɔn nɔ a nyɛ i waa hin Failimɔn ni. I wa ya tum Yesu Kristo tumwa.

Faili. 1:23

Ɛpafras naa nyɛn mu wati dɛ nɔ ni domi o si su Yesu Kristo, o zaami hinu.

Faili. 1:9

Muu daŋni hinu. Chendaha mu sumi hin di i suŋi min. Kilisi di mu ya nibaalhɛɛrɛ ka ba fun kpa min la tɔ dɛ domi mu ya Yesu Kristo sɛhɛra tiinnɛ.

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.