Ɛfɛ. 1:11 - Tampulma

¹¹ Koosa tiŋ o tutɔrɛ a li o tum maga ni. O fun te lisi ya a nyɛ o titi ni, a zi naami tɛɛnɛ nɔ maga, chen ni ya wa Yesu Kristo zi ya nibɛgimu.

Ɛfɛ. 1:11 Iomraidhean Croise

Tuma 13:48

Chenani Pɔɔl fun sɛm nyɛ ba sɔɔni ba naa vɛ ya Ju tima tusa kinkan ka ba pɛgi ya kunyan ti o laaboor weri ti daha. Doone ba naa Koosa fun lisi di o kpa o mi fali naa vɛ kpak bɔ a nyɛ ba, ba se fun su o laaboor weri ti.

Tuma 2:23

Waa funɛ ya naa ma kpak a du tum tagna nitumɛ nisi ni chen di ba la kpaasi un a mari daakakli ti ni o sou chen. Koosa funɛ te zimu di ma zi ya chenu. O funɛ ya o tutɔrɛ di o sou chen ni.

Tuma 20:27

Kin naa maga Koosa daŋni o tum wa ka mu vɛ biksi ma.

Tuma 20:32

“Lalaknɔ mu kpa ma a du Koosa nin ni. O laaboor weri ti chenani o suŋi nara wɛ zi nyɛ ma kpak unu nɛnɛ a gbaari. Wuzu digi o zi wa kpa kin nawara o fun kpa chiŋsiu a nyɛ ba naa maga o fun lisi a nyɛ o titi ni.

Tuma 26:18

O chi ba naa vɛ ya Ju tima, ya nyulumwa a nyɛn birsi ni domi sintana dɔ ba. Mu zi nyɛ i la lisi ba a li birsi ti niu a lɛli ba se, chen ni Koosa zi wa dɔ bau. Waa la zi gil ba tum tagna a nyɛ ba a gbaari ba naa o fun lisi a nyɛ o titi ni chen, domi ba se su min.’ Mu kunyan ti fun sɛm chen peti a kaali.”

Tuma 4:28

I funɛ piin lisi chenani ba zi ya unu. I funɛ lisi chenu i kpok awa i tutɔ ti daha.

Room 11:34

Ba fun sɔbi a li o sɛm tɔn ti ni a ŋɔ, “Nibine kikoti a zim Koosa bambi lisiuu? Nibine wa un koti lagmi a sɛm un wu digiuu?

Room 8:17

Chendaha wuzu digi ya zi wa la kin naa o fun vɔu di o kpa nyɛ yau. Kristo wa ya gbanko zi bɔni kin naa Koosa fun vɔu di o kpa nyɛ unu. Ya namsi lalaknɔ Kristo sɔn daha, wuzu digi o wa ya zi wa bɔni o jirima awa o chaani kinkanu.

Room 8:28

Ya zimu di saha maga Koosa nyɛ kina maga burgi kiwere a nyɛ ba naa la daŋni un ni. O funɛ ya o tutɔrɛ o yir ba di ba wa o wati. Chendaha oo tum chen.

Room 8:29

Koosa funɛ daŋni o bere ya nihɛɛ a li nibin damata ba naa chi un ni. Saha digi o piin zim bau a lisi ba di ba chi o be.

Room 8:30

Koosa fun yir ba naa o fun te lisi di ba wa o wati. Ba funɛ wa o wati, o wa fun bu na ba galimsa o wati a sɛm di wuzu digi o zi zer ba buudahau a nyɛ ba jirima.

Room 9:11

Amaa Koosa funɛ te ŋɔ unu leusisi ta wɛu ka o zi lul. O fun ŋɔ un, “Nihɛɛ zi wa tiŋ bichɛla nɔu.” Bichɛsa ha wa tum tum were koo tum tagna, amaa Koosa funɛ ŋɔ ba wɛu, chen ni ya zim di o yisi narawa a nyɛ o titi ni, o wa yisi ba ba tuma daharɛ.

Gal. 3:18

Nara la chenani Koosa fun vɔu chen domi ba waa la tiŋ o chiksɛ ta duŋduŋ, chen la zi chɔk o vɔwi naa o nyɛ Abraham ni a nyɛ o ya yɔri.

Ɛfɛ. 1:14

Koosa nyɛ o siim weri tirɛ ya o purigiri bɔɔli. Chendaha ya zim di o zi la ya nyuunau a nyɛ ya hali o wa peti a chi o funɛ vɔu chen. Ma nyɛ ya pɛgi un nan daha.

Ɛfɛ. 1:18

Mu sumi unu di ma lise zi la o wutiu, chen ni ma zi kpak bambi bɛgim a li chenani o fun yir ma ni a zim di kin nawara o fun vɔu di o kpa nyɛ o nara ni zenu kinkan.

Ɛfɛ. 1:5

Domi o la daŋni ya daha, o fun piin ya o tutɔ chen saha ti o nyɛ ya burgi o bisa Yesu Kristo daha. Chen nyɛ o tuha sɔɔni kinkan.

Ɛfɛ. 1:8

a kaali kina maga. A li o zima ni kinkan,

Ɛfɛ. 1:9

o funɛ lisiu saha digi di o zi kpa Yesu Kristou a tum o tuma hali o wa peti. O fun a tiŋ o tutɔ ti a biksi ya o wu sogle nama wɛ.

Ɛfɛ. 3:11

Koosa funɛ tiŋ o tutɔrɛ a li o piili ti ni a kpa du ya kunyana Yesu Kristo nin ni di o tum un.

Kɔl. 1:12

aa kizaami ya kunyana Koosa. Waa nyɛ ya nyinbaan di ya wa zu o tɔha naa la chaani, chen ni ya wa o nara zi wa di o kin nawara o fun vɔu di o nyɛ yau.

Kɔl. 3:24

Ma tum a nyɛ ya kunyana Yesu Kristo nee. Wuzu digi waa la zi wa bɔ ma ma chim a kpa kin nawara o fun kpa chiŋsi a nyɛ ma.

Tait. 2:14

O funɛ sou a daakakli ti nɛɛ a nyɛ ya, chen ni o zi la ya nyuunau a nyɛ ya a chaksi ya a dɔ ya a nyɛ ya se sɛm di ya tum tum were a nyɛ un.

Tait. 3:7

O fun a suŋi ya di ya wa bu kpak galimsa o wati a nyɛ ya kpak bambi bɛgim di ya la o mi fali naa vɛ kpak bɔ.

Ju 6:17

Koosa fun kpa o sɔn a gbaari o vɔu ti ni di o biksi ba naa kaa wa la un di o wa zi chɔk un.

Jems 2:5

Mu bi daŋnɛ, maa nu. Koosa funɛ lisi fara tima a li tɛɛnɛ nɔ maga ni di ba se su un kinkan a wa dɔ o koor naa o fun vɔu di o kpa nyɛ ba, domi ba waa la daŋni un. Chendaha ba ya kin tima Koosa suwachak ni.

1 Pita 1:4

di wuzu digi ya zi la kiwere naa o fun kpa a chiŋsi o dɛ niu a li o tɔhɔn ni. A wa zi kut chɔk dooni.

1 Pita 3:9

Nara tum tum tagna a nyɛ ma, ma ta bur tum tum tagna a nyɛ ba. Ba pini ma zoma a vɛ weri, ma ka ta bur pini ba zoma. Ma ŋɔ ba di Koosa la zi suŋi ma. Koosa funɛ lisi ma a nyɛ o titi ni, o fun a vɔu di ma ya chen, o zi suŋi mau.