Ɛfɛ. 1:10 - Tampulma

¹⁰ Saha naa o fun lisi chen wa tel, o zi lagmi kin nawara maga o fun a naamiu, buudaha kina awa tɛɛnɛ nɔ maga kina, a nyɛ Yesu Kristo di a maga koora.

Ɛfɛ. 1:10 Iomraidhean Croise

Mat. 25:32

a yir nara maga ba lagmi mu wati. Mu zi purigi ba bilɛu a chi piisi gbaŋna yaa waligi piisisa a li buuna ni chen.

Maak 1:15

a fun ŋɔ ba, “Saha teliu wa Koosa koora dugli. Ma gil ma tum tagna a nyɛ ma se su o laaboor weri ti, chen ni o zi dɔ mau.”

1 Kɔr. 10:11

Kin na funɛ ya bau di a biksi ya. Ba fun sɔbi chenani funɛ ya di o biksi ya naa nyɛn tɛɛnɛ nɔ maga peti saha, di ya fiɛŋ ya wa tiŋ a chi chenani ba funɛ tiŋ.

1 Kɔr. 11:3

Mu daŋni ma zimu di Kristo ya nibaal nyuhu tiina ka nibaal ka ya o haan nyuhu tiina. Koosa gbanko ka ya Kristo nyuhu tiina.

Gal. 4:4

Amaa o saha funɛ wa tel, Koosa fun tum o titi be tɛɛnɛ nɔ maga ni. Nihaan digi funɛ lul o be. O fun bi aa tiŋ Koosa chiksɛ ta.

Ɛfɛ. 1:22

Koosa funɛ nyɛ o ya kina maga koora awa ba naa tiŋ un nyuhu tiina.

Ɛfɛ. 2:15

O fun nyɛ chiksɛ naa Koosa fun nyɛ Ju tim ta ni chen peti, chen ni o zi lagmi Ju tim ta awa ba naa vɛ ya Ju tima ba burgi lul bɛgim o wati. Ba wa zi bu ya dɔma.

Ɛfɛ. 3:15

Ba naa maga nyɛn o tɔhɔn ti ni awa ba naa se su un tɛɛnɛ nɔ maga ni, waa ya ba nyana.

Ɛfɛ. 3:2

Ma wa fun zim di Koosa funɛ kpa o kina a naa la zi suŋi ma a du mu nin nee?

Kɔl. 1:16

Koosa fun nyɛ o naami kin nawara maga nyɛn tɛɛnɛ nɔ maga awa buudaha ni, kin naa ya na awa a naa ya vɛ naali, siim maga awa kpok maga, a magwa o fun a naami a nyɛ o titi ni.

Kɔl. 1:20

Koosa fun a nyɛ o be ti fun sou a li daakakli ti ni di o chɛl li, chen ni kin nawara maga nyɛn tɛɛnɛ nɔ maga awa buudaha ni wa Koosa zi kotiu a ya nɔ bɛgim a kpak bara sɔɔna.

Kɔl. 3:11

Ba naa kpak Koosa suwachak tuhu kina wɛ, ba wara zim di digi ya Ju timwa ka digi ka vɛ yaali. Ba wara zim di digi teŋu ka digi ka vɛ teŋi. Ba wara zim di digi ya hɔɔrrɛ ka digi ka vɛ yaali. Ba wara zim di digi ya yomne ka digi ka vɛ yaali. Baa zimu di Kristo kaali kina maga. Waa nyɛn o nitiŋɛ ta maga wati.

Ju 1:2

Amaa bunsa nama nɛɛ o fun nyɛ o be Yesu Kristo biksi ya o wɛ. Koosa funɛ nyɛ o naami tɛɛnɛ nɔ maga awa buudaha, a fun lisi un di tɛɛnɛ nɔ maga awa buudaha siili saha wa tel, o zi wa dɔ kina magau.

Ju 11:40

O funɛ ya o tutɔrɛ di ba pɔ hali ba wa lagmi ya ni ka o zi yisi ya maga a li ya tum tagna ni hali a wa peti.

Ju 9:10

Ju tim ta waa baga nyɛn kin nawara ba na gbampulim nɛɛ. Diwe bɔnɛ awa kinyɔɔlɛ bɔnɛ funɛ ya kichiilewa, ka nyinbaanasa naa ba sɔ ni kurgɛ. Yesu funɛ wa nyɛ Koosa wa ya ya nɔ bɛgim, o fun biksi ya di kin nama wa bu ya kibirigi.

1 Pita 1:20

O funɛ te lisi Kristore a zi naami tɛɛnɛ nɔ maga. Tɛɛnɛ nɔ maga siili saha wa dugli, Koosa fun tum un di waa tum nan a nyɛ ma.

JɔnN Deesi 5:9

Ba fun lɔ bool fali a ŋɔ, “I ya nizenu wa i la tɔn ti a kasi kitɔɔli ta a puk un. Ba funɛ kpu hin, i fun kpa i chɛl a la nidamata nyuuna a nyɛ Koosa ni. I funɛ lisi bau a li pulumsa awa buurisa maga ni ka ba maga sɛm sɛm kurgɛ.