Ɛfɛ. 1:1 - Tampulma

¹ Min waa, Pɔɔl, naa Koosa fun lisi di mu ya Yesu Kristo nitumi, mu la sɔbi tɔn nɔ a nyɛ Koosa nara ma naa nyɛn Ɛfɛsus ni. Ma gbanko la tiŋ Yesu Kristo nɛnɛ.

Ɛfɛ. 1:1 Iomraidhean Croise

Luk 16:10

Nar si su a li kin tam naa Koosa nyɛ un, o si gbanko zi su kidamatau. Nar si vɛ su a li kin tam naa Koosa nyɛ un, o si gbanko ka wa zi su kidamata.

Tuma 16:15

Ya funɛ zim di o nu au, ya fun chaksi o wa o walɛ wa ni ni. Doone o fun ŋɔ ya, “Ma zimu di mu si su ya kunyan ti wuti, adaha wa nyɛn mu wati wuzu bilɛ.” O fun nyɛ ya bambe chɛrgi a la o wati.

Tuma 18:19

Ba fun la tel tɔhɔn naa ba yir Ɛfɛsus ka Pɔɔl fun la zu Ju tim ta bar lagmi dɛ di o wa ba di o biksi ti amɔrɛ.

Tuma 18:21

Pɔɔl fun chausi Akwila awa Prisila dooni a ŋɔ ba naa la daŋni o nyɛn ba wati chen, “Koosa nyɛ min nyinbaan, mu zi bur wa ma watiu.” Doone o fun bu a la zu arŋ ti a kaali.

Tuma 9:13

Ananias fun ŋɔ un, “Mu kunyana, nibin damata funɛ ŋɔ min baal ti wɛ awa chenani o nyɛ Koosa nara namsi kinkan a li Jɛrusalɛm ni.

Room 1:1

Mu waa, Pɔɔl, naa ya Yesu Kristo tumtumna, min la sɔbi tɔn nɔ. Koosa fun a yir min a lisi min di mu ya o nitumi a la ŋɔ nara ni o laaboor weri ti wɛ.

Room 1:7

Mu zaami ma naa maga Koosa daŋni a fun lisi a nyɛ o titi niu a li Room ni. Ya kunyana Koosa awa ya kunyana Yesu Kristo suŋi ma a kinyɛ ma bara sɔɔna.

Room 8:1

Ba naa maga wa Yesu Kristo ya nibɛgim, Koosa wa zi bu na ba galimsa.

1 Kɔr. 4:12

Ya bara wilim nɛɛ ya funɛ di. Nara yaa pini yau, amaa ya yaa sumi Koosau di o suŋi ba. Ba yaa muksi yau kinkan, amaa ya yaa kpak kanyitau ba wati.

1 Kɔr. 4:17

Mu zi kpa Timotiu a tum ma wati di o wa biksi ma nyinbaan naa ma zi tiŋ wɛ. Waa ya mu bi daŋni a li Kristo ni a ya wuti tiina. Waa la zi wa lisi ma chenani muu tiŋ aa tum tuma Yesu Kristo wati. Chen nyinbaannɛ mu fun kpa biksi Yesu nitiŋɛ ba naa nyɛn bawu maga ni.

2 Kɔr. 1:1

Min waa, Pɔɔl, naa Koosa fun a lisi di mu ya Yesu Kristo nitumi, awa ya niinbe, Timoti, zaami mau. Min, Pɔɔl, la sɔbi tɔn nɔ a nyɛ ma naa Koosa fun lisi di ma tiŋ un a li Kɔrint ni awa ba naa maga ya o nara a nyɛn Girik pulum ni.

Gal. 1:1

Min waa, Pɔɔl, la sɔbi tɔn nɔ a nyɛ ma. Nara wa fun lisi min di mu ya nitumi, amaa Yesu Kristo awa ya kunyana Koosa naa lɛli un a li o sou ni, funɛ lisi min.

Gal. 3:26

Chenani ma se su Yesu Kristo nyɛ ma ya Koosa bisa.

Gal. 3:28

Ma naa ya Ju tima awa ma naa vɛ ya Ju tima, ma naa ya yosa awa ma naa vɛ ya yosa, ma nibaala awa ma nihaana, ma maga ya nibɛgimnɛ, domi ma wa Yesu Kristo ya nibɛgimnɛ.

Gal. 3:9

Abraham si funɛ su Koosa. Chendaha Koosa fun suŋi un chen. Ba naa maga se su Koosa, o zi suŋi bau a chi chenani o fun a suŋi Abraham chen.

Ɛfɛ. 1:15

Mu funɛ nu chenani ma se su ya kunyan Yesu awa chenani maa daŋni Koosa nara maga.

Ɛfɛ. 2:10

Koosa fun nyɛ ya wa Yesu Kristo ya nibɛgim, chen ni ya zi tum tum wereu a nyɛ un. O funɛ lisi yau saha digi di ya tum nan a nyɛ un.

Ɛfɛ. 2:13

Ma funɛ nyɛn bar boli nee. Yesu Kristo fun sou di o kpa ma a wa dugli.

Ɛfɛ. 2:6

O fun a lɛli Yesu Kristo a li o sou ni di o zini a zu Koosa tɔhɔn ti. Domi o funɛ nyɛ ya wa Yesu Kristo ya nibɛgimnɛ, o chi ya wa un piin nyɛn dooni.

Ɛfɛ. 6:21

Mu zim di ma daŋni ma nu chenani mu duu. Chendaha mu tum Tikikus ma wati. O ya ya niinbe daŋnirɛ a la tum ya kunyan ti tuma wa wuti ni.

Kɔl. 1:2

Mu wa ya niinbe, Timoti, zaami ya dɔŋtima ma naa ya Koosa nara a li Kɔlɔsɛ ni aa tiŋ Kristo nɛnɛ. Ya kunyan Koosa kisuŋi ma a kinyɛ ma bara sɔɔna.

JɔnN Deesi 17:14

Ba wa ba walɛ zi la chem piisi be ti wa o nitiŋɛ ba naa o fun lisi a nyɛ o titi ni ka ba vɛ bur a li o tiŋi ni, wa laal ni. Waa la zi nyaŋi koorsi ta, domi waa ya koorsa maga kaŋkoora.”

JɔnN Deesi 2:10

Ma ta ɔm chenani ma namsi zi wa gbaari. Sintana zi wa nyɛ ba kpak ma bɔnɛu a tɔ dɛ di o zaamsi ma a nyɛ ma namsi kinkan wuzu fi. Ba daŋni ba kpu ma, ma kpak nɛnɛ ka mu zi kpa Koosa mi fali ti a nyɛ ma.

JɔnN Deesi 2:13

Mu zimu di doonani ma nyɛn nan, sintana dɔ nidamata. Hali o nitiŋɛ funɛ kpu naa ba yir Antipas domi o funɛ biksi nara mu wɛ, ma wa fun bur a li mu tiŋi ni.