2 Jɔn 1:4 - Tampulma

⁴ Mu tuha sɔɔnɛu kinkan domi mu funɛ na ka i bisi ta bɔnɛ tiŋ wuti ti a chi chenani ya kunyana Koosa fun ŋɔ di ya tiŋ chen.

2 Jɔn 1:4 Iomraidhean Croise

1 Kɔr. 13:6

Nara tum tum tagna, nibine naa la daŋni ba, tuha wa zi sɔɔni. Nara ka tum tum were, o tuha zi sɔɔniu.

Gal. 2:14

Mu funɛ na ka ba vɛ tiŋ chenani Koosa laaboor weri ti biksi ya wuti, mu fun ŋɔ Pita ni ba maga suwachak ni, “I ya Ju tima, amaa i nyɛnu a chi ba naa vɛ ya Ju tima. Yɛrɛ ii daŋni i muksi ba naa vɛ ya Ju tima di ba nyɛn a chi Ju tim nyɛnɛɛ?”

Ɛfɛ. 5:2

Yesu Kristo funɛ sou ya daha, chen chi chenani Ju tim ta fun kpa kin a nawara sɔɔra weree awa sela a kɔɔri kɔɔra a nyɛ Koosa ni. Yesu Kristo fun sɔɔni Koosa tuha kinkan a biksi ya di o daŋni yau. Ma nyɛ ma nara daŋni te ma suwachak a chi un.

Ɛfɛ. 5:8

Ma funɛ vɛ te zim Koosa, ma funɛ nyɛn birsi nee, amaa lalaknɔ ma wa Yesu Kristo ya nibɛgimnɛ, ma nyɛn nha nɛɛ. Chendaha maa tiŋ a chi ba naa nyɛn nha ni chen tiŋ.

Filip. Tima 4:10

Ya kunyan ti funɛ nyɛ mu tuha sɔɔniu kinkan, domi ma funɛ bu biksi minu chenani ma baga nyɛn min ni. Saha digi ma funɛ kotiu a suŋi min a chi nan, amaa ma wa bu a na nyinbaan a suŋi min hali wa zinan.

1 Jɔn 2:6

Nar ŋɔ di o nyɛn Koosa nɛɛ, o tiŋ un a chi o be Yesu funɛ tiŋ un chen.