2 Jɔn 1:1 - Tampulma

¹ Mu waa, nihɛɛ, la sɔbi tɔn nɔ a nyɛ nihaan naa Koosa fun lisi a nyɛ o titi ni awa o bisa ba naa mu daŋni kinkan. Mu duŋduŋ laata la daŋni ma chen, amaa ba naa maga zim Koosa wuti, ba daŋni ma chene,

2 Jɔn 1:1 Iomraidhean Croise

Luk 1:3

Adaha, mu kunyana, n funɛ kpa laaboor nɔ magau a lagmi dɔŋ ni a nyini a kpa a a chiŋsi a sɛmbiri bar chiŋɛ ni.

Jɔn 8:32

Ma tiŋ nan, ma zi nu wuti tiu ka wuti ti yisi ma a li yosi ni.”

Tuma 11:30

a kpa lagmi dɔŋ ni a du Barnabas awa Sɔɔl nin ni di ba kpa la nyɛ Yesu nitiŋɛ ta nihɛɛti ni dooni.

Room 16:13

Ma zaami Rufus naa te suwachak a li ya kunyan ti tiŋi ni awa o niina naa mu gbanko yir mu niina.

Gal. 2:14

Mu funɛ na ka ba vɛ tiŋ chenani Koosa laaboor weri ti biksi ya wuti, mu fun ŋɔ Pita ni ba maga suwachak ni, “I ya Ju tima, amaa i nyɛnu a chi ba naa vɛ ya Ju tima. Yɛrɛ ii daŋni i muksi ba naa vɛ ya Ju tima di ba nyɛn a chi Ju tim nyɛnɛɛ?”

Gal. 2:5

Ya wa ba wa fun la nɔɔni hali tama, chen ni ya zi kotiu a kpak Koosa laaboor weri naa ma piin nu wuti.

Gal. 3:1

Ma Galesia tima ya womniwa. Anti kpa o kpok a du ma ni di ma gil Koosa wuti nyinbaan? Ya wa fun wa biksi ma gbampulim ni chenani Yesu Kristo fun sou a li o daakakli ti nii? Ma wa fun la nɔɔni di ya sɛm ta ya wutirɛɛ?

Gal. 5:7

Ma funɛ tiŋ Koosa nyinbaanu nɛnɛ. Lalaknɔ ma nyɛ nusun nibiksɛ nama wa nyɛ ma buru a li o wuti ti tiŋi ni.

Kɔl. 1:5

Ma funɛ te nu Koosa laaboor weri naa ya wuti, Ɛpafras fun biksi ma di ma kpak bambi bɛgim di wuzu digi Koosa zi wa kpa kiwere naa o fun kpa chiŋsi o tɔhɔn ti ni chenu a nyɛ ma. Chendaha ma se su Yesu ka maa daŋni nara kinkan.

1 Tim. 2:4

domi o daŋni o yisi nara magwa a li ba tum tagna ni baa tiŋ un a wa zim o wuti ti.

Ju 10:26

Ya funɛ nu Koosa wuti sɛmau a kpa ya nyuuna a vɔu tum tagna tumi, kɔɔri digi wa to a la zi nyɛ Koosa yisi ya a li a ni.

1 Pita 1:2

O funɛ ya ya kunyana Koosa tutɔrɛ saha digi o fun lisi ma chen. O siim weri ti waligi ma di ma burgi o nibin were, chen ni ma zi tiŋ Yesu Kristo nɔu. O sou chɛl ti la zi chaksi ma tum tagnau a li ma ni. Koosa suŋi ma a nyɛ ma bara sɔɔna aa gbaari.

1 Pita 5:1

Mu daŋni mu sumi ma naa ya Yesu nitiŋɛ nihɛɛtau. Mu gbanko ya nihɛɛrɛ, a ya Kristo namsi sɛhɛra tiina. O wa bur wa, mu wa ma zi bɔni o jirima awa o chaani kinkanu.

1 Pita 5:13

Yesu nitiŋɛ ba naa Koosa fun lisi a nyɛ o titi ni a li Room ni, zaami mau. Mu niinbe, Maak, gbanko zaami mau.

1 Jɔn 2:21

Mu sɔbi tɔn nɔwa a nyɛ ma, o wa ya di ma wa zim wuti ti. Ma zim wuti ti nɛnɛ, ma zi zim di nusuna wara li un ni.

1 Jɔn 3:18

Mu bisa, ya ta daŋni ya dɔŋtima wa ya sɛma duŋduŋ ni. Ma nyɛ yaa daŋni ba wa wuti ni a tum tum were a nyɛ ba.

2 Jɔn 1:13

Ma towe bisa naa Koosa fun lisi a nyɛ o titi ni chen, ba zaami mau.

2 Jɔn 1:5

Adaha mu sumi hinu ii tiŋ Koosa chiksɛ naa ya fun nu a li o piili ti ni chen. O wa ya chiksi falirɛ. O ŋɔ di o weru wa yaa daŋni dɔŋau,

3 Jɔn 1:1

Mu waa, nihɛɛ, la sɔbi tɔn nɔ a nyɛ mu chɛn, Gaiyus, naa mu daŋni wuti.