1 Tim. 5:3 - Tampulma

³ Kinyɛ luhaana ba naa vɛ kpak nara ba nyini ba, wa jirima.

1 Tim. 5:3 Iomraidhean Croise

Mat. 15:6

ma wa zi la nɔɔni di o suŋi ba. Ma wa chɔk Koosa chiksɛ a li ma nawaalsa nyinbaan dahaa?

Mat. 23:13

“Ma Koosa chiksɛ nibiksɛ awa Farisi tima, yɛrɛ o kaa wa du ma ni? Ma ya nusun timwa. Chenani maa biksi nara chi ma tɔ Koosa koor ti bulzɔɔnɔ a nyɛ ba. Ma titi wara daŋni Koosa wa dɔ ma. Ma gbanko daŋni ma tɔ ba naa la wa Koosa wati nyinbaannɛ. ((

Luk 2:37

O funɛ ya luhaannɛ bun fummɛnasa danaasiwa. O funɛ nyɛn Koosa bar jɛɛmi dam ti nɛɛ a vɛ la bar digi. Nha wa dusum maga, o yaa funɛ jɛɛmi Koosarɛ a la sumi un a la vɔu nɔ.

Luk 7:12

Ba funɛ la tel tɔhɔn ti bulzɔɔnɔ, nara kinkan fun li tɔhɔn ti ni a chuŋi nibin siwi. Nibaal naa funɛ sou chen, niina funɛ ya luhaannɛ. O funɛ lul nibabichɛl duŋduŋnɛ. O wa zɛmɛ kinkan fun li tɔhɔn ti ni aa la di ba la sogli un.

Jɔn 1:47

Ba funɛ wa dugli Yesu, o fun ŋɔ ba naa nyɛn o wati, “Maa na Ju tim baal nɔ la wa di o wa na min. O ya wuti tiinnɛ kinkan.”

Tuma 6:1

Chen saha ti Koosa yaa fun kpa nidamatau a gbaari Yesu nitiŋɛ ta ni. Wuzu kam nitumɛ ta yaa bɔni luhaana wa malɛu. Wuzu digi Yesu nitiŋɛ ba naa la sɛm Girik tim sɛm chen funɛ zulimi ba naa la sɛm Ju tim sɛm chen, domi ba luhaani ta wa funɛ la ba tutɔ malɛ maga.

Tuma 9:39

Pita fun vaan si a tiŋ ba. Pita wa ba funɛ wa tel Jɔpa, ba fun kpa un zini dɛ naa Dɔɔkas nyɛn chen. Nidamata fun lagmi dooni a wi. Luhaana gbanko fun wa gbaari ba ni a pa takta wisa awa takta zene naa o fun nyɛn o miisa ni a sɔ a biksi Pita.

Tuma 9:41

Pita fun kpak o nin a suŋi un o si chiŋi. Doone o fun yir nara tima awa luhaana ba naa funɛ ya Koosa nara, ba zu wa. O fun kpa Dɔɔkas a nyɛ ba.

1 Tɛs. 2:6

Ya wa funɛ daŋni sɔniwa ma wati koo nandigi wati.

1 Tim. 5:2

awa nihaana a chi ba ya i niina, awa butoosa a chi ba ya i toosa. Kilisi chenani weree aa nyɛ ba.

Jems 1:27

Ya kunyana Koosa daŋni yaa tiŋ un wa wuti nɛɛ. O lawa yaa suŋi sunsa awa luhaana ba naa la namsi, aa gil tɛɛnɛ nɔ tim maga tum tagna a ta.

1 Pita 2:17

Maa daŋni ma dɔŋtima ba naa se su Yesu, a kinyɛ Koosa awa koorsi ta nyuhu tiina Siiza awa nara maga jirima.

1 Pita 3:7

Nibaala, ma wa ma haanasa lagmi nyɛn nɛha ni. Ma kpok kaali ba kpok. Chendaha maa nyɛ ba jirima. Ma wa ba piin la Koosa mi fali ti. Ma vɛ ya chen, ma sumi zi tɔu.