1 Tim. 4:7 - Tampulma

⁷ Ta lagmi ba naa la biksi mura a naa vɛ ya Koosa wɛ, a nyɛ nara ni. Ba mur ta ya yɔrirɛ. Kpaŋi i titi kinkan Koosa wuti biksi ti nyɛn i bambi ni.

1 Tim. 4:7 Iomraidhean Croise

Tuma 24:16

Mu yaa fun kpak unu mu bambi ni di mu tum mu tuma wa tu bɛgim ni Koosa awa nara suwachak ni.

1 Tim. 1:4

Ŋɔ ba di ba kpa ba mura awa ba nawaalsa sɔn biksi a ta, domi a wa nyɛ nara di dɔŋa amɔrɛ saha maga. Chenani baa tum wa nyɛ nara se su Koosa awa o wuti biksi ti.

1 Tim. 1:9

Koosa wa fun nyɛ o chiksɛ ta nibin were daharɛ. O fun kpa a a nyɛ ba naa vɛ tiŋ a, a vɛ tiŋ Koosa nɔ a vɛ daŋni ba zim un a la tum tum tagna a kpu nara hali ba nyama awa ba numa,

1 Tim. 2:10

O ka bɔu di baa tum tum were domi baa tiŋ Koosarɛ.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

1 Tim. 4:8

I kpa i bara a tum di o kpok, chen weru, amaa ii tiŋ Koosa nɛnɛ, waa bɔɛɛ kinkan, chen ni i zi tum o tumau lalaknɔ awa saha naa wa wa.

1 Tim. 6:11

Amaa i waa naa la tiŋ Koosa, ta tum tum tagna chen ni. Nyɛ i si sɛri wa tum were tumi ni ka i tiŋ Koosa nɛnɛ. Nyɛ i si su un kinkan a ya jɛrgi a kidi i namsi a kidaŋni nara maga.

1 Tim. 6:20

Timoti, kiil kin tima mu fun kpa a du i nin ni chen. Ta lagmi ba naa la sɛm di ba biksi nara chenani ba zi wa zim Koosa. Ba biksi ti ya yɔrirɛ. Saha maga nara nama di ba titi womsi amɔrɛrɛ a la sɛm sɛm tagna.

1 Tim. 6:3

Ba naa maga vɛ la nɔɔni ya kunyana Yesu Kristo wuti sɛma a naa nyɛ ya tiŋ un nɛnɛ, amaa a kpak ba titi biksi a nyɛ nara ni,

1 Tim. 6:5

Nibiksɛ nama ya ba naa vɛ zim wuti ti, ka ba lisi lisi tagna saha maga. Ba yaa daŋni bara borare a du dɔŋ ni, a la lisi di ba naa tiŋ ba biksi ti chen zi wa ya malɛ timau.

2 Tim. 2:16

Ta lagmi ba naa yaa biksi womsi mura a naa vɛ ya Koosa wɛ, a nyɛ nara ni. Ba naa la biksi chen ni, duŋni narawa a li Koosa wati a gbaari.

2 Tim. 2:23

Ta lagmi nibin womni ba naa yaa di dɔŋa wa amɔrɛ kin nawara ba vɛ zimi wɛ. I zimu di ba yaa di amɔrɛu hali o wa peti dɔŋ yooli ni.

2 Tim. 3:12

Nibinsa zi yaa wa muksi ba naa la daŋni ba tiŋ Koosa nɛnɛ, domi ba wa Yesu Kristo ya nibɛgim.

2 Tim. 3:5

Ba zi jɛɛmi Koosa wa ba nyina niu aa vɛ kpak o kpok ti. Ta lagmi ba naa la tum chen ni.

2 Tim. 4:4

Ba zi wa buru a li Koosa wuti biksi ti ni, a kidaŋni baa nu mura.

Tait. 1:14

Ba ta nu Ju tim ta mura awa chenani nibinsa ba naa vɛ wuti ti, ŋɔ ba.

Tait. 2:12

Nan biksi ya di ya ta tum tum tagna a kidaŋni ya titi daŋnɛ a chi ba naa vɛ zim un. Lalaknɔ o daŋni ya ya bambi timwa awa wuti tima aa kitum tuma a naa la zi sɔɔni Koosa tuha.

Tait. 3:9

Amaa ta di amɔrɛ wa ba naa la biksi ba nawaalsa sɔna wɛ a la yo dɔŋa Koosa chiksɛ daha. Kin nama ya yɔrirɛ a wa kpak nyɔɔra.

Ju 5:14

Yesu nitiŋɛ ba naa zim Koosa wuti biksi ti nɛnɛ, ba waa zim kiwere awa kitagna. Ba waa chi ba naa biee a di ku chen.