1 Tim. 4:3 - Tampulma

³ Nara nama la biksi di nara kichi diwe bɔnɛ ka nibaala ta kpa haanasa. Amaa Koosa daŋni ba naa se su un a zim wuti ti di ba kpa diwe naa maga o fun naami chen a sumi un aa di.

1 Tim. 4:3 Iomraidhean Croise

Mat. 14:19

O fun a nyɛ nara tima maga kani kɔ tota daha ni, ka o zer boroborosa nyuun ta awa nyinsa lɛ ta a nyini buudaha ni a sumi Koosa a du a ni. O fun zer diwe ta a chɔksi a nyɛ o gantɛl tiŋsi ta ni di ba kpa bɔni nara tima.

Mat. 15:11

Kin naa la zu ma nɔɔna wara nyɛ ma doŋa, amaa kinkin naa la li ma nɔɔna ni, a warɛ nyɛ ma doŋa.”

Mat. 15:36

O fun kpa boroborosa nɔpɛ awa nyinsi ta a sumi Koosa a du a ni, a chɔksi a a nyɛ o gantɛl tiŋsi ta ni di ba kpa a bɔni zɛmɛ ta. Ba fun kpa a bɔni ba.

Luk 24:30

Ba funɛ lagmi di ba di diwe, Yesu fun zer boroboro a sumi Koosa a du a chɔksi un a bɔni ba.

Tuma 27:35

Pɔɔl funɛ sɛm peti, o fun zer boroboro a sumi Koosa a du a chɔk se.

Room 14:17

Koosa dɔ ma, diwe naa ma di a la nyɔ wa bu ya kibirigi o wati. Chenani o siim weri ti nyɛ ma bara sɔɔna awa tu sɔɔna a la suŋi ma di ma tum tum were a nyɛ Koosa ni, kin nama ka ya kibirigi a li o wati.

Room 14:3

Naa kote a di kina maga, o ta nyini naa la di disa duŋduŋ o chi bichɛla. Naa la di disa duŋduŋ, o ta di naa la di kina maga sɛria. Koosa funɛ la ba magau.

Room 14:6

Naa nyɛ wuzu digi wa jirima, ya kunyannɛ o nyini a la nyɛ un jirima. Naa la di kina maga awa naa la chi diwe bɔnɛ, ya kunyannɛ ba nyini a la nyɛ un jirima.

1 Kɔr. 6:13

Ma bɔnɛ gbanko sɛm dɔŋ ni, “Lo daha diwe nyɛn. Diili daha lo gbanko nyɛn.” Amaa wuzu digi Koosa zi wa chɔk a magau. Ya bara wa nyɛn chɔkumsa tuma daharɛ. Ya kunyan daharɛ a nyɛn. Ya kunyan ti gbanko dɔ ya bara di ya kpa a aa tum a nyɛ un.

1 Kɔr. 7:28

I kaa kpa haan, o wa ya di i tum galimsau. I kaa yu baal, o wa ya di i tum galimsau. Ba naa kpak baalasa awa haanasa, ba waa la na namsi a kaali ba naa vɛ kpak baalasa awa haanasa. Mu wara daŋni ma namsi a chi ba.

1 Kɔr. 8:8

Diwe wa kikoti a kpa ya la Koosa wati. Ya di a koo ya chi, a mak ya kibɛgimnɛ.

Kɔl. 2:16

Nandigi ŋɔ di maa di diwe digirɛ a la nyɔ kinyɔɔli digi a vɛ tiŋ wuzu zene awa pɛn falɛ wuzu zene awa hiisi wuzuna a na ma galimsa, ma ta nu ba wati.

Kɔl. 3:17

Kin naa maga maa ya awa chenani maga ma sɛm, ma nyɛ a maga li ya kunyan Yesu sɔn ti ni a kizaami ya kunyan Koosa o sɔn ti gbanko daha.

1 Tim. 2:4

domi o daŋni o yisi nara magwa a li ba tum tagna ni baa tiŋ un a wa zim o wuti ti.

1 Tim. 4:4

Kin nawara maga Koosa fun naami weru. O wara daŋni ya chi diwe bɔnɛ, amaa o daŋni ya kpa diwe magwa a sumi un aa kidi.

1 Tim. 5:14

Mu daŋni luhaan butoosa kiyu baalasau a lul bisa a kinyini ba dama, chen ni ya dɔma wa zi na nyinbaan a chɔk ya sɔn.

Ju 13:4

Nibaala awa ba haanasa kinyɛ dɔŋa awa jirima saha maga. Ba naa la daŋni nihaana yɔri yɔri a la tum chɔkumsa tuma, Koosa zi wa na ba galimsau.

Ju 13:9

Nara wa biksi ma a kurgɛ a li chenani ma nihɛɛta fun te biksi ma, ma ta bur wuti nyinbaan ti ni a tiŋ ba. Chiksɛ naa la biksi ma diwe diili wɛ, a wa suŋi ba. Chendaha a vɛ suŋi ma. Chenani Koosa kpa o kpok a nyɛ ma a la suŋi ma, chen kaali ba chiksɛ ta maga kinkan.