1 Tim. 3:16 - Tampulma

¹⁶ Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

1 Tim. 3:16 Iomraidhean Croise

Mat. 1:23

O fun ŋɔ di, “Butowe naa vɛ zim nibaal o zi wa kpak lo a lul nibabichɛla. Ba zi wa yir unu Imanuɛl. Sɔn ti mun ya, ‘Koosa nyɛn ya wati’.”

Mat. 13:11

Yesu fun ŋɔ ba, “Koosa funɛ kpa o koor ti kin naa o fun kpa a sogli chen a chiŋsi a nyɛ ma a li gbampulim ni di ma zim a muna. Amaa o ha wa ya chen a nyɛ ba.

Mat. 28:2

Ba funɛ la tel hugil ti mun, tɛɛnɛ fun zigsi kinkan ka Koosa fun tum o malaikasi ta digi di o wa bilimsi buŋkul ti a ta hugil ti nɔ ni a kani o daha ni.

Mat. 3:16

Yesu funɛ li mɔɔga ti tuha ni, o fun vaan na buudaha ka o puk o na Koosa siim weri ti. O funɛ chi komne a tu wa a zɔŋ o nyuhu ni.

Mat. 4:11

Sintan ti funɛ nu o sɛm ta, o fun kaali a ka un. Doone Koosa malaikasa fun wa suŋi Yesu.

Maak 1:13

O fun nyɛn doon wuzu fumnaasi. Saha naa o fun nyɛn dooni chen, sintana fun wa o wati di o wa mur un o tum tum tagna, amaa Koosa fun tum o malaikasau di ba wa suŋi un.

Maak 16:19

Ba kunyan Yesu funɛ sɛm ba peti, o zini a kaali buudaha a la kani Koosa nihɛɛ bar kani ni.

Maak 16:5

Ba fun la zu hugil ti tuha a na bunɔɔn digi ka o laari gar pilim a kani ba nindil ni.

Luk 2:32

Be nɔ zi nyɛ Ju tima ba naa i lisi a nyɛ i titi ni chen burgi i jirima narau. O gbanko zi chi i fitinau. Waa la zi biksi ba naa vɛ ya Ju tima ba tiŋ i nyinbaan.”

Luk 20:44

Devid titi funɛ yir un o kunyana chen ni, yɛrɛ o bu kaa ya a zen a kaali un?”

Luk 22:43

Koosa malaika digi fun li buudaha a wa Yesu wati a nyɛ un kpok.

Luk 24:4

Ba fun chiŋi a nyini dɔŋ se ni a la lisi chenani ba zi sɛm. Nara balɛ fun vaan chiŋi a dugli ba a laari gar chaanɛ.

Luk 24:51

O funɛ sumi Koosa a du ba ni chene, a zini kaali buudaha Koosa wati.

Jɔn 1:14

Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

Jɔn 13:3

Yesu funɛ zimu di o nyan naa tum un tɛɛnɛ nɔ maga ni, funɛ kpa kina maga a du o nin ni. O gbanko funɛ zimu di o nyɛn nyinbaan nɛɛ a bur a la Koosa wati.

Jɔn 15:26

“Mu funɛ piin ŋɔ mau di Koosa siim weri naa ya wuti tiina zi biksi nara mu wɛ. Mu wa bur la mu nyan ti wati, mu zi nyɛ o wa ma watiu a wa suŋi ma.

Jɔn 16:28

Mu funɛ li o watɛɛ a wa tɛɛnɛ nɔ maga. Lalaknɔ mu saksi di mu li a bur a la o wati.”

Jɔn 17:5

Mu nyana, i funɛ te kpa i jirima awa i chaani kinkan i wa min bɔni saha digi a zi naami tɛɛnɛ nɔ maga. Kpa chenani mu zi nyɛ hin jirima a gbaari un ni a biksi nara di a ya kibɛgimnɛ.

Jɔn 20:12

a na Koosa malaikasa lɛ ka ba laari kipilima. Ba funɛ kani doonani ba fun kpa Yesu a dau chen, digi o nyuha bar dau ni, digi o naŋgere bar dau ni.

Jɔn 6:62

Ma wa na n waa nibine be ka mu bur a la zu Koosa tɔhɔn ti, yɛrɛ ma zi lisi?

Tuma 1:19

Jɛrusalɛm tim maga fun nu chen wɛ a la yir o ŋmaha ti ‘Akɛldama’ a li ba titi sɛm ni. Chen mun ya, ‘ŋmaha naa chɛl buti dau’.

Tuma 10:34

Doone Pita fun ŋɔ ba, “Lalaknɔwa mu zim di o ya wutirɛ di Koosa wara daŋni digi a ka digi.

Tuma 14:27

Ba fun la tel Antiɔk a yir Yesu nitiŋɛ ta maga a lagmi dɔŋ ni a ŋɔ ba chenani maga Koosa suŋi ba ba tum awa chenani Koosa nyɛ ba naa vɛ ya Ju tima nyinbaan di ba se su Koosa laaboor weri ti.

Tuma 20:28

Waa funɛ nyɛ o be sou a nyɛ ya, chen ni ya zi kotiu a bur a tiŋ un a ya o nara. O siim weri ti funɛ lisi ma di ma ya Yesu nitiŋɛ ba naa funɛ nyɛn Ɛfɛsus ni, nihɛɛta. Ba waa chi piisisa ka ma ka chi ba nigbaŋɛ. Ma kpak Yesu nɛnɛ, chen ni ma zi kotiu a kok ba.

Room 10:12

Koosa wara daŋni bɔnɛ a ka bɔnɛ. Ba naa ya Ju tima awa ba naa vɛ ya Ju tima, ba maga ya kibɛgimnɛ o wati. Ba maga kunyana yaa nu a la suŋi ba naa la yir o sɔn kinkan.

Room 10:18

Amaa ma nyɛ mu pɛɛsi ma, Ju tim ta nu Koosa wɛuu? Ba funɛ nuu. Ba funɛ sɔbi a li Koosa sɛm tɔn ti ni a ŋɔ, “Laaboor ti funɛ pisi tɛɛnɛ nɔ maga ni. Nara funɛ nu o wɛu bawu maga ni.”

Room 16:25

Tɔ. Koosa koti a nyɛ ma kpak nɛnɛ a tiŋ laaboor weri naa mu fun a biksi nara Yesu Kristo wɛ. Ma nyɛ ya pɛgi un chen daha. Koosa funɛ te kpa o laaboor weri nɔ a sogli saha digi,

Room 16:26

a zi kpa un a li gbampulim a nyɛ o witinsi ta ni ba sɔbi o wɛ. Koosa naa nyɛnɛɛ hali saha naa vɛ kpak bɔ, ŋɔu lalaknɔ di ya kpa un a la biksi ba naa maga vɛ ya Ju tima, chen ni ba zi na nyinbaanu a nyɛ ba se su Koosa a tiŋ o nɔ.

Room 3:4

Aai. Nara maga ya nusun tima, Koosa sɛm ta ka zi ya wutiu saha maga. Ba fun a sɔbi a li o sɛm tɔn ti ni a ŋɔ, “Ba zi ŋɔ di i sɛm ta ya wutiu. Ba wa di i sɛria, i zi na nyusumu a li bar diili dɛ ti ni.”

Room 8:3

Nibinsa wa kpak kpok. Chendaha Koosa chiksɛ ta fun vɛ koti a ya chen. Koosa funɛ nyɛ o be burgi nibine a tum un o wa tɛɛnɛ nɔ maga a sou nibinsa tum tagna daha. O funɛ ya chen, Koosa chɔk tum tagna kpok ti,

Room 9:5

Ba waa ya Abraham awa Aizik awa Jakɔb bi lulɛ. Ba waa funɛ lul Kristo. O gbanko ya Koosa a dɔ kina maga. Ma nyɛ ya pɛgi un hali saha naa vɛ kpak bɔ. Ami.

1 Kɔr. 15:47

Koosa funɛ te kpa hɛɛra a naami Adam, amaa Adam naa tiŋ gantɛl chen, Koosa funɛ tum un a li o tɔhɔn ti nɛɛ.

1 Kɔr. 2:7

Ya ka biksi ma Koosa zima ti wɛwa. O funɛ te lisi unu ya jirima daha a zi naami tɛɛnɛ nɔ maga. Hali saha nɔ Koosa ha vɛɛna sogli unu a li nibinsi ni.

2 Kɔr. 1:19

Min, Sailas awa Timoti funɛ nyɛn ma wati chen, ya fun a biksi ma Yesu Kristo naa ya Koosa be, wɛ. Yesu wara vɔu a nyɛ ma wa o nyina ni. O ka tum o tum magawa wa tu bɛgim ni.

Gal. 2:8

Koosa fun kpa o kpok ti a nyɛ Pita ni di o ya o nitumi a la biksi ba naa ya Ju tima. Koosa gbanko funɛ kpa o kpok ti a nyɛ min di mu ya o nitumi a la biksi ba naa vɛ ya Ju tima.

Gal. 4:4

Amaa o saha funɛ wa tel, Koosa fun tum o titi be tɛɛnɛ nɔ maga ni. Nihaan digi funɛ lul o be. O fun bi aa tiŋ Koosa chiksɛ ta.

Ɛfɛ. 1:9

o funɛ lisiu saha digi di o zi kpa Yesu Kristou a tum o tuma hali o wa peti. O fun a tiŋ o tutɔ ti a biksi ya o wu sogle nama wɛ.

Ɛfɛ. 6:19

Ma gbanko kisumi Koosa mu daha, di o nyɛ mu bambi kpok mu biksi nidamata o laaboor weri ti wɛ. O laaboor weri nɔwa, o fun kpa sogli hali wa zinan o kpa un a li gbampulim ni.

Kɔl. 1:23

Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

Kɔl. 1:27

O funɛ ya o tutɔrɛ o biksi o wu sogli nɔ mun a nyɛ o nara ni. Waa sir ya wu weri kinkan ba naa vɛ ya Ju tim chen wati. Nan ya o wu sogli ti. Kristo ti nyɛn ma ni. Chendaha ma kpak bambi bɛgim di wuzu digi Koosa zi wa kpa a li o jirima niu a nyɛ ma.

Kɔl. 1:6

Koosa laaboor were tirɛ ba kpa a mɔɔli bar damata ni a gbaari. Nara kinkan se funɛ su Koosa, ba bur a tum tum were o daha. Saha naa ma se fun te lɛli a zim di Koosa funɛ suŋi mau, o gbanko fun nyɛ ma se su un, chen ni ma zi tum tum wereu.

Kɔl. 2:2

Mu kpaŋi mu titiu di mu kpami ma maga, chen ni ma zi ya nibɛgimu domi maa daŋni dɔŋau a zim Koosa wu sogli mun nɛnɛ a ta beeli. O wu sogli ti ya Kristo.

2 Tɛs. 1:10

A wuzu naa ya kunyan ti kaa wa bur wa, ba naa maga se su un zi nyɛ un jirimau kinkan. Ma gbanko zi wa nyɛn dooniu a ya chen, domi ma se funɛ su Koosa laaboor weri naa ya fun wa biksi ma chen.

2 Tɛs. 2:7

Nibinsa piin sogli a vɛ Koosa. Chen kin ti tɔ ba nyinbaan di ba vɛ Koosa gbampulim ni chen, hali o saha wa tel o kaali.

1 Tim. 3:9

Amaa o lawa ba kpak wuti naa funɛ sogli ka Koosa kpa un li gbampulim chenu a kpak tu bɛgim wa Koosa ni.

Ju 1:3

Koosa funɛ kpa o jirima awa o chaani kinkan a nyɛ un. O bɔni chenani Koosa du, a kpa o kpok kinkan a sɛm a kpak tɛɛnɛ nɔ maga awa buudaha a lagmi dɔŋ ni. O funɛ sou, chen ni Koosa zi koti a chaksi nibinsa tum tagnau a li ba bambe ni baa tiŋ un. O funɛ si o sou ni a zini a zu Koosa tɔha, a fun la kani Koosa naa kpak kpok kinkan a kaali a maga, nihɛɛta bar kani ni.

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

Ju 7:7

Naa sumi Koosa a du nara ni, waa zen a kaali ba naa o sumi a du chen ni.

Ju 8:1

Nan wu birigirɛ ya daŋni ya ŋɔ ma. Yesu naa ya ya Koosa dam kɔkɔɔra, kani Koosa naa zene a kaali kina maga, nihɛɛ bar kani ni a li o tɔhɔn ti ni.

1 Pita 1:12

Koosa siim weri ti gbanko wa fun biksi o witinsi ta di ba wa tum a nyɛ ba titi nɛɛ, amaa ba tum a nyɛ ma nɛɛ. Koosa fun a tum o siim weri ti a li o tɔhɔn ti ni di o kpa o kpok ti a nyɛ ba naa funɛ wa biksi ma Koosa laaboor weri ti wɛ. O witinsi ta funɛ sɛm o laaboor weri ti wɛu a daŋni ma zim un. Hali Koosa malaikasa daŋni ba zim o laaboor weri ti munu.

1 Pita 1:20

O funɛ te lisi Kristore a zi naami tɛɛnɛ nɔ maga. Tɛɛnɛ nɔ maga siili saha wa dugli, Koosa fun tum un di waa tum nan a nyɛ ma.

1 Pita 1:21

Kristo funɛ sou a li o daakakli ti ni, Koosa fun lɛli un a li o sou ni a kpa o jirima awa o chaani kinkan a du un ni. O daha ma se su Koosau ka ma kpak bambi bɛgim un ni.

1 Pita 3:18

Kristo titi funɛ sou bu bɛgimnɛ ma tum tagna daha, chen ni o zi kpa mau a la Koosa wati. Naa funɛ ya tum were nitumi, waa funɛ chiŋi ya naa ya tum tagna nitumɛ bar chiŋi ni. Ba funɛ kpu o barawa, amaa Koosa siim weri ti funɛ lɛli unu a li o sou ni,

1 Pita 3:22

O fun lɛli Kristo a zini kaali o tɔhɔn ti a nyɛ o kani o nihɛɛ bar kani ni a dɔ o malaikasi ta maga awa o kpok tima.

1 Jɔn 1:2

Koosa funɛ kpa miisa maga tiin ti a tum tɛɛnɛ nɔ maga ni. Ya funɛ na unu, a ya o sɛhɛra tima a la ŋɔ ma Koosa mi fali naa vɛ kpak bɔ wɛ. Waa funɛ nyɛn Koosa ni saha maga, ka o fun kpa un a biksi ya.

1 Jɔn 3:5

Ma zimu di Yesu funɛ wau di o wa yisi nara tum tagna maga a ta. O wa tum tum tagin hali tama.

1 Jɔn 3:8

Ba naa maga la tum tum tagna, ba ya sintana bisiwa. Sintana funɛ tum tum tagnau a li piili ti ni hali wa zinan. Chendaha Koosa fun nyɛ o be wa tɛɛnɛ nɔ maga a wa chɔk sintana tuma.

JɔnN Deesi 17:5

Ba fun sɔbi o sɔn naa mun soglee a sak o til ni. Ma nyɛ mu kpa un li gbampulim a ŋɔ ma. O mun ya, “min ya Babilɔn naa ya tɔ zen awa sakaal tima wa ba naa maga la tum tum doŋa kinkan niina.”

JɔnN Deesi 17:7

Malaika ti fun ŋɔ min, “Yɛrɛ i nyɛ alaazibu kpak hin chen ni? Nihaan ti awa sel zen naa kpak nyuuna nɔpɛ awa nyindaasa fi ka o zini un, o wa un kpak mun naa soglee. Mu zi ŋɔ hin chenani o duu.

JɔnN Deesi 7:9

A gantɛl ni mu fun nyini a na ka zɛmɛ kinkan nyɛn dooni. Nandigi wa fun koti a gur ba. Ba funɛ li tɛɛnɛ nɔ maga pulumsa awa buurisa maga ni ka ba maga sɛm sɛm kurgɛ. Ba fun laari takta ziŋɛ pilima a kpak bone kpachaga ba nisa ni a chiŋi Koosa jirima bar kani awa piisi be ti suwachak ni.