1 Tim. 3:1 - Tampulma

¹ Mu sɛm wutirɛ. Nar kpak un o bambi ni di o ya Yesu nitiŋɛ nyuhu tiina, o daŋni kiwerere.

1 Tim. 3:1 Iomraidhean Croise

Luk 15:10

Yesu fun ŋɔ ba, “Chen vɛɛna, tum tagna tiin digi wa gil o tum tagna yaali a burgi tiŋ Koosa nyinbaan, o malaikasi ta tusa ya sɔɔniu kinkan.”

Tuma 1:20

“Ba funɛ sɔbiu a li Koosa sɛm tɔn ti bar digi naa ba yir Saams chen ni a ŋɔ, ‘Ma ta nyɛ nandigi bu nyɛn o dam ni.’ Ba gbanko funɛ sɔbiu a ŋɔ, ‘Ma nyɛ nandigi chiŋi o bar chiŋi ni.’

Tuma 20:28

Waa funɛ nyɛ o be sou a nyɛ ya, chen ni ya zi kotiu a bur a tiŋ un a ya o nara. O siim weri ti funɛ lisi ma di ma ya Yesu nitiŋɛ ba naa funɛ nyɛn Ɛfɛsus ni, nihɛɛta. Ba waa chi piisisa ka ma ka chi ba nigbaŋɛ. Ma kpak Yesu nɛnɛ, chen ni ma zi kotiu a kok ba.

Room 11:13

Ma naa vɛ ya Ju tima, maa nu mu wati lalaknɔ. Chenani Koosa nyɛ mu ya o nitumi di muu biksi ma o wɛ ya mu jirima kin.

Ɛfɛ. 4:12

chen ni o nara ba naa maga chi o bara zi zimu chenani ba zi tum ba tumau a nyɛ dɔŋ ni, a kpak un nɛnɛ a gbaari.

Filip. Tima 1:1

Min waa, Pɔɔl, la sɔbi tɔn nɔ a nyɛ ma. Mu wa Timoti ya naa ya Yesu Kristo tumtumsa zaami ma naa ya Koosa nara awa ma nihɛɛta awa ma nisuŋɛ a li Filipai ni. Ma wa Yesu Kristo ya nibɛgimnɛ.

1 Tɛs. 5:14

Mu niinbisa, ya ŋɔ mau wuti ni, ma ŋɔ nibin yarɛ ni a kikpami ba, a kisuŋi ba naa la ɔm wa ba kpak bambi, a kisuŋi ba naa se suuli gbarɛgɛɛ, aa kpak nara maga wa kanyita.

1 Tim. 1:15

Chenani mu kaa ŋɔ nan ya wuti sɛma a naa ya maga zi la nɔɔni. Yesu Kristo funɛ wa tɛɛnɛ nɔ maga di o wa yisi nara a li ba tum tagna ni baa tiŋ Koosa. Min funɛ tum tum tagna a kaali nara maga.

1 Tim. 4:9

A waa ya wuti sɛma a naa ya maga zi la nɔɔni kinkan.

2 Tim. 2:11

Ba funɛ sɛm wutirɛ, “Ya wa un siwɛɛ, wuzu digi ya wa un zi nyɛnu.

Tait. 1:7

Chenani o ya Yesu nitiŋɛ nyuhu tiina aa tum Koosa tuma nan, o lawa o kpak sɔn weri wa nara niu. O ta ya diŋ vɛ nuuli tiina a ta na paan lalaga a du nara ni, a ta nyɔ sin kinkan a dɛɛsi, a ta kpak nara wa tuha sa, a ta daŋni o ya malɛ tiina.

Tait. 3:8

Chenani mu ŋɔ hin, nan ya wutirɛ. Mu daŋni i yaa kibiksi narawa kin nama wɛ kinkan, chen ni ba naa se su Koosa se zi sɛri tum were tumi niu. Ba tum chen, ba zi wa na nyɔɔrau.

Ju 12:15

Koosa la suŋi ma di ma ya tu chaan tima aa gbaari. Ma doso ma ta nyɛ ma nandigi wa tɔ o nyinbaan. O bambe vɛ nyɛn un ni, chenani o lisi zi bu ma magau. Chen yɛɛ, yɛrɛ o zi wa du ma ni?

1 Pita 2:25

Ma funɛ chi piisi nyuksɛwa. Lalaknɔ ma funɛ burgiu a wa Kristo naa chi ma nigbaŋi, wati. Waa la nyini ma siimsa.

1 Pita 4:15

Ma zimu di ma ta kpu nara a ta ŋmɛɛli a ta tum tum tagna a ta zu nara wɛ ni. O wa ya Koosa tutɔrɛ maa namsi kin nama daha.

1 Pita 5:2

Ba naa la tiŋ Koosa chi o piisisiwa. Waa nyɛ ma ya ba nigbaŋɛ. Maa nyini ba nɛnɛ. Ma ta nyini ma na nyɔɔra a li ma tum ni, amaa maa kpak un ma bambe ni di ma tum tuma a nyɛ ba kinkan. O wa ya muksirɛ ma tum chen. Ma tutɔrɛ maa tum. Chene Koosa daŋni.