1 Tim. 2:7 - Tampulma

⁷ Chendaha o fun nyɛ mu ya o nitumi a tum min di mu la biksi ba naa vɛ ya Ju tima di ba se su un ka ba wa zim wuti ti. Mu sɛma ya wutirɛ. Mu wa ya nusun tiina.

1 Tim. 2:7 Iomraidhean Croise

Jɔn 7:35

Ju tim ta wa fun zim o sɛm ta mun a la pɛɛsi dɔŋa, “Leene o kaa gba la ka ya vɛ na un? O zi la Ju tim ba naa wa hɔɔra nyɛnɛɛ a la biksi ba chenuu?

Tuma 14:27

Ba fun la tel Antiɔk a yir Yesu nitiŋɛ ta maga a lagmi dɔŋ ni a ŋɔ ba chenani maga Koosa suŋi ba ba tum awa chenani Koosa nyɛ ba naa vɛ ya Ju tima nyinbaan di ba se su Koosa laaboor weri ti.

Tuma 22:21

Mu kunyan ti fun bukoo ŋɔ min, ‘Mu kaa tum hin i la ba naa vɛ ya Ju tim watɛɛ a li tɔ bar bole ni. Adaha kila.’ ”

Tuma 26:20

Mu funɛ te biksi Koosa laaboor weri ti a nyɛ Damaskus tim ni a zi kaali Jɛrusalɛm awa Judia pulum awa ba naa vɛ ya Ju tima a la biksi doonma ni. Mu fun biksi ba di o lawa ba gil ba tum tagnau a bur tiŋ Koosa a tum tum were di ba biksi nara chenani ba tum.

Tuma 9:15

Ya kunyan ti fun bu ŋɔ un, “Mu funɛ lisi un di o tum mu tuma a kibiksi Ju tim ta, ba naa vɛ ya Ju tima awa ba koorsa mu wɛ. Adaha la tum chenani mu ŋɔ hin.

Room 1:9

Koosa naa muu tum a nyɛ awa mu bambi maga ni a la biksi o laaboor weri ti o be wɛ a nyɛ nara ni, waa ya mu sɛhɛra tiina di mu yaa sumi unu ma daha,

Room 10:14

Ba se vɛ un, yɛrɛ ba kaa yir o sɔn di o yisi ba a li ba tum tagna ni? Ba fu vɛ nu o wɛ, yɛrɛ ba se fu zi koti a su unn? Nara fu vɛ biksi ba o wɛ, yɛrɛ ba fu kaa ya a nu o wɛ?

Room 11:13

Ma naa vɛ ya Ju tima, maa nu mu wati lalaknɔ. Chenani Koosa nyɛ mu ya o nitumi di muu biksi ma o wɛ ya mu jirima kin.

Room 15:16

Waa funɛ nyɛ mu ya Yesu Kristo tumtumna ba naa vɛ ya Ju tim daha. Chendaha mu sɔbi a nyɛ ma chen. Mu chi Koosa dam kɔkɔɔrsa ba naa yaa kpa kina a nyɛ Koosa ni digirɛ. Mu biksi ba naa vɛ ya Ju tima o laaboor weri ti wɛ, chen ni mu zi kpa ba naa o siim weri ti fun lisi chen a nyɛ unu.

Room 9:1

Domi mu wa Kristo ya nibɛgimnɛ, mu wara suni wɛ. Koosa siim weri ti ya mu sɛhɛra tiina. Chenani mu kaa ŋɔ ma nan, o ya wutirɛ.

1 Kɔr. 9:1

Mu wati, mu wa dɔ mu titii? Mu wa ya Yesu Kristo nitumɛ ta digirɛɛ? Mu wa fun na ya kunyan Yesuu? Ma waa tiŋ Yesu domi mu funɛ wa ma wati a biksi ma Koosa laaboor weri ti wɛɛ?

2 Kɔr. 11:31

Koosa naa ya ya kunyan Yesu nyana, zimu di mu wa ya nusun tiina. Ma nyɛ ya pɛgi un hali saha naa vɛ kpak bɔ.

Gal. 1:16

a nyɛ mu wa zim o be Yesu ti gbampulim ni, chen ni mu zi la biksi ba naa vɛ ya Ju timau o laaboor weri ti wɛ. Mu wa fun lagmi nandigi ni di o ŋɔ min chenani mu zi tum,

Gal. 1:20

Chenani mu sɔbi nan ya wutirɛ. Koosa ya mu sɛhɛra tiina mu wara suni wɛ.

Gal. 2:16

Ya zimu di nar tiŋ Koosa chiksɛ ta duŋduŋ, chen tiina ha zi vɛɛn kpak galimsau o wati, amaa nar nyɛ o si su Yesu Kristo, Koosa wa zi bu na o galimsa. Ya se su Yesu Kristo. Ya wara tiŋ Koosa chiksɛ ta duŋduŋ. Chendaha o wa bu na ya galimsa.

Gal. 2:9

Jems, Pita awa Jɔn ba naa chi nihɛɛti ta, funɛ zimu di Koosa suŋi minu di muu tum o tuma chen ni, ba fun la nɔɔni di ya wa ba ya nibɛgimnɛ. Ba wa ya gbanko fun la nɔɔniu di ba zi la biksi ba naa ya Ju timau. Ya ka zi la biksi ba naa vɛ ya Ju timau.

Gal. 3:9

Abraham si funɛ su Koosa. Chendaha Koosa fun suŋi un chen. Ba naa maga se su Koosa, o zi suŋi bau a chi chenani o fun a suŋi Abraham chen.

2 Tim. 1:11

Koosa fun lisi min di mu ya o nitumi a la biksi nara o laaboor weri ti wɛ.

2 Pita 2:5

Tɛɛnɛ nɔ tima ba naa funɛ nyɛn saha digi aa tum tum tagna kinkan, o fun a kpa ni a su tɛɛnɛ nɔ maga ba siti. O fun a yisi Nowa di o ŋɔ nara tima ni di ba bur aa tum tum were. Ni ti funɛ wa su, o wa nara banɔpɛ duŋduŋ funɛ nyaŋi a fosi.