1 Tim. 2:4 - Tampulma

⁴ domi o daŋni o yisi nara magwa a li ba tum tagna ni baa tiŋ un a wa zim o wuti ti.

1 Tim. 2:4 Iomraidhean Croise

Mat. 28:19

Ma la biksi Koosa laaboor weri ti a nyɛ nibinsa ba naa nyɛn bawu maga ni. Ma chaksi ba wa ni ni, chen ni ba zi burgiu mu wa mu kunyan Koosa awa o siim weri ti gantɛl tiŋsa.

Maak 16:15

O funɛ nyɛn ba wati chene, o fun ŋɔ ba, “Ma si aa la tɔsa naa maga nyɛn tɛɛnɛ nɔ ni a la sɛm Koosa laaboor weri ti a nyɛ nara maga ni.

Luk 1:77

Hin la zi ŋɔ o nara ni di ba gil ba tum tagna a bur tiŋ Koosa, o zi yisi bau.

Luk 14:23

Adaha kunyan ti fun bukoo ŋɔ o tumtum ti ni, ‘Kila nyinbaanasa naa vɛ dugli tɔhɔn nɔ a la kpaksi nara a wa su mu dam ti.

Luk 24:47

O fun ŋɔ ba, “Koosa laaboor weri ti biksi nara gil ba tum tagna a bur a tiŋ Koosa, o zi gil ba tum tagnau a nyɛ ba chen tiin sou daha. Ba fun bukoo sɔbi di o lawa o gantɛl tiŋsi ta te biksi laaboor nɔ a li Jɛrusalɛm ni a zi biksi bawu maga ni.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Jɔn 17:17

I sɛm naa mu fun kpa a biksi ba chen ya wutirɛ. Kisuŋi ba baa tiŋ i wuti nyinbaan ti a ta bur la lagmi tɛɛnɛ nɔ tim maga ni.

Jɔn 6:37

Ba naa mu nyan ti fun kpa nyɛ min chen, zi wa mu watiu n la ba du. Mu wa zi kut vɛ ba naa maga wa mu wati.

Room 11:14

Nan daha, amii mu titi nara bɔnɛ kpak ma handɔtau, chen ni Koosa zi koti a yisi bau a li ba tum tagna ni.

1 Tim. 4:10

Chendaha yaa tum ya tuma kinkan a nyɛ Koosa ni, domi ya kpak bambi bɛgimu un ni. O nyɛnu a daŋni o yisi nara maga a li ba tum tagna ni baa tiŋ un. O piin ya chenu a nyɛ ya naa se su un ni.

2 Tim. 2:25

Saha naa o wa burgi womna nibiksɛ na nyuuna, o ta na paan a du ba ni. Ami Koosa zi nyɛ ba nyinbaanu di ba gil ba tum tagna a bur tiŋ un a wa zim o wuti ti.

2 Tim. 3:7

Nihaan nama yaa kpaŋi di ba buksi wu digi, amaa ba ka wa fun koti a zim un nɛnɛ.

Tait. 1:1

Mu waa, Pɔɔl, naa ya Koosa tumtumna awa Yesu Kristo nitumi, min la sɔbi tɔn nɔ. Koosa funɛ lisi min a tum di mu wa kpami ba naa Koosa fun lisi di ba se su un a wa zim o wuti, chen ni ba zi tiŋ unu nɛnɛ.

Tait. 2:11

Koosa daŋni o suŋi nibinsa magawa a yisi ba a li ba tum tagna ni baa tiŋ un. Chendaha o fun tum o be o wa tɛɛnɛ nɔ maga ni.

Ju 10:26

Ya funɛ nu Koosa wuti sɛmau a kpa ya nyuuna a vɔu tum tagna tumi, kɔɔri digi wa to a la zi nyɛ Koosa yisi ya a li a ni.

Jems 3:14

Amaa ma kpak handɔta awa tuha sa a ya se tima, ma ta daŋni sɔn a kisuni di ma kpak wuti zimau.

2 Pita 3:9

Nara bɔnɛ lisi di ya kunyan ti vusiu a vɛ tum chenani o fun vɔwi. O daŋni ma gil ma tum tagniwa aa tiŋ un, chen ni o wa zi wa chɔk ma. Chendaha o kpak ma kanyita.

2 Jɔn 1:1

Mu waa, nihɛɛ, la sɔbi tɔn nɔ a nyɛ nihaan naa Koosa fun lisi a nyɛ o titi ni awa o bisa ba naa mu daŋni kinkan. Mu duŋduŋ laata la daŋni ma chen, amaa ba naa maga zim Koosa wuti, ba daŋni ma chene,

JɔnN Deesi 14:6

Doone mu fun nyini a na ka malaika funɛ za buudaha bar boli ni. O fun chuŋi Koosa laaboor weri ti di o la nyɛ pulumsa awa buure ba naa maga la sɛm sɛm kurgɛ a nyɛn tɛɛnɛ nɔ ni.