1 Tim. 1:9 - Tampulma

⁹ Koosa wa fun nyɛ o chiksɛ ta nibin were daharɛ. O fun kpa a a nyɛ ba naa vɛ tiŋ a, a vɛ tiŋ Koosa nɔ a vɛ daŋni ba zim un a la tum tum tagna a kpu nara hali ba nyama awa ba numa,

1 Tim. 1:9 Iomraidhean Croise

Mat. 10:21

“Nara zi wa kpa ba niinbisau a la nyɛ nara ni ba kpu ba. Bisa nyama gbanko zi wa ya chenu. Bisa vɛɛn kaa wa ya ba nyama awa ba numa chene.

Room 1:30

a la chɔk nara sɔna a la pini nara zoma aa ha Koosa. Baa daŋni sɔniwa a la zer ba titi a la nyini tum tagna falɛ di ba tum saha maga. Ba wa tiŋ ba nyama awa ba numa nɔɔna,

Room 4:13

Koosa funɛ vɔu Abraham awa o bi lulɛ di ba zi wa dɔ tɛɛnɛ nɔ magau, o wa fun vɔu chen Abraham chiksɛ tiŋi daha. O si funɛ su Koosa, chen ni o wa fun koti a bu na o galimsa. Chendaha Koosa fun vɔu chen.

Room 5:20

Koosa funɛ kpa o chiksɛ ta a nyɛ Ju tim ta ni, a waa funɛ nyɛ nara tum tum tagna a gbaari kinkan. Ba funɛ tum au a gbaari, chenani Koosa suŋi ba gbanko gbaari a kaali chen.

Room 6:14

Koosa chiksɛ ta wa bu dɔ ma. Lalaknɔwa Koosa suŋi ma. Chendaha tum tagna wa zi bu dɔ ma.

Gal. 3:19

Yɛrɛ Koosa fun kpa o chiksɛ ta a nyɛ Mosis ni a gbaari o vɔwi naa o fun piin kpa a nyɛ Abraham ni? Koosa funɛ ya chene, chen ni nibinsa zi zimu chenani tum tagna duu, hali saha naa Abraham be luli naa Koosa fun vɔu di o tum, fun wa. Koosa funɛ kpa o chiksɛ ta a nyɛ nara ni, o funɛ te kpa a a nyɛ o malaikasi ta nɛɛ. Ba fun a kpa a a nyɛ Mosis ni o ka fun kpa a a nyɛ nara ni.

Gal. 5:18

Koosa siim weri ti ya ma nyuhu tiina, Koosa chiksɛ ta wa bu ya ma nyuhu tiina.

Gal. 5:21

a nyɔ sin a dɛɛsi a lagmi a di diwe kinkan a la tum tum tagna kinkan. Mu funɛ te tɛ ma ninu kin nama daha. Mu bukoo tɛ ba naa la tum tuma a chi nan ninu di ba wa zi wa zu Koosa koor ti.

Gal. 5:23

a ya jɛrgɛ tima, aa ya bambe tima. Ma nyɛ o suŋi ma di ma nyɛn nan, nandigi wa fun sɔbi chiksɛ di ma gil tum were na maga.

2 Tɛs. 2:8

Doone tum tagin tiin ti zi na nyinbaan a wa. Ya kunyan Yesu wa bur wa, o zi wa kpa o kpoku awa o jirima wa o hiisa a hiisa a du un niu o sou.

1 Tim. 4:7

Ta lagmi ba naa la biksi mura a naa vɛ ya Koosa wɛ, a nyɛ nara ni. Ba mur ta ya yɔrirɛ. Kpaŋi i titi kinkan Koosa wuti biksi ti nyɛn i bambi ni.

1 Tim. 6:20

Timoti, kiil kin tima mu fun kpa a du i nin ni chen. Ta lagmi ba naa la sɛm di ba biksi nara chenani ba zi wa zim Koosa. Ba biksi ti ya yɔrirɛ. Saha maga nara nama di ba titi womsi amɔrɛrɛ a la sɛm sɛm tagna.

2 Tim. 2:16

Ta lagmi ba naa yaa biksi womsi mura a naa vɛ ya Koosa wɛ, a nyɛ nara ni. Ba naa la biksi chen ni, duŋni narawa a li Koosa wati a gbaari.

2 Tim. 3:2

Nara zi wa nyɛn dooniu a kpak si a kidaŋni malɛ a zer ba titi aa ya diŋ vɛ nuulisi tima. Ba zi wa pini nara zomau a kivɛ ba nyama awa ba numa nɔɔna a ta zaami nara aa vɛ tiŋ Koosa.

Tait. 1:10

Nibin damata vɛ tiŋ Koosa nɔ a kpa ba sɛm yɔrisa a la mur ba dɔŋtima. Ju tima ba naa ŋɔ di ba se su Yesu, bɔnɛ la ya chen a kaali ba maga.

Tait. 1:16

Nibiksɛ na la ŋɔ di ba zim Koosau, amaa ba tuma biksɛɛ di ba wa zim un. Ba vɛ o nɔ a vɛ koti aa tum tum were. Chendaha ba chi kipɔtiwa o wati.

Tait. 1:6

O lawa nihɛɛ kpak sɔn weri wa nara niu a kpak nihaan bɛgim duŋduŋ a kpak bisa ba naa se su Koosa. Ba ta chɔk o malɛ aa kitiŋ o nɔ.

Tait. 3:3

Ya ha wa fun zim Koosa a ya womna saha digi. Ya funɛ tiŋ ya titi nyinbaannɛ a vɛ tiŋ o nɔ. Saha maga ya yaa daŋni ya titi daŋnɛwa ka ya tusa sɔɔni. Ya yaa chɔk ya dɔŋtima sɔniwa a di handɔta a du ba ni. Nidamata fun ha ya. Ya gbanko ka fun ha ba.

Ju 11:31

Sakaal tiin digirɛ ba funɛ yir Rehab, funɛ nyɛn dooni. Ju tim nihɛɛ fun tum nara di ba la sogli a nyini tɔhɔn ti ni a bur wa, Rehab fun a la ba du. O si fun su Koosa. Chendaha Ju tim ta fun vɛ kpa un a gbaari Jɛriko tim ba naa funɛ vɛ Koosa nɔ, a kpu.

Ju 12:16

Ma doso ma ta tum chɔkumsa tuma akoo a tiŋ a chi Isɔ funɛ tiŋ saha digi chen. Waa funɛ ya o nyan bi hɛɛ a vɛ zim Koosa a yogli o nyan kin naa maga a kpa malɛ a la yau diwe bɛgim.

1 Pita 2:7

Waa ya nizen kinkan a li ba naa se su un ni. Amaa ba funɛ sɔbi ba naa vɛ un chen wɛu a li Koosa sɛm tɔn ti ni a ŋɔ, “Buŋkul naa nisalɛ vɛ a ŋɔ di o ya yɔrirɛ, waa ya buŋkul zen a kaali a maga.

1 Pita 3:20

Siimsi nama wa fun tiŋ Koosa nɔ. Ba funɛ nyɛnu saha naa Nowa fun kɔɔri o arŋa saha digi chen. Chen saha ti Koosa kpak ba kanyita, amaa ni funɛ wa su, o fun a yisi nara mɛnasa duŋduŋ ni ti ni.

1 Pita 4:18

Ba fun a sɔbi a li Koosa sɛm tɔn ti ni, “O bɔmɛɛ di Koosa yisi nibin were, yɛrɛ o zi du tum tagna nitumɛ ba naa vɛ zim un?”

Juud 1:15

ba zi wa di nara maga sɛriau. Ba naa maga la tum tum tagna a sɛm sɛm tagna aa du Koosa ni, o zi na ba galimsau a ta ba yɔri.”

JɔnN Deesi 21:8

Amaa ba naa bur a li mu tiŋi ni a li nara gantɛl a la tiŋ doŋ tuma a la kpu nara a la tum chɔkumsi tuma a la tum tu bilim tuma a la jɛɛmi vursa a ya nusun tima, mu zi na ba galimsau a kpa bau a yo du bɛɛŋ naa din nyɛn saha maga ni a ta ba yɔri.”

JɔnN Deesi 22:15

Amaa ba naa la tum tum doŋa a la tum tu bilim tuma a la tum chɔkumsi tuma a la kpu nara a la jɛɛmi vursa ka ba tusa sɔɔni awa nusun ni, ba maga zi wa kpalimi tɔhɔn ti dentil niu.