1 Tɛs. 4:12 - Tampulma

¹² Maa tiŋ nan ni, ba naa funɛ vɛ di se wa zi su Yesu chen, ba zi nyɛ ma jirimau. Ma wa zi nyini nandigi se ni di o nyɛ ma kundɔŋ.

1 Tɛs. 4:12 Iomraidhean Croise

Maak 4:11

O fun ŋɔ ba, “Ma warɛ Koosa nyɛ ma zim o koor ti kina, amaa ba naa vɛ nyɛn Koosa koor ti ni chen, jɛɛgɛwa n yaa jɛɛgi a nyɛ ba chen,

Room 12:17

Nandigi tum tum tagin a du ma ni, ma ta bu kpa tum tagin a bɔ un. Maa ka tum tum naa nibinsa maga zim di a weru.

Room 13:13

Ya wa bu nyɛn dusum ni. Chendaha o lawa ya tum chenu. Ma ta nyɛ ya lagmi dɔŋ ni a nyɔ sin a dɛɛsi. Ma ta tum chɔkumsa awa sakaal tuma a kidi dɔŋa wa amɔrɛ a kpak handɔta wa dɔŋ ni.

Ɛfɛ. 4:28

Ma ya ŋmɛɛrsa, ma gil ŋmɛɛli. Ma la di ma bara wilim ni, chen ni ma zi kotiu a lisi ma kina tuhu ni a suŋi fara tima.

Filip. Tima 4:8

Mu niinbisa, ma nyɛ mu lagmi a nama maga a ŋɔ ma. Ma yaa lisi kin naa ya wuti a kpak jirima a deŋli a chaani a wer. Kin nawara nara pɛgi, maa lisi a wɛ.

Kɔl. 4:5

Ma wa ba naa vɛ tiŋ Yesu, lagmi dɔŋ ni, ma lisi chenani ma zi tiŋ wa nɛha a li ba wati. Maa biksi ba Koosa nyinbaan saha maga.

1 Tɛs. 5:22

Koosa siim weri ti kpok vɛ nyɛn ba sɛm ta ni, ma vɛ a.

1 Tim. 3:7

O lawa ba naa vɛ zim Koosa, kinyɛ un jirimau, chen ni sintana wa zi wa mo o lo o di hiisa.

1 Pita 2:12

O lawa ma kpak sɔn were ba naa vɛ zim Koosa watiu, chen ni ba wa fiksi ma di ma tum tum tagna, ba zi wa na ma tum were duŋduŋu. Koosa wa wa di o wa di tɛɛnɛ nɔ tim maga sɛria, nifiksi nama zi pɛgi unu ma daha.

1 Pita 3:1

Nihaana, ma gbanko kitiŋ ma baalasa nɔɔna, chen ni ba bɔnɛ se vɛ su Koosa laaboor weri ti, ba zi daŋni ba burgiu a tiŋ un chenani maa tum daha. Ba wa zi burgi a tiŋ un ma sɛm daha,