1 Tɛs. 2:2 - Tampulma

² Ma zim chenani Filipai tima fun te tum tum tagna a du ya ni a la pini ya kinkan ka ya zi wa pu ma Tɛsalɔnika ni. Ya funɛ nyɛn ma wati, ba naa funɛ nyɛn dooni ha vɛɛna muksi yau kinkan, amaa Koosa funɛ nyɛ ya o kpoku ya kpak bambi a ŋɔ ma o laaboor weri ti wɛ.

1 Tɛs. 2:2 Iomraidhean Croise

Tuma 14:3

Pɔɔl awa Barnabas fun nyɛn dooni a vusi a kpak bambe kpok di ba la biksi nara ya kunyan ti wɛ. Waa funɛ nyɛ ba o kpok ti di ba tum tum zene awa alaazibu tuma a nyɛ un, chen ni nara zi zimu di chenani ba biksi ba di Koosa daŋni o suŋi bau funɛ ya wuti.

Tuma 14:5

Doone Ju tim ta, ba nihɛɛta awa ba naa vɛ ya Ju tima ka ba se vɛ suuli, fun si a la chem ba wa yo ni a pini buŋkula a yaksi ba.

Tuma 16:12

Ya fun kpa teku ti a ta ya gantɛl ni a la tel tɔhɔn naa ba yir Filipai. O funɛ ya tɔ birigirɛ a li Masɛdonia pulum ti ni. Roman tima funɛ sa un. Ya fun nyɛn doon wuzu damata.

Tuma 16:19

Baa naa dɔ nihabichɛl ti chen funɛ na chenani Pɔɔl ya, ba fun zim di ba wa zi bu na nyɔɔra a li un ni. Ba fun kpak Pɔɔl awa Sailas a zaksi ba a la yawa doonani ba di sɛriasa chen.

Tuma 16:37

Pɔɔl fun la ŋɔ lanjimasi ta ni, “Ma sɛria nidiile ta wa dɛ na ya galimsa, amaa ba nyɛ ma tuksi ya wa vurmsi ni nara tima suwachak ni a kpa ya tɔ dɛ. Ya ya Ju narawa a vɛɛn ya Roman tima, adaha ba wa kpak nyinbaan wa ba nyɛ ma ya ya chen. Lalaknɔ ba daŋni ba sogli a lisi ya a ta. Ya wa la nɔɔni chenani ba daŋni ba ya chen. Ma bur la ŋɔ ba di ba titi kuwa a wa lisi ya.”

Tuma 17:1

Ba fun la gali tɔsa naa ba yir Amifipolis awa Apolonia a la tel tɔhɔn naa ba yir Tɛsalɔnika. Ju tim ta funɛ kpak ba bar lagmi dɛrɛ dooni.

Tuma 17:17

O yaa fun la zu Ju tim ta bar lagmi dɛ a biksi ba awa ba naa vɛ ya Ju tima a la jɛɛmi Koosa, Yesu wɛ. O biksi ti fun nyɛ ba wa un di amɔrɛ. O gbanko yaa fun la yawa a ŋɔ ba naa chiŋɛɛ di ba nu o sɛm ta.

Tuma 19:8

Pɛnsa tora Pɔɔl yaa fun la zu Ju tim ta bar lagmi dɛ a kpak o bambi a biksi nara. O wa ba di amɔrɛ di o nyɛ ba se su di saha naa Koosa dɔ nara chen telu.

Tuma 4:13

Ba naa funɛ lagmi dɔŋ ni chen fun nu Pita sɛma, alaazibu fun kpak ba kinkan. Ba fun na di Pita awa Jɔn ya nyu bilim timwa, amaa hansura tama wa fun kpak ba. Kin nama funɛ nyɛ ba lisi di ba wa Yesu funɛ ya kpɛgsiwa.

Tuma 4:20

Ya wa kigil di ya ŋɔ nara ni chenani ya fun na a nu.”

Tuma 4:31

Ba funɛ sumi Koosa a peti, dɛ naa ba fun lagmi chen, zigsi ka o siim weri ti si ba bambe ni. Ba fun li a ŋɔ nara ni Koosa laaboor weri ti wɛ awa bambi kpoka ni.

Tuma 5:41

Ba funɛ li, nitumɛ ta tusa fun sɔɔni kinkan di Koosa funɛ lisi ba di ba tuksi ba Yesu daha.

Room 1:1

Mu waa, Pɔɔl, naa ya Yesu Kristo tumtumna, min la sɔbi tɔn nɔ. Koosa fun a yir min a lisi min di mu ya o nitumi a la ŋɔ nara ni o laaboor weri ti wɛ.

2 Kɔr. 3:12

Kin nama daha, ya kpak bambe kpok a biksi nara chenani Koosa fun tum nyɛ ba.

Kɔl. 2:1

Mu daŋni ma zimu chenani mu baga nyɛn ma awa Laodisia tima wa ba naa vɛ zim min.

1 Tɛs. 1:5

Domi ya funɛ te wa biksi ma Koosa laaboor weri ti wɛu, o wa fun ya ya sɛma duŋduŋnɛ ya biksi ma. Koosa siim weri ti funɛ kpa o kpok ti a du un ni. Chendaha ma nidigi vɛ beeli. Ma funɛ na chenani ya nyɛni maga duu a la biksi ma. Ma daha ya fun nyɛn chen,

2 Tim. 1:12

Chendaha ba fun kpak min a la tɔ dɛ ka mu namsi nan. Amaa mu ha vɛɛn kpak bambi kpoku, domi mu zim naa mu si suu. Mu zimu di o zi il o kin nawara o fun kpa a du mu nin ni hali saha naa o wa bur wa.

Juud 1:3

Mu bi daŋnɛ, mu funɛ daŋni mu sɔbi a sɛm ma chenani Koosa fun a yisi ma awa ya a li ya tum tagna ni yaa tiŋ un. Lalaknɔ o lawa mu sɔbiu a kpami ma ma kpak laaboor weri naa ya fun biksi ma Koosa wɛ chen nɛnɛ. Waa funɛ kpa o wuti nɔ a nyɛ o nara ni bu bɛgim.