1 Tɛs. 1:6 - Tampulma

⁶ ka ma fun a tiŋ ya awa ya kunyan ti. Domi ma funɛ la nɔɔniu Koosa laaboor weri ti ni, nara funɛ muksi ma kinkan, amaa Koosa siim weri ti funɛ nyɛ ma tusa sɔɔniu kinkan.

1 Tɛs. 1:6 Iomraidhean Croise

Mat. 16:24

Yesu fun ŋɔ o gantɛl tiŋsi ta ni, “Nar la daŋni o tiŋ min, o vɛ o tutɔ a zer o daakakli a baasi aa tiŋ min.

Jɔn 8:12

A saha tirɛ Yesu fun bukoo biksi zɛmɛ ta a ŋɔ ba, “Min chi tɛɛnɛ nɔ tim maga fitinne. Ba naa maga tiŋ min wa zi bu val birsi ni. Mu zi chaani ba nyinbaan niu a kpa Koosa mi fali naa vɛ kpak bɔ a nyɛ ba.”

Tuma 13:52

Yesu nitiŋɛ ba naa se su Koosa laaboor weri ti a li Antiɔk ni, ba tusa funɛ sɔɔniu kinkan ka Koosa siim weri ti te ba suwachak.

Tuma 5:41

Ba funɛ li, nitumɛ ta tusa fun sɔɔni kinkan di Koosa funɛ lisi ba di ba tuksi ba Yesu daha.

Tuma 9:31

Saha ti kpa la, Yesu nitiŋɛ ba naa funɛ nyɛn Judia pulum, Galili pulum awa Samaria pulum ni, wa fun bu namsi. Koosa siim weri ti fun nyɛ ba se su a gbaari a la nyɛ ya kunyan ti wa jirima saha maga. Nidamata fun nyɛ ba se su un a gbaari ba ni.

Room 15:13

Ma se su Koosa naa ya bambi bɛgim tiina. Chendaha o zi nyɛ ma tu sɔɔna awa bara sɔɔna kinkan, chen ni ma bambi bɛgim naa ma kpak un ni zi zenu aa gbaari a li o siim weri ti kpok ni.

1 Kɔr. 11:1

Adaha maa tiŋ min a chi chenani mu ya Yesu nitiŋi a la tiŋ un nan.

1 Kɔr. 11:2

Mu pɛgi mau domi maa tiŋ biksi naa maga Koosa fun biksi min chen ka mu kpa un a biksi ma.

1 Kɔr. 4:16

Adaha mu sumi mau, maa tiŋ chenani muu tiŋ.

2 Kɔr. 6:10

Ya tusa yaa chɔku a bu sɔɔni kinkan. Ya ya fara timwa, amaa ya suŋi nidamatau kinkan di ba wa zim Koosa. Nibinsa lisi di ya wa kpak kundɔŋ, amaa ya waa ka dɔ kina maga.

2 Kɔr. 8:5

Ba papaha ti funɛ kaali chenani ya lisi. Ba fun te kpa ba titi a nyɛ ya kunyan ti ni a tiŋ Koosa nɔ a lisi ba kin ta a nyɛ ya.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

Ɛfɛ. 5:1

Ma ya Koosa bi daŋnɛwa lalaknɔ. Ma kpak unu ma bambe ni di maa chamsi un.

Filip. Tima 3:17

Mu niinbisa, o lawa ma zer mu ninu a li chenani mu tiŋ Kristo ni. Ya waa funɛ biksi ma nɛnɛ. Maa nyini ba naa la tiŋ ya biksi ti.

2 Tɛs. 1:4

Chendaha ya yaa ŋɔ Yesu nitiŋɛ doonani maga ya nyɛn di ma ya ya jirima narawa. Hali nara namsi ma kinkan, ma se ha vɛɛn su Koosau kinkan ka maa di ma namsi.

2 Tɛs. 3:7

Ma titi zimu nɛnɛ chenani ya nyɛni fun du ma watiu. Ma gbanko kinyɛn chen. Ya wa ma funɛ nyɛn, ya wa fun kpak zanyɛrka.

2 Tɛs. 3:9

O funɛ deŋliu wa ya ŋɔ ma di ma suŋi ya wa diwe ni, amaa ya bara wilim nee yaa di a la biksi ma chenani ma zi tiŋ.

2 Tim. 4:2

Mu ŋɔ hinu di o lawa i biksi Koosa laaboor weri ti wɛ aa nyɛ nara ba naa la nu awa ba naa vɛ nuuli ni. I yaa la burgi ba naa la tum tum tagna nyuuna, aa kikpami ba a bur tiŋ Koosa nyinbaan. Saha maga ii biksi ba wa kanyita kinkan ni.

Ju 10:34

Ma baga funɛ nyɛn ba naa ba fun tɔ dɛ chenu. Ba funɛ wa fuksi ma kina maga a li ma wati, ma tusa ha funɛ vɛɛn sɔɔniu, domi ma funɛ zimu di ma dɔ kin nawara kaali au a li Koosa tɔhɔn ti ni. Kin ta nyɛn hali saha naa vɛ kpak bɔ.

1 Pita 1:6

Ma nyɛ ma tusa sɔɔni kin nama daha. Lalaknɔ sintana la zaamsi ma a li wu kurgɛ ni, chen ni ma tusa zi chɔku wuzu bilɛ.

1 Pita 1:8

Ma ha wa na un, amaa maa daŋni unu ka ma se su un. Chendaha Koosa piin nyɛ ma tu sɔɔna hali a la gali.

1 Pita 3:13

Ma yaa kpak un ma bambe ni a tum tum were kinkan, anti la zi muksi ma?

3 Jɔn 1:11

Mu chɛna, ta tiŋ chenani o tiŋi. Kitum tum were nyinbaan. Naa la tum tum were, Koosa dɔ un. Amaa naa ka la tum tum tagna, Koosa wa dɔ un.