1 Tɛs. 1:5 - Tampulma

⁵ Domi ya funɛ te wa biksi ma Koosa laaboor weri ti wɛu, o wa fun ya ya sɛma duŋduŋnɛ ya biksi ma. Koosa siim weri ti funɛ kpa o kpok ti a du un ni. Chendaha ma nidigi vɛ beeli. Ma funɛ na chenani ya nyɛni maga duu a la biksi ma. Ma daha ya fun nyɛn chen,

1 Tɛs. 1:5 Iomraidhean Croise

Maak 16:20

O gantɛl tiŋsi ta ka fun si a kaali bar damata aa la sɛm Koosa laaboor weri ti a nyɛ nara ni. Koosa fun suŋi ba ba koti a tum tum kpoka aa gbaari, chen ni nara zi zimu di ba sɛm ta ya wutirɛ.))

Luk 1:1

Min, Luk, la sɔbi tɔn nɔ a nyɛ mu kunyan Tɛɔfilus ni nan. Nidamata funɛ kpaŋi ba titiu a sɔbi kin naa maga funɛ ya ya wati.

Tuma 11:21

Nidamata kinkan funɛ nyɛ ba se su ya kunyan ti ka ba bur a tiŋ un, domi Koosa kpok ti funɛ nyɛn ba biksi ti ni.

Tuma 16:14

Nihaani tima digi sɔn funɛ ya Lidia ka o nu ya sɛm ta. O yaa funɛ yogli gar naa ya ti bɛgim a laksi kibilima awa kisɛma ka a malɛ kpok kinkan. O funɛ li tɔhɔn naa ba yir Tiataya a li Azia pulum ni. O yaa funɛ jɛɛmi Koosau ka ya kunyan ti puk o bambi di o nu Pɔɔl sɛm ta.

Tuma 2:33

a kpa un a zini kaali Koosa nihɛɛti bar kani a li o tɔhɔn ti ni. O nyana funɛ kpa o siim weri tiu a nyɛ un a chi chenani o fun vɔu chen. Waa funɛ kpa chen siim weri ti a du ya bambe ni. Chenani ma nu a na zinan ya o waali ti mun.

Room 1:16

Koosa laaboor weri ti ya mu jirima kin. Koosa funɛ kpa o kpokre a du un ni, chen ni Koosa zi kotiu a yisi ba naa maga se su o laaboor weri ti a li ba tum tagna ni. O te ya chene a nyɛ ba naa ya Ju tim ni a ka zi ya a nyɛ ba naa vɛ ya Ju tim ni.

Room 15:13

Ma se su Koosa naa ya bambi bɛgim tiina. Chendaha o zi nyɛ ma tu sɔɔna awa bara sɔɔna kinkan, chen ni ma bambi bɛgim naa ma kpak un ni zi zenu aa gbaari a li o siim weri ti kpok ni.

Room 2:16

O zi wa chi chenu a wuzu naa Koosa zi wa kpa nara wu sogle maga a li gbampulimu a nyɛ Yesu Kristo di a sɛria. Koosa laaboor weri naa mu biksi a nyɛ nara ni, o biksi nan ni.

1 Kɔr. 1:24

Amaa Ju tim ta maga awa Girik tima ba naa maga Koosa fun yir di ba wa o wati, Kristo ya Koosa kpok ti awa o zima ti ba wati.

1 Kɔr. 10:33

Maa tiŋ chenani muu tiŋ chen. Kina maga mu ya, mu yaa kpaŋiu di mu sɔɔni nara maga tusa. Mu wara lisi mu duŋduŋ nyɔɔra naali, amaa nidamata nyɔɔra naalirɛ muu lisi, chen ni mu zi kotiu a la ba a nyɛ Koosa ni.

1 Kɔr. 3:16

Ma wa zim di ma tusa ya Koosa bar nyɛnirɛɛ? O siim weri ti nyɛn ma niu.

1 Kɔr. 3:6

O chi mu waa, Pɔɔl, funɛ te wa chɔɔsi bugil. Doone Apɔlɔs ka yaa kpa ni a wa du, amaa Koosa duŋduŋ nyɛ bugil ti nyu a la zini.

1 Kɔr. 4:20

Koosa koor ti wa ya nɔ sɛmi wɛwa. O ya o kpok ti wɛ wa.

1 Kɔr. 9:14

Chene ya kunyan ti fun sɛm a nyɛ ba naa la biksi nara Koosa laaboor weri ti wɛ di ba di a li ba tum ta ni.

2 Kɔr. 3:6

Waa la suŋi ya di ya ŋɔ nara ni chenani o wa ba fun bu ya nɔ bɛgim chen a la daŋni o siim weri ti wa nyɛn ba ni. Chenani o ya chen a nyɛ ba ya kibirigi a kaali o chiksɛ naa o fun kpa nyɛ Mosis ni saha digi chen. Nara tiŋ o chiksɛ ta a la tel a bɔ, ba ya sowu. Koosa siim weri ti nyɛn ba bambe ni, ba ka zi kpak miisa naa vɛ kpak bɔu.

Gal. 2:2

Koosa titi funɛ biksi min di ya la dooni. Ya wa Yesu nitiŋɛ ba naa nyɛn dooni, nihɛɛta fun wa lagmi dɔŋ ni ya duŋduŋ. Mu fun ŋɔ ba chenani mu fun biksi ba naa vɛ ya Ju tima Koosa laaboor weri ti wɛ. Mu wara daŋni ba lisi di tum naa mu tum a nyɛ Koosa ni chen ya yɔrirɛ.

Gal. 5:5

Ya titi kpak bambi bɛgim di wuzu digi Koosa wa zi bu na ya galimsa hali o wa peti. O funɛ kpa o siim weri kpok tiu a du ya ni di ya se su un. Chendaha ya koti a pɔ Koosa di o wa ya chen.

Ɛfɛ. 2:10

Koosa fun nyɛ ya wa Yesu Kristo ya nibɛgim, chen ni ya zi tum tum wereu a nyɛ un. O funɛ lisi yau saha digi di ya tum nan a nyɛ un.

Ɛfɛ. 3:20

Koosa kpok naa nyɛn ya ni kote a nyɛ ya tum tuma a nyɛ un a kaali chenani ya vɛ lisi a ŋɔ un di o suŋi ya ya tum.

Filip. Tima 2:13

Saha maga Koosa yaa tum ma bambe niu, chen ni ma zi zim chenani o daŋni ma tumu.

Filip. Tima 4:9

Mu funɛ nyɛn ma wati, ma fun a nu mu biksi ti a na mu tuma. Maa lisi mu biksi ti wɛ aa kitum ma tuma a chi min. Ma ya nan, Koosa zi sɔɔni ma barau kinkan a nyɛn ma wati.

Kɔl. 2:2

Mu kpaŋi mu titiu di mu kpami ma maga, chen ni ma zi ya nibɛgimu domi maa daŋni dɔŋau a zim Koosa wu sogli mun nɛnɛ a ta beeli. O wu sogli ti ya Kristo.

1 Tɛs. 2:13

Ya gbanko yaa zaami Koosau domi ya funɛ a wa ma wati a fun ŋɔ ma Koosa sɛma, ma funɛ nuu a la nɔɔni di a ya wutiu. A wa fun ya nibinsa sɛmwa amaa Koosa titi sɛmwa. O kpa o sɛma aa du ma naa se su un di aa tum ma ni.

2 Tɛs. 2:14

Ya funɛ wa biksi ma Koosa laaboor weri ti wɛ, o fun a yir ma, chen ni wuzu digi ma zi wa bɔni ya kunyan Yesu Kristo jirima awa o chaaniu kinkan.

2 Tim. 2:10

Chendaha mu di mu namsi maga, chen ni Koosa zi wa yisi ba naa o fun lisiu a li ba tum tagna a kpa o jirima zen naa vɛ kpak bɔ a nyɛ ba. Ya wa Yesu Kristo ya nibɛgimnɛ. Chendaha Koosa koti a ya chen.

2 Tim. 2:8

Kilisi Yesu Kristo naa funɛ ya koor Devid lul be, a si a li o sou ni. Mu yaa ŋɔ nara niu Koosa laaboor weri ti wɛ, o wɛwa mu yaa ŋɔ ba.

Ju 10:22

Ma nyɛ ya la zu doonani Koosa nyɛn. Ya se su un nɛnɛ ka ya kpak tu bɛgim, o zi la ya duu. O chi o funɛ kpa Kristo chɛllɛ a misi ya di o chaksi ya bambe, chen ni ya wa zi bu kpak galimsa o suwachak ni. O gbanko chi o kpa ni a sɔ ya bara.

Ju 6:11

Ya daŋni kinkan di ma kpak un ma bambe ni di maa suŋi ba hali ma nyɛni saha wa peti. Maa ya chen, chen ni ma bambi bɛgim naa ma kpak Koosa ni chen, zi ya wutiu.

1 Pita 1:12

Koosa siim weri ti gbanko wa fun biksi o witinsi ta di ba wa tum a nyɛ ba titi nɛɛ, amaa ba tum a nyɛ ma nɛɛ. Koosa fun a tum o siim weri ti a li o tɔhɔn ti ni di o kpa o kpok ti a nyɛ ba naa funɛ wa biksi ma Koosa laaboor weri ti wɛ. O witinsi ta funɛ sɛm o laaboor weri ti wɛu a daŋni ma zim un. Hali Koosa malaikasa daŋni ba zim o laaboor weri ti munu.

1 Pita 1:3

Koosa naa ya ya kunyan Yesu Kristo nyana, funɛ ɔm ya siki kinkan. Chendaha ma nyɛ ya pɛgi un saha maga. O funɛ lɛli Yesu Kristo a li o sou ni, a kpa o mi fali ti a nyɛ ya. Chendaha ya kpak bambi bɛgim,

1 Pita 5:3

Ma ta dɔ ba naa Koosa fun kpa a nyɛ ma aa biksi ba kpok, amaa ma titi tum o tuma a biksi ba chenani ba zi tum.

2 Pita 1:10

Mu niinbisa, Koosa fun lisi ma a yir ma. Chendaha ma nyɛ ma se sɛri a gbaari, chen ni ma zi a kpaku nɛnɛ. Ma kpak chen nɛnɛ, ma wa zi kut nyuksi o nyinbaan ti,

2 Pita 1:19

Adaha sɛm naa Koosa witinsa fun sɛm saha digi, a ya wuti sɛmwa. O lawa maa nu au nɛnɛ. Ba sɛma chi fitina naa la chaani birsa nɛɛ hali Yesu Kristo wa bur wa. O fitin ti zi wa chiŋi a bar chiŋi niu a nyɛn ma bambe ni.