1 Jɔn 5:1 - Tampulma

¹ Naa si su di Yesu ya Kristo naa Koosa fun tum chen, chen tiina ya Koosa bisi ta digirɛ. Ma daŋni nibine, ma zi daŋni o be ti gbankou.

1 Jɔn 5:1 Iomraidhean Croise

Mat. 16:16

Simɔn Pita fun ŋɔ un, “Hin ya Koosa naa nyɛn chen be. I gbanko ya Kristo naa Koosa fun ŋɔ di o zi wa tumu wuzu digi chene.”

Jɔn 1:3

Koosa fun nyɛ o naami tɛɛnɛ awa buudaha awa kin naa maga nyɛn a ni. Kin magawa Koosa fun nyɛ o naami.

Jɔn 15:23

Nar ha min, mu nyan tirɛ o ha.

Jɔn 3:3

Yesu fun ŋɔ un, “Wutirɛ mu sɛm hin, Koosa wa kidɔ nar see o te kpa o mi fali a nyɛ chen tiin ni.”

Jɔn 6:69

ka ya se su a. Ya zimu di i ya Koosa tu chaan tiinnɛ.”

Jɔn 8:42

Yesu fun ŋɔ ba, “Ma nyan ti sir ya Koosa, ma fu zi daŋni minu domi mu li o watɛɛ. Mu wa wa bar nɔ n titirɛ, amaa waa tum min.

Tuma 8:36

Ba funɛ nyɛn nyinbaan ti ni a la chene a la dugli pul. Baal ti fun ŋɔ Filip ni, “Ya duglɛ ni bar nyɛniu. Mu daŋni i chaksi min wa ni ni, nandigi wa to a la zi ŋɔ hin di i gil.” ((

Tuma 8:37

Filip fun ŋɔ, “I si su Yesu wa i bambi maga ni, mu zi chaksi hin wa ni ni.” Namugil ti fun jɛrgi a ŋɔ un, “Mu si su di Yesu Kristo ya Koosa bere.”))

Jems 1:18

O tutɔ nɛɛ o fun nyɛ ya burgi o bisa a li o wuti sɛm nuuli ni, chen ni waa dɔ ya a kpa ya a chiŋsi kin nawara maga o fun naami suwachak ni.

1 Pita 1:3

Koosa naa ya ya kunyan Yesu Kristo nyana, funɛ ɔm ya siki kinkan. Chendaha ma nyɛ ya pɛgi un saha maga. O funɛ lɛli Yesu Kristo a li o sou ni, a kpa o mi fali ti a nyɛ ya. Chendaha ya kpak bambi bɛgim,

1 Jɔn 2:10

Amaa naa la daŋni o dɔŋtima, o waa nyɛn bar chaani ti nɛɛ. Kundɔŋ wa to dooni a la zi nyɛ o chel.

1 Jɔn 2:29

Ya zimu di Yesu wɛ maga deŋlu. Chendaha ya zim di ba naa maga tuma deŋlee, ba ya Koosa bisiwa.

1 Jɔn 3:14

Chenani yaa daŋni dɔŋa biksi ya di Koosa funɛ lisi ya a li sintana nin ni a nyɛ ya o mi fali ti. Ba naa maga vɛ daŋni ba dɔŋtima, sintana ha vɛɛn dɔ ba.

1 Jɔn 3:17

Ma ya kin tima a na ma dɔŋtima ka ba namsi ka ma vɛ di ma wa zi suŋi ba, yɛrɛ Koosa daŋni ti kaa nyɛn ma ni?

1 Jɔn 3:9

Ba naa maga ya Koosa bisa, ba tum tum tagin, ba tusa wa yaa sɔɔni tum tagin ti daha. Koosa fun kpa o mi fali ti a du ba ni di ba ya o bisa. Chendaha ba tusa wara sɔɔni.

1 Jɔn 4:2

Nannɛ ma zi ya a zim Koosa witinsa ba naa kpak Koosa siim weri ti. Naa la nɔɔni di Yesu ya Kristo a la nɔɔni di o funɛ wa tɛɛnɛ nɔ maga a chi nibine, chen tiina kpak Koosa siim weri tiu.

1 Jɔn 4:20

Nandigi ŋɔ di o daŋni Koosau a ha o dɔŋtiina, o ya nusun tiinnɛ. O vɛ koti a daŋni o dɔŋtiina naa oo na, yɛrɛ o kaa ya a daŋni Koosa naa o vɛ naali?

1 Jɔn 4:7

Mu chɛn daŋnɛ, ma nyɛ yaa daŋni dɔŋa. Daŋni li Koosa watɛɛ. Naa la daŋni o dɔŋtiina, waa ya Koosa be aa zim un.

1 Jɔn 5:18

Ya zimu di ba naa ya Koosa bisa chen, tum tum tagna, ba tusa wa zi sɔɔni. Koosa be ti la suŋi ba, chen ni sintana wa kikoti a la ba kpok.

1 Jɔn 5:4

Ba naa maga ya Koosa bisa ka ba se su un nɛnɛ zi nyaŋi ba tutɔ daŋnɛu.

1 Jɔn 5:5

Ba naa se su di Yesu ya Koosa bere duŋduŋ la zi ya chen.