1 Jɔn 4:9 - Tampulma

⁹ Koosa funɛ tum o be bɛgim tɛɛnɛ nɔ maga ni, chen ni ya zi kotiu a la o mi fali ti. Chen biksi ya chenani Koosa daŋni ya.

1 Jɔn 4:9 Iomraidhean Croise

Maak 12:6

O sɛmbiri be daŋni duŋduŋ funɛ wa ka, ŋmaha ti tiina fun ŋɔ o titi ni, ‘N zi tum n titi beu. O la doon, ba zi nyɛ un jirimau.’ O fun tum un. O kaali ba wati.

Luk 4:18

“Ya kunyan Koosa siim weri ti nyɛn min ni. Waa funɛ lisi min di mu biksi Koosa laaboor weri ti a nyɛ ba naa la nɔɔni di Koosa suŋi ba. Waa funɛ tum min di n wa yisi nara a li ba tum tagna awa ba namsi kinkan ni a lɛli nyuluma se.

Jɔn 10:10

Ŋmɛɛr yaa wa zu bol di o ŋmɛ piisisi ta a kpu a. Min ka la dɛɛsi a. Min funɛ wa di mu wa kpa Koosa mi fali ti a nyɛ nara ni. Waa kaali ba titi miisa kinkan.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Jɔn 3:16

Koosa funɛ daŋni tɛɛnɛ nɔ maga nara kinkannɛ a fun tum o be bɛgim ba wati, chen ni Koosa wa zi na ba naa se su un galimsa a ta ba yɔri, amaa o ka zi kpa o mi fali naa vɛ kpak bɔu a nyɛ ba.

Jɔn 3:18

“Ba naa se su Koosa be, Koosa wa zi di ba tum galimsa sɛria a ŋɔ di ba chelu. Ba naa se ka vɛ su un, Koosa piin di ba tum galimsa sɛriau a ŋɔ di ba chelu. O fun ya chen, domi ba se wa su o be bɛgim ti.

Jɔn 5:23

chen ni nara maga zi nyɛ min jirimau a chi chenani ba yaa nyɛ un jirima. Nara vɛ nyɛ min jirima, ba wara nyɛ mu kunyana Koosa naa tum min chen gbanko wa jirima.

Jɔn 6:29

Yesu fun ŋɔ ba, “Ma nyɛ ma se su n waa naa o fun tum ma wati. Chene Koosa daŋni maa tum.”

Jɔn 6:51

Mu wa mi fali diwe naa funɛ li mu nyan ti tɔhɔn ti chen ya kibɛgimnɛ. Ba naa maga di diwe na zi na miisa naa vɛ kpak bɔu. Diwe naa mu kaa nyɛ ba ba di ya mu barawa. Nara zi wa kpu kinu chen ni tɛɛnɛ nɔ tim maga zi na nyinbaanu a la miisa naa vɛ kpak bɔ.”

Jɔn 6:57

Mu nyan naa ya mi fali ti tiina, funɛ tum min ma wati. O daharɛ mu nyɛn. Chen vɛɛna, ba naa maga di min nyɛn mu daharɛ.

Jɔn 8:29

Naa funɛ tum min chen, wa gil mu duŋduŋ. Waa nyɛn min ni. Mu yaa tiŋ o tutɔu a la sɔɔni o tuha.”

Jɔn 8:42

Yesu fun ŋɔ ba, “Ma nyan ti sir ya Koosa, ma fu zi daŋni minu domi mu li o watɛɛ. Mu wa wa bar nɔ n titirɛ, amaa waa tum min.

Jɔn 9:3

Yesu fun ŋɔ ba, “O nyulumsi ti wa kpak wu digi wa o tum tagna ni koo o nyana awa o niin tum tagna ni. O nyulumu chen ni nara zi na chenani Koosa kpok zi tumu.

Room 8:32

Hali waa funɛ lisi o titi be a nyɛ o sou a li o daakakli ti ni ya daha. Chendaha o kpa kina maga a gbaari un a nyɛ ya yɔri.

Ju 1:5

Ba funɛ sɔbi a li Koosa sɛm tɔn ti ni di o ŋɔ, “Zinan mu fa biksi narau gbampulim ni di mu ya i nyana.” Ba gbanko fun sɔbi di o ŋɔ, “Mu zi ya o nyanau ka o kaa ya mu be.” Koosa wa fun ŋɔ nan o malaikasi ta digi daharɛ. O ka funɛ ŋɔ nan o be ti daharɛ.

1 Jɔn 3:16

Chenani Yesu fun sou ya daha biksi ya wuti daŋni. O weru wa yaa daŋni ya dɔŋtima chenu, hali a sou ba daha.

1 Jɔn 4:10

Ya laata te a daŋni Koosa, amaa waa te o daŋni ya. O funɛ tum o beu di o wa sou a lisi ya a li Koosa paan ni. Chen biksi ya o wuti daŋni.

1 Jɔn 4:16

Ya zimu nɛnɛ di oo daŋni yau ka ya se su di waa ya daŋni tiina. Naa la daŋni o dɔŋtiina nyɛn Koosa wati ka Koosa nyɛn un ni.

1 Jɔn 5:11

Koosa sɛhɛra ti nɛɛnɛ. Waa funɛ kpa o mi fali naa vɛ kpak bɔ a nyɛ ya. Nan mi fali nɔ nyɛn o be ti nin ni.

1 Jɔn 5:13

Mu sɔbi tɔn nɔ a nyɛ ma di ma naa se su Koosa be ti zi zimu di ma kpak Koosa mi fali naa vɛ kpak bɔu.