1 Jɔn 4:2 - Tampulma

² Nannɛ ma zi ya a zim Koosa witinsa ba naa kpak Koosa siim weri ti. Naa la nɔɔni di Yesu ya Kristo a la nɔɔni di o funɛ wa tɛɛnɛ nɔ maga a chi nibine, chen tiina kpak Koosa siim weri tiu.

1 Jɔn 4:2 Iomraidhean Croise

Jɔn 1:14

Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

1 Kɔr. 12:3

Adaha mu daŋni ma zimu di nibine naa Koosa siim weri ti nyɛn, o wa zi koti a ŋɔ nɔ a nyɛ Yesu ni. Nibine wa to a la zi koti a sɛm nara ni di Yesu ya o kunyannɛ, see Koosa siim weri ti nyɛn un ni.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

1 Jɔn 1:2

Koosa funɛ kpa miisa maga tiin ti a tum tɛɛnɛ nɔ maga ni. Ya funɛ na unu, a ya o sɛhɛra tima a la ŋɔ ma Koosa mi fali naa vɛ kpak bɔ wɛ. Waa funɛ nyɛn Koosa ni saha maga, ka o fun kpa un a biksi ya.

1 Jɔn 2:23

Naa vɛ la nɔɔni di Yesu ya Koosa be, o gban vɛ Koosau. Naa la nɔɔni wa Koosa be wɛ, o vɛɛn zim o kunyana Koosau.

1 Jɔn 4:15

Naa la nɔɔni di Yesu ya Koosa bere, Koosa nyɛn tiin watiu ka o gbanko nyɛn Koosa ni.

1 Jɔn 4:3

Naa vɛ la nɔɔni Yesu wɛ nan ni, Koosa siim weri ti wa to un ni. O ya Kristo dɔmnɛ. Ma funɛ nu di chen tima zi wa tɛɛnɛ nɔ magau. Ba piin wau.

1 Jɔn 5:1

Naa si su di Yesu ya Kristo naa Koosa fun tum chen, chen tiina ya Koosa bisi ta digirɛ. Ma daŋni nibine, ma zi daŋni o be ti gbankou.

2 Jɔn 1:7

Lalaknɔ nusun tima kinkan nyɛnɛɛ. Ba wa la nɔɔni di Yesu Kristo funɛ wa tɛɛnɛ nɔ maga a wa burgi nibine. Ba naa vɛ la nɔɔni chen, ba ya nusun timwa a ya o dɔma.