1 Jɔn 4:1 - Tampulma

¹ Mu chɛn daŋnɛ, nara ŋɔɛɛ di ba ya Koosa witinsiwa a sɛm wa o kpok ni, ma ta nyɛ ma se su ba lalaga. Witinsa ba naa ya nusun tima, kinkan piin pisiu a kaali bawu maga ni. Chendaha maa doso ba ni.

1 Jɔn 4:1 Iomraidhean Croise

Maak 13:21

“Chen saha ka nandigi wa ŋɔ, ‘Kina, Kristo nyɛn bar nɔ.’ Nandigi ka wa ŋɔ, ‘Kristo nyɛn dooni,’ ma ta tiŋ o nɔ.

Luk 12:57

“Yɛrɛ ma titi vɛ lisi chenani were a tumi?

Luk 21:8

Yesu fun ŋɔ ba, “Ma doso ma ta wa nyɛ nandigi wa mur ma. Nidamata zi wa wau a kpa mu sɔn a yir ba titi a ŋɔ di ba ya minnɛ. Ba gbanko zi wa ŋɔ mau di saha ti telu. Ma fiɛŋ ma wa tiŋ ba.

Tuma 17:11

Ba naa nyɛn dooni chen, bambe funɛ puku a kaali ba naa nyɛn Tɛsalɔnika ni, domi ba funɛ kpak un ba bambe ni di ba nu chenani Pɔɔl kaa sɛm. Wuzu kam ba yaa fun karimi Koosa sɛm tɔn tiu di ba na chenani Pɔɔl biksi ba chen ya wutirɛ.

Tuma 20:29

Mu funɛ kaali chen gantɛl nɛɛ, mu zimu di nara zi wau a chi gbesa a chem ba naa ma nyini chen a muksi ma kinkan.

1 Kɔr. 12:10

a nyɛ bɔnɛ kpok di baa tum alaazibu tuma. Bɔnɛ koti aa sɛm Koosa wɛ a li o kpok ti ni, ka bɔnɛ koti aa zim papaha a naa li Koosa wati awa papaha a naa vɛ li o wati. Bɔnɛ sɛm sɛm kurgɛ, ka bɔnɛ koti a biksi a muna aa nyɛ nara ni.

1 Kɔr. 14:29

Koosa witinsa ba naa la zi sɛm a li Koosa kpok ti ni, ma nyɛ ba ya nara balɛ akoo nara batora duŋduŋ nyɛ ba dɔŋtima kani a nu ba sɛm tima nɛnɛ aa kilisi a maga wɛ.

1 Tɛs. 5:20

Ma ta sɛm sɛm tagna a nyɛ laaboor naa Koosa witinsa ta sɛm a li o kpok ti ni chen.

1 Tɛs. 5:21

Ma nyini ba sɛma maga a nɛɛ a weru. A were ma kpak a.

2 Tɛs. 2:2

nara ŋɔ ma di ya kunyan ti piin bur wau, ma ta nyɛ o jɛri ma a li ma lise ni a ta nyɛ ba sɛma kimuksi ma. Nara nama ŋɔ ma di ba ya Koosa witinsiwa akoo ba karimɛ tɔnnɛ a ŋɔ di min sɔbɛɛ, ma ta nu ba sɛm ta.

1 Tim. 4:1

Koosa siim weri ti biksi nyɛn gbampulim ni di saha kurgɛ wau, nibin bɔnɛ zi wa buru a tiŋ Koosa. Ba ka zi wa nu alizin tagna biksiu a kitiŋ ba naa la mur ba nɔ.

2 Tim. 3:13

Amaa nimurɛ ba naa la tum tum tagna zi wa tumu aa gbaari. Ba wa la mur nara awa ba titi.

2 Pita 2:1

Witinsa ba naa funɛ vɛ zim Koosa, fun wa biksi Ju tima saha digi. Nibiksɛ ba naa vɛ zim un gbanko zi lagmi ma niu a sogli a biksi ma. Ba biksi naa vɛ ya wuti a la chɔk, wa tɔ ya kunyana naa siwɛɛ ba daha. Chendaha Koosa zi wa chɔk bau lalaga.

1 Jɔn 2:18

Mu bisa, tɛɛnɛ nɔ maga siili saha duglɛu. Ma funɛ nu di Yesu dɔm zen zi wa wau chen saha ti. Amaa Yesu dɔm damata piin liu a wa. Chendaha ya zim di tɛɛnɛ nɔ maga siili saha ti duglɛu.

1 Jɔn 2:7

Mu bi daŋnɛ, o wa ya chiksi falirɛ mu sɔbi a nyɛ ma nan. O ha vɛɛn ya kibuni naa ma fun nu a li o piili ti ni chene.

2 Jɔn 1:7

Lalaknɔ nusun tima kinkan nyɛnɛɛ. Ba wa la nɔɔni di Yesu Kristo funɛ wa tɛɛnɛ nɔ maga a wa burgi nibine. Ba naa vɛ la nɔɔni chen, ba ya nusun timwa a ya o dɔma.

3 Jɔn 1:11

Mu chɛna, ta tiŋ chenani o tiŋi. Kitum tum were nyinbaan. Naa la tum tum were, Koosa dɔ un. Amaa naa ka la tum tum tagna, Koosa wa dɔ un.

JɔnN Deesi 2:2

Mu zim chenani ma bambe duu awa chenani ma kpak un ma bambe ni di ma tum ma tuma wa kanyita ni a ta kuuli. Mu zimu di ma wa kpak wu digi wa ba naa la tum tum tagna ni a zaamsi ba naa ŋɔ di ba ya Koosa wuti nibiksɛwa a na di ba ya nusun timwa.