1 Jɔn 3:10 - Tampulma

¹⁰ Chene ma zi zim ba naa ya Koosa bisa awa ba naa ya sintana bisa. Ba naa vɛ tum tum were awa ba naa vɛ daŋni ba dɔŋtima, ba wa ya Koosa bisa.

1 Jɔn 3:10 Iomraidhean Croise

Mat. 13:38

Ŋmaha ti ya tɛɛnɛ nɔ maga. Mɛ ta ka ya ba naa Koosa dɔ. Kɔsi ta ka ya ba naa sintan dɔ.

Luk 6:35

Ma ta tiŋi a chi ba. Maa daŋni ma dɔma aa tum tum were a nyɛ ba. Ma kpa ma kina a pɛŋ ba, a ta lisi di ba zi kpa bur wau. Ma ya chen, Koosa naa zenee, zi nyɛ ma burgi o titi bisau a kpa o papaha zen a nyɛ ma. Oo suŋi ba naa vɛ zaami un awa ba naa la tum tum tagna. Maa tiŋ a chi un.

Jɔn 1:12

Bɔnɛ ka fun la un a nyɛ ba se su un. Ba naa funɛ la un chen, o fun nyɛ ba burgi Koosa bisa.

Jɔn 11:52

O sɛm ta mun funɛ zen a kaali chenu. Yesu sou daha, Koosa bisa maga, ba naa pisi a go tɛɛne nɔ maga zi wa lagmi dɔŋ niu a ya nibɛgim.

Jɔn 8:44

Ma waa ya sintan bisa aa daŋni ma tiŋ o tutɔ. Saha naa Koosa fun naami tɛɛnɛ nɔ maga hali a wa tel lalaknɔ, sintana funɛ ya nara nikpuuli. O wa zim chenani wuti du. Waa ya nusun koora. O kaa suni wɛ, o wara bɔm un ni.

Jɔn 8:47

Ba naa ya Koosa bisa yaa nu o sɛmau. Ma waa wara daŋni ma nu a. Chen biksɛɛ di ma wa ya o bisa.”

Tuma 13:10

a ŋɔ, “I waa naa chi sintana, yaa mur narawa a duŋni tum were aa ta. Saha maga i yaa chɛrgi ya kunyan ti sɛm wutɛu di a burgi nusuna.

Room 13:8

Ma ta pɛŋ nandigi kina, amaa maa daŋni dɔŋa saha maga. Nar la daŋni nibinsa, waa la tiŋ chenani Koosa chiksɛ ta maga biksi un.

Ɛfɛ. 5:1

Ma ya Koosa bi daŋnɛwa lalaknɔ. Ma kpak unu ma bambe ni di maa chamsi un.

Kɔl. 3:14

Maa daŋni dɔŋa a kaali kina maga. Maa daŋni dɔŋa, ma zi kotiu a tum kin nama maga.

1 Tim. 1:5

Mu ŋɔ hin nannɛ, chen ni ya tusa zi chaaniu ka ya kpak tuha bɛgim wa Koosa ni ka ya se su un wuti ya daŋni nara maga.

1 Jɔn 2:29

Ya zimu di Yesu wɛ maga deŋlu. Chendaha ya zim di ba naa maga tuma deŋlee, ba ya Koosa bisiwa.

1 Jɔn 3:1

Ma lisi chenani ya kunyana Koosa daŋni ya kinkan. Hali o yir ya o bisa. Ba naa la tiŋ tɛɛnɛ nɔ tim maga nyinbaan, wa zim un. Chendaha ba vɛ zim ya.

1 Jɔn 3:2

Mu bi daŋnɛ, ya ya Koosa bisawa lalaknɔ. Chenani ya zi wa du wuzu digi, Koosa ha wa biksi ya. Amaa Yesu wa bur wa, ya zi wa du a chi unu. Ya se zi wa na unu wuzu digi a chi chenani o du chen.

1 Jɔn 4:21

Nannɛ Kristo fun biksi ya. Naa la daŋni Koosa, o lawa o daŋni o dɔŋtima gbankou.

1 Jɔn 4:6

amaa Koosa ka dɔ ya. Ba naa maga zim un, ba waa la nu ya sɛma. Ba naa maga vɛ zim Koosa, ba wa zi nu ya sɛma. Chendaha ya zi zim ba naa ya wuti tima awa nusuna.

1 Jɔn 4:8

Koosa ya daŋni tiina. Chendaha naa vɛ daŋni o dɔŋtiina, o wa zim un.

1 Jɔn 5:19

Ya zimu di ya ya Koosa bisiwa. Ba naa maga vɛ ya Koosa bisa, ba waa nyɛn sintana nin ni.

1 Jɔn 5:2

Ya daŋni Koosa aa tiŋ o nɔ, ya zimu di ya zi daŋni o bisi ta gbankou.

3 Jɔn 1:11

Mu chɛna, ta tiŋ chenani o tiŋi. Kitum tum were nyinbaan. Naa la tum tum were, Koosa dɔ un. Amaa naa ka la tum tum tagna, Koosa wa dɔ un.