1 Jɔn 2:5 - Tampulma

⁵ Nar tiŋ o nɔ, waa sir a daŋni un nɛnɛ. Yaa tiŋ chen, ya sir zi zimu di ya wa un ya nibɛgimnɛ.

1 Jɔn 2:5 Iomraidhean Croise

Luk 11:28

Yesu fun burgi a ŋɔ un, “Ba naa laa nu Koosa sɛma a la tiŋ a, ba tusa sɔɔnɛ kinkan a kaali mu niina.”

Jɔn 14:21

“Ba naa la nu mu sɛma a la tiŋ a, chen biksi di ba daŋni minu. Mu gbanko zi daŋni bau a kpa mu titi a biksi ba. Ba la daŋni min chen daha, mu nyan ti gbanko zi daŋni bau.”

Jɔn 14:23

Yesu fun ŋɔ un, “Ba naa la daŋni min zi tiŋ mu nɔ sɛmau. Mu nyan ti gbanko zi daŋni bau, ka mu wa un wa nyɛn ba bambe ni.

Jɔn 15:5

“Mu piin ŋɔ mau di mu chi bugil pum naa ba yir ‘vain’ chene. Ma chi mu hulsiwa. Ma wa min ya nibɛgim a nyɛn, ma zi kotiu a tum tum were kinkan a nyɛ min. Ma lisɛ ma titi a li min ni, ma wa kikoti a tum wu digi.

Jɔn 6:56

Ba naa maga di mu bara aa la nyɔ mu chɛl ti nyɛn min ni ka mu gbanko nyɛn ba ni.

Room 8:1

Ba naa maga wa Yesu Kristo ya nibɛgim, Koosa wa zi bu na ba galimsa.

1 Kɔr. 1:30

amaa Koosa funɛ nyɛ ma wa Yesu Kristo ya nibɛgim, a nyɛ o zima ti ya ya zima. Kristo daha, Koosa wa zi bu na ya galimsa o suwachak ni. Waa dɔ ya a fun la ya nyuuna a nyɛ ya.

2 Kɔr. 5:17

Nara burgi tiŋ Yesu Kristo, Koosa ya chɛrgi ba bambe a ya kifalɛ. Ba gantɛl tu kina wɛ wa bu toli.

2 Kɔr. 5:21

Yesu Kristo funɛ nyɛn tɛɛnɛ nɔ maga ni, o wa fun tum tum tagna hali tama, amaa Koosa funɛ kpa ya tum tagnau a du o nin ni. Domi ya wa Yesu Kristo ya nibɛgimnɛ lalaknɔ, Koosa wa zi bu na ya galimsa o wati.

Jems 2:22

Abraham si suuli awa o yaali funɛ ya kibɛgimne. O chen yaali ti la biksi ya di o si funɛ sir su Koosau.

1 Jɔn 3:24

Ba naa maga tiŋ Koosa nɔ sɛma, nyɛn un ni ka o ka nyɛn ba ni. Ya zimu di nan ya wutirɛ, domi waa funɛ kpa o siim weri ti a du ya ni.

1 Jɔn 4:17

Ya wa Yesu Kristo lagmi nyɛn ka o suŋi ya, chen ni ya zi daŋni unu hali o wa peti. O ya chene, chen ni ya wa zi wa kpak hansura a wuzu naa Koosa zi wa di tɛɛnɛ nɔ tim maga sɛria.

1 Jɔn 4:18

Nandigi daŋni ya hali o wa peti, ya wa zi ɔm chenani o zi wa ya ya. Ya ɔm un, chen biksi di ya se wa su di o daŋni yau hali o wa peti.

1 Jɔn 5:2

Ya daŋni Koosa aa tiŋ o nɔ, ya zimu di ya zi daŋni o bisi ta gbankou.

1 Jɔn 5:20

Ya zimu di Koosa be Yesu ti funɛ wa tɛɛnɛ nɔ maga di o wa lɛli ya sewa, chen ni ya zi zim naa ya wuti tiinau. Ya wa o be Yesu Kristo ti ya nibɛgimnɛ. Waa ya Koosa wuti. Waa la nyɛ ya o mi fali naa vɛ kpak bɔ.

2 Jɔn 1:6

aa kitiŋ o nɔ. O chiksi naa ŋɔ ya di o lawa yaa daŋni dɔŋau, ma gbanko funɛ nu o wɛu a li o piili ti ni.

JɔnN Deesi 12:17

Sel zen ti funɛ na chenani yɛɛ, a paan fun bu si a du nihaan ti ni a gbaari. O fun bur a la chem ba naa maga tiŋ Koosa chiksɛ nɔ a ŋɔ nara ni di Yesu dɔ ba wa laal ni. Ba waa ya nihaan ti nibabichɛla bi lulɛ.

JɔnN Deesi 14:12

Chendaha o lawa Koosa nara ba naa la tiŋ Koosa chiksɛ nɔ ka ba vɛ bur Yesu tiŋi ni, ba li lalaknɔ namsi wa kanyita niu.