1 Jɔn 2:16 - Tampulma

¹⁶ Kin nawara nibinsa bara daŋni awa kin nawara ba se daŋni awa kin nawara ba daŋni ba kpak a na sɔn, a nama wa ya ya kunyana Koosa kina. A ya tɛɛnɛ nɔ tim maga kinawa.

1 Jɔn 2:16 Iomraidhean Croise

Mat. 4:8

Ba fun bu li dooni, ka sintan ti fun kpa Yesu a zini bi ziŋziŋi nyuha a biksi un tɛɛnɛ maga tɔsa awa a jirima kinkan.

Mat. 5:28

amaa n ŋɔ mau saha nɔ, nibine naa nyini nihaan a la daŋni o wa un chɔ, o tum chɔkumsau a li o tuhu ni.

Luk 4:5

Ba fun li dooni, ka sintan ti fun kpa Yesu a zini bi ziŋziŋi nyuha a biksi un tɛɛnɛ nɔ maga koorsa awa a jirima kinkan.

Room 13:14

Ma burgi chenani ya kunyana Yesu Kristo du. Ma ta tiŋ ma titi daŋnɛ a tum tum tagna.

1 Kɔr. 10:6

Chenani ba funɛ siti chen biksi ya di ya doso a ta tum tum tagna a chi ba.

Gal. 5:17

Ma tutɔ la yo chenani Koosa siim weri ti daŋni maa tiŋ. Chenani o siim weri ti daŋni ma nyɛn yo ma tutɔ daŋnɛ tau. O siim weri ti awa ma tutɔ daŋnɛ ya dɔmawa. Chendaha o bɔm ma wati di ma tum chenani maa daŋni.

Gal. 5:24

Ba naa Yesu Kristo dɔ, ba funɛ kpa ba titi daŋnɛu a ta.

Ɛfɛ. 2:3

Saha digi ya maga funɛ tiŋ chene. Lise tagna a naa funɛ nyɛn ya bambe ni awa ya titi daŋnɛ nyɛ ya yaa funɛ tum tum tagna damata. Chendaha Koosa fun na paan a du ya ni. Chenani o funɛ daŋni di o wa lɛrgi ya diŋsa awa tɛɛnɛ nɔ tim maga diŋsa funɛ ya kibɛgimnɛ.

Tait. 2:12

Nan biksi ya di ya ta tum tum tagna a kidaŋni ya titi daŋnɛ a chi ba naa vɛ zim un. Lalaknɔ o daŋni ya ya bambi timwa awa wuti tima aa kitum tuma a naa la zi sɔɔni Koosa tuha.

Tait. 3:3

Ya ha wa fun zim Koosa a ya womna saha digi. Ya funɛ tiŋ ya titi nyinbaannɛ a vɛ tiŋ o nɔ. Saha maga ya yaa daŋni ya titi daŋnɛwa ka ya tusa sɔɔni. Ya yaa chɔk ya dɔŋtima sɔniwa a di handɔta a du ba ni. Nidamata fun ha ya. Ya gbanko ka fun ha ba.

Jems 3:15

Nan zima nɔ wa li Koosa wati. O ya tɛɛnɛ nɔ tim maga kinnɛ awa alizin tagna kin.

Jems 4:16

Amaa lalaknɔ maa kpak ma bambi ni a ŋɔ di ma zi kpiŋiu a na nyɔɔra. Chenani maa sɛm chen ya yɔrirɛ.

1 Pita 1:14

Saha naa ma fun zɛ zim un, ma funɛ tiŋ ma tutɔ daŋnirɛ. Ma ta tiŋ chen lalaknɔ, amaa maa tiŋ Koosa nɔ nɛnɛ.

1 Pita 2:11

Mu bi daŋnɛ, ma naa ya hɔɔra a li tɛɛnɛ nɔ maga ni, mu sumi mau di ma kpa ma tutɔ daŋnɛ a ta. Ya tutɔ daŋnɛ awa chenani Koosa daŋni yaa tiŋ, a chɔ aa du dɔŋ nɛɛ.

2 Pita 2:10

O zi lɛrgi ba naa la tiŋ ba titi daŋnɛ aa vɛ tiŋ o nɔ, diŋsau hali a vɛ weri. Nibiksɛ na kpak ba bambewa a zer ba titi. Ba wara nyɛ o malaikasi ta wa jirima, amaa ba ka pini ba zomwa.

2 Pita 2:18

Ba sɛma la biksi ya di ba ya womniwa a la daŋni sɔna. Saha maga ba yaa sɛm sɛm lɛmawa a nyɛ nara ni a mur ba di baa tum chɔkumsi tuma. Nara nama piili di ba tiŋ Koosa nyinbaan ti a gil ba naa la tum tum tagna.