1 Jɔn 2:12 - Tampulma

¹² Bichɛsa, mu sɔbi nannɛ a nyɛ ma, domi Koosa funɛ gil ma tum tagna a nyɛ mau Yesu daha.

1 Jɔn 2:12 Iomraidhean Croise

Luk 24:47

O fun ŋɔ ba, “Koosa laaboor weri ti biksi nara gil ba tum tagna a bur a tiŋ Koosa, o zi gil ba tum tagnau a nyɛ ba chen tiin sou daha. Ba fun bukoo sɔbi di o lawa o gantɛl tiŋsi ta te biksi laaboor nɔ a li Jɛrusalɛm ni a zi biksi bawu maga ni.

Luk 5:20

Yesu funɛ zimu chenani ba se su un kinkan chen, o fun ŋɔ baal naa nisa awa o naŋgere funɛ sou chen, “Mu be, n waa nibine be funɛ gil i tum tagna a nyɛ hinu.”

Tuma 10:43

Koosa witinsi ta maga funɛ sɛm o wɛu saha digi. Ba fun biksi di ba naa maga se su un, Koosa zi gil ba tum tagnau a nyɛ ba Yesu sɔn daha.”

Tuma 13:38

Mu niinbisa, mu daŋni ma zimu nɛnɛ di baal nɔ sɔnnɛ ya kpa a biksi ma di Koosa daŋni o gil ma tum tagnau a nyɛ ma.

Tuma 4:12

“O duŋduŋ koti a yisi nara a li ba tum tagna ni di ba tiŋ Koosa. Nandigi wa to tɛɛnɛ nɔ maga ni a la zi koti a chiŋi o bar chiŋi ni a tum chen.”

1 Kɔr. 6:11

Ma bɔnɛ funɛ ya chene, amaa lalaknɔ Koosa funɛ chaksi ma tum tagnau a li ma ni. Koosa dɔ ma. Ma wa bu kpak galimsa o wati Yesu Kristo awa Koosa siim weri ti tum daha.

Ɛfɛ. 1:7

Yesu Kristo funɛ sou ya daharɛ, chen ni o zi kotiu a la ya nyuuna a nyɛ ya a gil ya tum tagna a nyɛ ya. Yɛrɛ o zen mak Koosa suŋi ya,

Ɛfɛ. 4:32

Ma ka ya jɛrgɛ nara a kpak dɔŋa wa siki saha maga. Yesu Kristo siwi daha, Koosa fun gil ma tum tagna a nyɛ ma. Chendaha ma gbanko gil a nyɛ dɔŋ ni.

Kɔl. 1:14

A li o be daŋni ti ni, Koosa funɛ la ya nyuuna a nyɛ ya a gil ya tum tum tagna a ta.

1 Jɔn 1:4

Ya daŋni ma tu sɔɔniu kinkan. Chendaha ya sɔbi nan wɛ a nyɛ ma.

1 Jɔn 1:7

Amaa ya nyɛ ya tusa chaani a chi chenani Koosa tuha chaani chen, ya wa ya dɔŋtima zi kpak nɔ bɛgimu ka Koosa be Yesu chɛl zi yisi ya doŋ magau a li ya ni.

1 Jɔn 1:9

Amaa ya la nɔɔni di ya tum tum tagniwa, Koosa zi gil au a nyɛ ya a yisi ya doŋ maga a li ya ni. Ya zimu di o zi ya chenu a nyɛ ya domi o ya wuti tiinnɛ ka o tum maga gbanko deŋli.

1 Jɔn 2:1

Mu bisa, mu sɔbi nannɛ a nyɛ ma, chen ni ma zi ɔm ma tum tagnau. Amaa ya nandigi tum tum tagna, ya kpak naa la zi sumi ya kunyana Koosa a nyɛ yau. Waa ya Yesu Kristo naa ya tu chaan tiin ti.

1 Jɔn 2:21

Mu sɔbi tɔn nɔwa a nyɛ ma, o wa ya di ma wa zim wuti ti. Ma zim wuti ti nɛnɛ, ma zi zim di nusuna wara li un ni.

1 Jɔn 2:7

Mu bi daŋnɛ, o wa ya chiksi falirɛ mu sɔbi a nyɛ ma nan. O ha vɛɛn ya kibuni naa ma fun nu a li o piili ti ni chene.