1 Jɔn 2:11 - Tampulma

¹¹ Naa ha o dɔŋtima, o nyɛn birsa nɛɛ. O wa zim doonani oo la. Birsa ti tɔ o sewa ka o burgi nyulum.

1 Jɔn 2:11 Iomraidhean Croise

Jɔn 12:35

Yesu fun ŋɔ ba, “Mu chi fitinne a nyɛn ma wati. O wa zi vusi ka birsi wa tɔ min. Ma kpak fitina a val doonani ma daŋni ma val. Birsi ti wa tɔ un, ma zi nyuksi nyinbaanu.

Jɔn 12:40

“Koosa funɛ nyɛ ba se tɔ a nyɛ ba bambe ya bambe sitɛ, chen ni ba wa zi koti a na aa zim chenani o ya. O vɛ ya chen, ba bambe zi chɛrgiu chen ni o gil ba tum tagna a nyɛ ba.”

2 Kɔr. 3:14

Amaa Ju tim ta ka chi un. Chen saha ti hali wa zinan, ba yaa funɛ karimi Koosa chiksɛ ta a li o sɛm tɔn ti ni. A chi gar tɔ ba lise. Ba bambe gbanko chi bambe sitɛwa. Nyinbaan bɛgim duŋduŋ nyɛ ba wa zim Koosa. O lawa ba se su Yesu Kristou.

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

Tait. 3:3

Ya ha wa fun zim Koosa a ya womna saha digi. Ya funɛ tiŋ ya titi nyinbaannɛ a vɛ tiŋ o nɔ. Saha maga ya yaa daŋni ya titi daŋnɛwa ka ya tusa sɔɔni. Ya yaa chɔk ya dɔŋtima sɔniwa a di handɔta a du ba ni. Nidamata fun ha ya. Ya gbanko ka fun ha ba.

2 Pita 1:9

Amaa nara vɛ tum chen, ba chi nyulumiwa ba naa vɛ na nyinbaannɛ a vɛ koti a tiŋ nɛnɛ. O funɛ sugli chenani Koosa fun gil o tum tagna a nyɛ unu.

1 Jɔn 1:6

Ya ŋɔɛɛ di ya wa un ya nibɛgimnɛ ka ya tum birsa tuma, ya suni wɛwa. Ya wa tiŋ wuti nyinbaan.

1 Jɔn 2:10

Amaa naa la daŋni o dɔŋtima, o waa nyɛn bar chaani ti nɛɛ. Kundɔŋ wa to dooni a la zi nyɛ o chel.

1 Jɔn 2:9

Nar ŋɔɛɛ di o nyɛn bar chaani nɛɛ a ha o dɔŋtima, o ha vɛɛn nyɛn birsa nɛɛ.

1 Jɔn 3:15

Ba naa ha ba dɔŋtima, o chi ba ya nara nikpuulɛwa. Ma zimu di nara nikpuuli wa kpak Koosa mi fali naa vɛ kpak bɔ, ti.

1 Jɔn 4:20

Nandigi ŋɔ di o daŋni Koosau a ha o dɔŋtiina, o ya nusun tiinnɛ. O vɛ koti a daŋni o dɔŋtiina naa oo na, yɛrɛ o kaa ya a daŋni Koosa naa o vɛ naali?

JɔnN Deesi 3:17

Ma ŋɔ ma titi ni, ‘Ya ya kin timawa kinkan a vɛ daŋni kundɔŋ.’ Mu zi ŋɔ ma chenani ma duu wuti. Ma ya fara timwa kinkan a chi nyuluma ba naa laari kizɛrgɛ. Ba naa maga na ma, ma wɛ zi ya ba sikiu.