1 Jɔn 2:1 - Tampulma

¹ Mu bisa, mu sɔbi nannɛ a nyɛ ma, chen ni ma zi ɔm ma tum tagnau. Amaa ya nandigi tum tum tagna, ya kpak naa la zi sumi ya kunyana Koosa a nyɛ yau. Waa ya Yesu Kristo naa ya tu chaan tiin ti.

1 Jɔn 2:1 Iomraidhean Croise

Luk 10:22

Doone Yesu fun burgi a sɛm zɛmɛ ta ni, “Mu kunyana funɛ kpa kina magau a nyɛ min. Mu wa mu nyana duŋduŋ zim dɔŋa. Mu nyɛ ba naa mu lisi zim o gbanko.”

Jɔn 10:15

Chen vɛɛna mu zim mu nyan tiu ka mu nyan ti ka zim min. Hali mu saksɛu di mu sou a nyɛ mu piisisi ta ni.

Jɔn 13:33

Mu bisa, mu wa ma wa zi nyɛn vusi. Mu wa kaali, ma zi dɛu mu bar nyɛniu. Ma lisi chenani mu fun ŋɔ Ju tim ta ni di ba wa kikoti a tiŋ min la doonani mu la chen. Chenani mu ŋɔ ba chen, ya ma gbanko kinnɛ.

Jɔn 14:16

Mu zi sumi mu nyan tiu o kpa o siim weri, naa ya wuti tiina, a du ma bambe ni. O zi nyɛn dooniu hali saha naa vɛ kpak bɔ aa suŋi ma ma tiŋ chenani mu ŋɔ ma.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Jɔn 21:5

Ba funɛ wa dugli, Yesu fun pɛɛsi ba, “Mu bisa, ma kpaksi nyinsauu?” Ba fun ŋɔ un, “Ya wa kpak kundɔŋ.”

Jɔn 5:14

A gantɛl nɛɛ Yesu fun wa na un Koosa bar jɛɛmi dam ti ni a ŋɔ un, “Lalaknɔ i na alaafɛu. Ta bu tum tum tagna. I tum a, chenani i zi du zi taginiu a kaali o piili ti ni.”

Jɔn 5:36

Jɔn funɛ biksi nara mu wɛ, amaa kundɔŋ biksi nara mu wɛ a kaali chenani Jɔn fun biksi. Tum zene naa mu nyan ti fun nyɛ mu tum, a waa biksi nara di waa funɛ tum min.

Jɔn 6:27

Ma ta kpa ma bambe a du diwe naa la zi wa chɔk, amaa ma ka kpa ma bambe a du Koosa mi fali naa vɛ kpak bɔ ni. Koosa naa ya mu nyan ti chiŋɛ mu gantɛl ni di mu ya nibine be. Chendaha mu koti a kpa chen mi fali ti a nyɛ ma.”

Jɔn 8:11

Haan ti fun ŋɔ Yesu ni, “Mu kunyana, nandigi wa to.” O fun ŋɔ un, “Mu gbanko wa sɛm di i kpak galimsau. Kila dama. Ta bu tum tum tagna.”))

Tuma 7:52

Hali Koosa witinsi ta digi wa fun ka ma nawaalsi ta vɛ namsi un. Koosa funɛ tum ba di ba wa ŋɔ ma nawaalsi ta ni di o zi wa tum o tumtumna naa tiŋ o tutɔu wuzu digi. Ma nawaalsi ta funɛ kpu ba chen a chi chenani ma vɛ a kpu o tumtum ti chen.

Room 5:10

Ya funɛ ya Koosa dɔmawa, amaa lalaknɔ o be ti nyɛ ya wa Koosa kpak nɔ bɛgim o sou daha. Koosa funɛ lɛli un a li o sou ni. Chendaha ya gbanko kpak bambi di o zi wa yisi yau a li ya tum tagna ni hali o wa peti.

Room 6:15

Mu ŋɔɛɛ di chiksɛ ta wa dɔ ma amaa Koosa suŋi mau, o deŋlu wa yaa tum tum tagnaa? Aai.

Room 8:34

Anti la zi koti a ŋɔ di ba chelu? Yesu Kristo funɛ ya naa siwɛɛ ka Koosa lɛli un a li o sou ni. Lalaknɔ o kanɛ Koosa nihɛɛta bar kani nɛɛ a la sumi un saha maga a nyɛ ya.

1 Kɔr. 15:34

Ma bur wa ma nɛha ni a gil ma tum tagna. Ma bɔnɛ wa fun zim Koosa nɛnɛ. O wa kpak ma hiisaa?

2 Kɔr. 5:21

Yesu Kristo funɛ nyɛn tɛɛnɛ nɔ maga ni, o wa fun tum tum tagna hali tama, amaa Koosa funɛ kpa ya tum tagnau a du o nin ni. Domi ya wa Yesu Kristo ya nibɛgimnɛ lalaknɔ, Koosa wa zi bu na ya galimsa o wati.

Gal. 4:19

Mu bi daŋnɛ, mu chi nihaan naa la daŋni lulirɛ aa la wi ma daha. Mu daŋni kinkan di Kristo wa nyɛn ma ni hali o wa peti.

Ɛfɛ. 2:18

Yesu Kristo funɛ sou a nyɛ ya chen daha, Koosa fun kpa o siim weri bɛgim a nyɛ ya naa ya Ju tima awa ma naa vɛ ya Ju tim ni. Waa nyɛ ya nyinbaan di ya wa ya kunyana Koosa suwachak.

Ɛfɛ. 4:26

Ma na paan a du nandigi ni, ma ta kpa chen a du ma tusi ni a vusi.

1 Tim. 2:5

Koosa ya nibɛgimnɛ. Yesu Kristo gbanko ya nibɛgimnɛ a fun wa tɛɛnɛ nɔ maga a wa ya nibine, chen ni o zi la mo ninu Koosa wati a nyɛ ya.

1 Tim. 3:14

Mu lisu di o wa zi vusi ka mu wa i wati.

Ju 9:24

Kristo funɛ si o sou ni, o wa fun la zu Koosa lɛu naa nibinsa fun du chen, ka o fun ya Koosa tɔhɔn ti kin chamsa. O ka fun zini a zu Koosa wuti lɛu naa nyɛn o tɔhɔn ti ni. Lalaknɔ waa kpalimi a kani ya bar kani ni a li Koosa suwachak ni.

Jems 1:27

Ya kunyana Koosa daŋni yaa tiŋ un wa wuti nɛɛ. O lawa yaa suŋi sunsa awa luhaana ba naa la namsi, aa gil tɛɛnɛ nɔ tim maga tum tagna a ta.

Jems 3:9

Ya kpa ya zulimiwa a sɛm sɛma a la pɛgi ya kunyana Koosa, ka vɛɛn a ŋɔ nɔɔsa a nyɛ ba naa Koosa fun naami a chi o titi.

1 Pita 2:22

O wa fun kut a tum tum tagin. O wa fun suni wɛ a nyɛ nara ni.

1 Pita 3:18

Kristo titi funɛ sou bu bɛgimnɛ ma tum tagna daha, chen ni o zi kpa mau a la Koosa wati. Naa funɛ ya tum were nitumi, waa funɛ chiŋi ya naa ya tum tagna nitumɛ bar chiŋi ni. Ba funɛ kpu o barawa, amaa Koosa siim weri ti funɛ lɛli unu a li o sou ni,

1 Jɔn 3:18

Mu bisa, ya ta daŋni ya dɔŋtima wa ya sɛma duŋduŋ ni. Ma nyɛ yaa daŋni ba wa wuti ni a tum tum were a nyɛ ba.

1 Jɔn 3:5

Ma zimu di Yesu funɛ wau di o wa yisi nara tum tagna maga a ta. O wa tum tum tagin hali tama.

1 Jɔn 3:7

Mu bisa, ma ta nyɛ nandigi mur ma. Ba naa maga la tum tum were, ba ya tu chaan timawa a chi Yesu.

1 Jɔn 4:4

Mu bisa, Koosa dɔ ma a fun kpa o siim weri ti a nyɛ ma. O kpok naa nyɛn ma ni chen, waa kpok kaali Kristo dɔm kpok naa nyɛn ba ni.

1 Jɔn 5:17

Kin nawara vɛ deŋli ya wu tagniwa, amaa ma tum tum tagna bɔnɛ, Koosa zi lɛrgi ma diŋsau ma siti.

1 Jɔn 5:21

Mu bisa, ma doso ma ta nyɛ kundɔŋ wa lisi ma a li Koosa tiŋi ni.

3 Jɔn 1:4

Saha naa mu yaa nu di mu bisa tiŋ Koosa wuti nyinbaannɛ, o yaa sɔɔni mu tuhau kinkan a kaali kina maga.