Tito 3:7 - NandevaBiblia

⁷ Hai, ñanymbyheko kavi verã jyhaihukue tivishava rupii, japity verã tykove opambava ñahãrõva.

Tito 3:7 Iomraidhean Croise

Mateo 25:34

Haipe mburuvisha heiposhu jakata kyty'õre: “Pei Sheru ohovasashu vekua, piche ko Mburuvisha vasurã vate araivi mỹhẽva'ẽpeva Tũpa japorãvãĩ ko yvy'ĩãrẽ.

Marcos 10:17

Jesús ohojyma verã, ñani ou pente kuimbai, ĩñesu hỹnonde hareka pyrãndushu: Pyrỹmboi'ia heko kaviva, mbaivarapo ajapo apity verã tykove opambava?

Romano 11:6

Kova rãnga iko Tũpa pya kavi rupii. Ha'ẽã haire mbai japo kavirã. Kyrãrã Tũpa pya kavikue haiveãmapo pya kavi.

Romano 3:24

tẽvã Tũpa meẽ jyhaihukuepy mbaimbape ñanymbyheko kavi, mbyhepya ñandyrehe ñanynohẽajy verã Cristo Jesús japova rupii,

Romano 3:28

Hãme rãnga he'iha Tũpa ñanymbyhekokavi jairojaherã, hareka ha'ẽã Moisés mbypara vekuape'õ jajaporã.

Romano 4:16

Hãme rãnga, Tũpa ĩñee meẽva ou jyrojakue rupii, opaite Abraham tayre me'ẽãreiishu verã; ĩñee meeshu opaite ñymoñashiare pevarã, ha'ẽã Moisés mbypara vekuape'õ japo'ia retaĩ, koñeĩ Abraham rãĩmi jyrojava retajy. Hãme rãnga hai opaiteva ñanderu.

Romano 4:4

Hãrã ã'ẽ, mba'apo'ia kyrypoti hembyshuva ha'ẽã me'ẽãreiishua, koñeĩ me'ẽãñoĩshu verãĩ rãnga.

Romano 8:17

Hareka ñande hai tay retarã, ha'eĩ jyve ñande tay tynondevare; Tũpa tay tynondevare, hareka tynondeiteva Cristo hãndi, añeteĩte jahasa'asy Cristo handirã ñanymbyveteapo jyve handikui.

1 Corintios 6:11

Ĩme'ẽ aryka'e pymbytepe kyrã'i vekuare; tẽvã ã'ẽ pyndykyaveãma Ñandeja Jesús heepe hekokavivamape, hareka Espiritu ñanu Tũpa ryheva rupii.

Galatas 2:16

Jaikuaa kavi rãnga koñeĩ Tũpa mbyhory Jesucristo jyrojaheare, hareka mba'ety ohojepe verã Moisés mbypara vekua japo'irã. Ore rãnga jyrojaha jyvehe Jesucristo, Tũpa mbyhorya verã jyrojahaherã. Shara mbaveãpo Tũpa mbyhory Moisés mbypara vekua japo'irã.

Galatas 3:29

Hãrã pee hai Cristo ryhevarã, pee hai Abraham tayre, hareka opaite pipitypo Tũpa ĩñee meẽ vekua.

Galatas 4:7

Kyrã jyve pee, haimape Tũpa tayre haiveamape jokuearea. Tũpa tayperã, Tũpa meẽpope opa mbai ĩñee meẽ vekua tay retape.

2 Tesalonicenses 2:16

Hãrã Ñandeja Jesucristo hareka Tũpa pya kavi rupii hai ñandyraihu hareka meẽ ñande pyavapy japymbaa hareka ñyhãrõkavi,

Tito 1:2

Ñahãrõ ñaĩva hai tykove opambava. Tũpa japuã, shara Hai heimba aryka'e meẽ ñande verã kova tykove.

Tito 2:11

Tũpa jyhaihukue tivishava heshaka opaite kuareta retape, veru ñymondojepeva kuaretare pevarã.

Tito 2:13

ñahãrõteri ñaĩvape hĩmbipekue ryheve ou verã ñanu Tũpa ojaimbava hareka Ñanymondojepeva Jesucristo.

Hebreos 1:14

Shara Tũpa jokuevare hai espiriture mba'apova Tũpa pevarã, jokueshu mbory verãre opaite ñymondojepe hipityva retape.

Hebreos 11:7

Noé, Tũpa mbeumashu jehu verã heshambateri verãrã, hendushu, hareka kyje ryheve japo pente varko marẽyva mondojepe verã ñymoña hãndiare. Noé hipity mbai kavikue Tũpa meẽshuva opaite hendushua retape. Hareka hokava jyrojakue rupii Noé japohe kuareta ko yvy'ĩãrẽ jaheahe verã.

Hebreos 11:9

Abraham jyroja rupii, yvy mbe'uashuvape iko tenta yngaivi ouva rãĩmi hareka iko'i oo mymba pirekueivi japohava, Isaak iko rãĩmi, hareka Jacob handi, hai reta jyvacheĩ hipity jyve hokava ñee me'ẽãva.

Hebreos 6:17

Hãrã Tũpa potañoĩ my'añete heshaka verã opaiteva hipity verã kova ĩñee meẽ vekua, yngavamba hekyjy verãpe.

Santiago 2:5

Pyhendu, shyryvyre ahaihuva: Tũpa rãnga pyhyrõ pavetevare ko yvy'ĩãrẽ, ikokatu verã jyrojakuepy hareka me'ẽhashu verã tenta vasu mbeushuva haihuvare.

1 Pedro 3:7

Pee jyve temere, piko handi arãndupe, shara pymbyvetepo jyveshu vaso tantambava rãĩmi, tẽvã hairetape Tũpa hei meẽshu verã tykove opamba. Kyrã pijaporã Tũpa hendupo pirurerã.