Tito 3:2 - NandevaBiblia

² Avypo mbava ijeta porããhe yngavare hareka avypo potaĩ ñyrãrõjyre, pyryraihupo, heshakapo heko kavikue opaite kuareta retape.

Tito 3:2 Iomraidhean Croise

Mateo 11:29

Shiñee pyhendu kavi, hareka pijapo kavi she haipeva, pikuaa jyve shyhevi shara she shypya kavi hareka airojãã shijeherã, she apurũmbuputuupo.

Hechos 23:5

Pablo hei: Shyryvyre, aikuãã rãngambaje hai pai ruvisharã, shara mbyparahavape hei: Avy poshyshu nyrentape miñaka'õ.

1 Corintios 6:10

manarõ'iaretambaa, kateỹvaretambaa, kau'iaretambaa, jytaupe'ia retambaa, yngava hapisha ijeta'iheare, hareka pyrỹmbytavy'ivare, kyrãvare mbaveãpo ichekui Tũpa ẽvãpe.

1 Corintios 9:19

Ajemaĩ she haimbateã mbava jokuerea, opava jokuerea reta rãĩmi aiko. Hetavape apity verã Cristo pevarã.

2 Corintios 10:1

She Pablo, airure'asype, Cristo jyhaihukuepe hareka pya kavipe, ajemaĩ pere shyrehe ãĩme'ãĩ pynymbyteperã shymarãva, tẽvã mbyry ãĩmẽ'ãĩrã aponderaã.

2 Corintios 12:20

Akyje ãvãhẽma ahaperã, apyryreshamba verã she aipotava rãĩmi, hareka pee shyreshambapi verã pipotava rãĩmi; akyje ẽẽ verã pynymbytepe ñyrãrõ, pyrỹmorãmba, poshy, pota ha'epaiteva, ñeereii, ijeta ijeheva, jyroja ijeheva hareka opa pyrỹmomohẽ'iare.

Galatas 5:22

Espiritu Santoivi rãnga ou jyhaihu, vy'a, pyasymyĩ, ñyhãrõkua, pyakavi, mbaikavi, tãnta jyroja,

Galatas 6:1

Shyryvyre, ĩme'ẽ oava pynymbytepe mbai porãmbaperã, pee pikova Espiritu Santo potava rãĩmi pymboryshu puãjy verã. Tẽvã pijapo pyakavi ryheve, hãrã pepenteĩ pingareko ijehe mahẽ peeave peajy vekui mbai porãmbape.

Galatas 6:10

Hãrã katuteri jajapo mbai haikaviva opava retare, tẽvã tynondepo ñandyryvy jyrojava retare.

Efesios 4:2

Peñemomishĩgãtu, pijyhaihu hareka piñyharõ kavi hareka piñymbory katu jyhaihupe.

Efesios 4:31

Pyheja opa marãrãgãture pya porãmba, pyaposhy, sapukerei hareka ñee poporãmbavare hareka opaite mbai porãmba vekua.

Filipenses 4:5

Opavare tyhesha pynymbaikaviva. Ñandeja kõõima oujy!

1 Tesalonicenses 2:7

Kyrãtẽ verã, kapyry ñyngarekoha pyndyrehe, tesy membyre ñyngareko kavihea rãĩmi.

1 Timoteo 3:11

Kyrãi jyve diaconorã ñonoavare hyrekore, heko kavipo jyve, hareka ijeta reĩãpohe hapisha, jyrojããpo ijehe, hareka opa mbaipepo jyrojahahe.

1 Timoteo 3:3

Ka'uãpo, hareka ñyrãrõseãpo, potããpo kyrypoti hekope kavimba'õ. Kyrãtẽ verã pya kaviñoĩpo, ñee momboãpohe hapishare, hareka avypo mbai potaite.

Santiago 3:17

Katynga ãrãndu Tũpaivi ouva tynonde heko ky'ãã, heka pyavapyva ryheva, pya kavi hareka ñee hendu. Kyrãĩjy pyrypareko, ĩñee añete, hova mokueã hareka haikaviva japo.

Santiago 4:11

Shyryvyre avy pijeta porãã ijehe. Pyndyryvyhea ĩñeepe ñymbyvaisho'ihea maĩrã mbivache'ia, porãã ijeta hareka mbijiche Moisés mbypara vekua japoa verã. Hãrã rĩpirĩmbijicherã, rĩñyñonoma pirĩmbijiche'ia rãĩmi rijapoĩtẽ verã.

1 Pedro 2:1

Pyheja opaite marãrãngatuva porãmba vekuare, japukue, hova mokueva, hapishatambaa, hareka ñee porãmba vekuaivi.

1 Pedro 3:10

shara: “Hykove pota haihuva hareka ara kavi pota heshava, avy tijeta porããhe yngava hareka avy añetembava tymbeu,

1 Pedro 3:8

Koñemahea pikojipive pentepyape, pipareko, pijyhaihu pente'ovare rãĩmi. Pypya kavi hareka avy pijijapo.

1 Pedro 4:4

Ã'ẽ, pikoveãma hãndi reta heko porãmbaperã, haire porãã hesha reta, hãrã ijeta porãã pyndyrehe.

2 Pedro 2:10

Opa mbai ĩãrẽ, Tũpa nupapokui hoo potavaĩ ñee hendushuare hareka porãmbavaĩ japo'iare. Hokava rãnga mbaimba kuaaseva hareka ñynotimbare hareka kyjemba ijeta porãmbahea Tũpa jokuevare.

Judas 1:10

Tẽvã kova kuaretare kuaakavimba retaave ijeta porãhe. Haire mymba rãĩmi jyre, opa mbai kuaa tẽvã kuaakaviã retarã ha'eire jyvare ijehe.

Judas 1:8

Kyrãpo iko jyvehekui opaite aijeta ãĩhevare, shara porãmba pya mbijetaheva rupii hete myngya, mbijiche reta Tũpa ñymbaikatukue hareka ijeta porãhe Tũpa jokuevare arapy'õ.