Tito 3:11 - NandevaBiblia

¹¹ Rikuamapo hokava kuareta javyva hareka mbai porãmba japoma hareka hai pyape mbijetavaĩ jyvarehe.

Tito 3:11 Iomraidhean Croise

Lucas 19:22

Haipema huvisha vasu heishu: “Nde hai jokuehareirea heko porãmbava, niñẽ'ẽkue rupiiĩpo arĩmbivacheka. Rikuambatẽ she hai kuimbai mbai potañoĩ japoashuarã, ahekyjyva añonombatẽva, hareka ãmỹnõõjyva añotymbatẽva;

Lucas 7:30

Fariseore hareka Moisés mbypara vekua pyrỹmboi'iheare, ñymyngaraikamba shuare Juan, mbijicheĩmã ijuhuvi haire pevarã Tũpa potãtẽ japoheare.

Juan 3:18

Tũpa tay jyrojahea, jyvarehãpohe; tẽvã jyrojambahea jyvareapohe, shara rojãã Tũpa Tay penteĩ'ia.

Hechos 13:46

Tẽvã Pablo hareka Bernabé pyavasu ryheve ijetarã heishu reta: Pee Israelitarãni pynymbykuahatẽ verã ko Tũpa ĩñee, tẽvã potãã pypysyrã kova tykove opambava ryheva. Hãrã ã'ẽ ohoapo ñimiñẽ'ẽashu haimba Judiore.

Hechos 15:24

Ore henduha ỹrỹmbyteivi ohova yryryheva, oremba me'ẽãshuva ñee opa porãã japopy reta haire pyrỹmboiheva.

Hechos 23:25

Hãrã meẽshu reta kuatia raha verã, Felix pevarã heiva:

Romano 3:19

Jaikua rãnga ñee mbyparahava japoa verã haiva Judiore pevarã, shara haire ĩmere ñee mbyparahava japo verã, mbavamba heijy verã “ha'eã she mbai porãmba japo'ia”, opapaveĩ ñymbeu verãre mbai porãmba japovare Tũpa hỹnonde.

2 Timoteo 2:14

Mymandu'akajyhe reta kova, hareka ereshu reta Tũpa hỹnonde ỹteñoma ñeereiire ijaka verãre, shara myporãã hokava henduvare pevarã.

Tito 1:11

Hokava retape katu rĩmichirĩrĩ, shara opa porãã ñono oope'õre, pyrỹmboi jyrehe mbai japuva ryheva mbyhepyapyshu verã kyrypoti hekopemba'õ.

Tito 1:14

Mahẽ roja retakui ñeẽ nohẽãreiva Judio retaivi hareka ñeẽ japoha verã kuareta retaĩ hei vekua añeteva syryshiare.

Hebreos 10:26

Poiã jajapo mbai porãmba ñandeĩ jaipotarã añeteva jaikuamatẽvã, mba'etymajy yngava ñameẽ verã mbai porãmba vekuare heky verã.