Tito 3:10 - NandevaBiblia

¹⁰ Ĩme'ẽ potaĩ pirĩmbijao'iarã, ñimiñeeshu pente maĩrã mokuejy; hãrã potãã nyrẽndurã rỹmohẽpo tũpaovi.

Tito 3:10 Iomraidhean Croise

Romano 16:17

Shyryvyre, airure pee pingarekoshi verã ñimbijao ryheva veruva hareka pyrỹmbyvapiva ñono'iare, hai hokava ñymbyvaishoheva pynymbo'eaheva pymyvãheva. Hokava kuaretare avy pihia,

1 Corintios 11:19

Ikoñoĩ rãngapo kyrãvã pynymbytepe, kuaaha verã mbara ãñete haikavi'ẽ Tũpa hỹnonde.

2 Corintios 13:2

Hãma arykai mbai porãmba japo'iare, hareka opaiteva, mbyry ãĩme'ãĩrã ambeujyshu reta, sheteiva ambeushuare mokueheape aha apyryresharã, hãrã ahajyrã mbaveãmapo ohojepeshikui ñunupa.

Galatas 5:12

Opaite iko ma'ẽĩmba'i pyndyreheva pota pipire chĩchĩkarã, marãinga opãã jasyja ijuhuvi!

Galatas 5:20

ñymombai vasu yngava Tũpa, ñymbypaje, pyryraihuã, ijeshatã, ñyngareko hareka poshyrei'i, potañoi ha'epaite, ñyrãrõ, pirĩmbijao'i,

2 Tesalonicenses 3:14

Ĩme'ẽ ñatẽy japova ore yrykuatiape'õrã, pyheshaheva pypyvẽẽshu mbavara hareka avy piko hãndi, ñymymarãka verã.

2 Tesalonicenses 3:6

Shyryvyre, Ñandeja Jesucristo heepe jururehape pysyryshi verã opaite ñandyryvy ñateỹ mba'apovare hareka potamba ikova pynymbo'eaheva rãĩmi.

2 Timoteo 3:5

Ñymbyhekopo tykove mbijicheava Tũpa pevarã rãĩmi, tẽvã ñomipo jyre Tũpa ñymbaikatukue. Avy jihia'i kuareta kyrã'iare.

2 Pedro 2:1

Israelvare mbytepe ĩmemba'ẽ arykai pyrỹmboi'iare japuva; kyrãpo ẽẽ jyvekui pynymbytepe israel pyrỹmboi'ia japuvare. Haire ñemiapepo pynymboi, ijetapohepe pyrỹmyporãmba ryheva hareka añetembavare. Haire ñomipo Ñandeja Jesucristo nohẽshu vekuare mbai porãmbaivi. Hokava veruposhu reta arembaa opa jyvareahe verã.

2 Juan 1:10

Ĩme'ẽ oho pohypeva kyrãva pyrỹmboimbahearã, avy pymyvãhẽ pynyrẽntape hareka avypo pymarãndushu.