Tito 2:10 - NandevaBiblia

¹⁰ Avypo manarõ, heshakapo jyrojahahea, opavare hykovere heshahe verã haikaviva pyrỹmbo'ehaheva Tũpa Ñanymondojepe'ia ryheva.

Tito 2:10 Iomraidhean Croise

Mateo 24:45

Mbavara jokuearea jyrojahea hareka heko kaviva? Hai jokue'õ ñono ipope opaite ĩrũ jokuehareireare myngaru verãre ikotẽvema ñynoirã.

Mateo 5:16

Kyrã jyve pee mbai sapeva rãĩmipo pysape opavare hỹnonde, haire hesha haikaviva pijaporã, õmombaivasupo jyve Teru vate arape'õ.

Lucas 1:47

hãrã shykove vya Tũpare shymondo jepeva.

Lucas 1:80

Hãma sanjay pukumã oho'i, ñymypỹrãtajyvỹĩ ijespiritupe; hãrã iko'i yvy ikoambaipi vãhẽpeve ara ijeshakashu verã Israelvare.

Lucas 16:10

Ko heko kaviva mbai mishĩvãpe, heko kavi jyve mbai hetavape; hãrã mishĩvape heko porãmba, kyrã jyve mbai hetavape.

Juan 12:6

Tẽvã Judas ha'ẽã manduahe pavete'ia retarã, shara manarõserãmeĩ. Hai kyrypoti mbatyhava hyru ñyngareko'ihea, hareka ñomi'i mombohapyvarã.

1 Corintios 4:2

Hãrã ĩme'ẽ japo verã me'ẽãshuarã, tyheshaka marãra katu jyrojahahe.

Efesios 4:1

She Pablo, shymbyperesoava Ñandeja rehe, airurepe piko verã hekope kavi Tũpa potava rãĩmi, pee pynyrẽno vekua.

Filipenses 1:27

Koñeĩ airurepe pikokavi verã Ñee kavi Cristo ryheva pyrỹmboiva rãĩmi. Shara aha apyryresharã maĩrã ãĩmbate haipeva, koñeĩ tahendu pyndyhevi piko kavi ijupiiva hareka piñyhãã pente pyapeĩ Ñee kaviva pirojaheva rupii.

Filipenses 4:8

Koñemahea shyryvyre, pypya pimbijeta katuhe opava oumbava japuivi, heko kaviva, pyrỹmbyhoryva hareka hyrãkua kavivare. Opaite ĩmereva mbai haikaviva hareka katu pyraheva, kova pypya pimbijetahe.

1 Timoteo 1:1

She Pablo, Jesucristo jy Apostol Tũpa ñonova rupii ñanymondojepeva hareka Ñandeja Jesucristo ñahãrõñaĩva pota rupii,

1 Timoteo 5:17

Opaite Jesucristo jy'tupao miñaka kavi'iare, mbyveteapo hareka hekopekavipo mbyhepyashu mbai japova rehe, tynondeite'ẽ Tũpa ĩñee mbeu'iare hareka pyrỹmboi'iheare.

1 Timoteo 6:1

Opaite jokuehareare tymbyveteshu jokue'õre, mahẽ porãã ijetahahekui Tũpa hee hareka ñapyrỹmboiheva.

1 Timoteo 6:3

Ĩme'ẽ yngai'ova pyrỹmboi'ihea, ohombahea Ñandeja Jesucristo pyrỹmboihe vekuarã, hareka tykove mbijicheava Tũpa pevarã jahahea ñanymboihea rãĩmi,

Tito 1:3

Hãrã jy'arape kavipo pyrymbykuaaka ĩñee, Tũpa ñanymondojepe'ia heishe vekua ambeu verã.

Tito 3:4

Tẽvã Tũpa Pyrỹmondojepeva heshakama pya kavikue hareka jyhaihu opaite kuaretaperã,

1 Pedro 2:12

Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.

1 Pedro 3:16

Tẽvã pijapo peñemomishĩvape hareka ñee henduvape. Piko pypyavapy ryheve, hãrãpo ijeta porãmbahea pyndyreko kavi ĩmepyreva Cristo pirojaherã, ĩñe'ẽkue rehe ñymymarãka retakui.

2 Juan 1:9

Ĩme'ẽ Cristo pyrỹmboiva rãĩmi õhẽshivarã mba'etyre Tũpa; tẽvã ikova heiva rãĩmi ĩmere Tuu hareka Tay.