Tito 1:4 - NandevaBiblia

⁴ Kova kuatia ambyparande Tito, nde hai she pevarã pente tyray añeteĩteva rãĩmi jyrojakuepe. Tũpa hareka Ñandeja Jesucristo ñanymondojepe'ia jyhaihukue tivishava hareka pyakavikue toĩ nendie.

Tito 1:4 Iomraidhean Croise

Lucas 2:11

Ã'ẽ oaje David hentape pente pyrỹmondo jepe'i verã, hai Cristo, Ñandeja.

Juan 4:42

Hãrã heishu reta taupe: Ã'ẽ haiveama nde rerevãĩ rojahava. Shara oreteima henduha hai heiva, hareka kuaahama añeteĩteva hai Cristo; opaite kuareta yvy'ĩãrẽ iare mondojepe verã.

Romano 1:12

Jaishu, pepenteĩ ñaĩmykyrẽy verã jyrojakue ñambeu ijuperã.

Romano 1:7

Opaite Romape peĩva Tũpa haihuvare hareka hẽnohava iko pyndyhevi henta ĩrũre pyhyrõãva: Ñanderu Tũpa hareka Ñandeja Jesucristo tymaĩ kavi hareka tyheshaka pyavapy.

2 Corintios 12:18

Airureshu Tito oho verã peĩvape hareka ãmondo hãndi pente ñandyryvy. Pynymbytavyra'i Tito? Pentea rãĩmiãra ikoha'i pynymbytepe hareka pente pyape?

2 Corintios 2:13

Tẽvã ajepy'apy ai aheshãã shyryvy Tito Tróasperã. Hãme rãnga aheja retarã aha Macedoniape.

2 Corintios 4:13

Ore rekohava jyrojakue, hai Mbyparahava heiva rãĩmi: “Aroja, hãme aijeta”, ore rojahaĩ jyve hãme ijetaha,

2 Corintios 7:6

Tẽvã Tũpa mbypya vapyva kyrẽỹveãmavare, yrỹmbymbypya vapy Tito vãhẽ ourã.

2 Corintios 8:16

Ãmeẽ shy'ajetekue Tũpape hai ñono Tito pyape she rãĩmi ojepy'apy pyndyrehe verãrã.

2 Corintios 8:23

Tito rãnga hai shi'ĩrũ hareka shymbory'ia pee pevarã; hãma ñandyryvyre oho hãndivare, hai Jesucristo jy tũpao mondovare, hareka Cristo õmombai'iare.

2 Corintios 8:6

Hãmeara jururehashu Tito, hai õñepyrõ vekua opa japo verã pymbytepe, kova mbai kavikue pijapova.

Galatas 2:3

Tẽvã Titopembaa, shimi'ĩrũte'iva, jurureshuare pire chĩchĩka verã, ajema griegote haiva.

Galatas 3:26

shara pirojaivivehe Jesucristo, iko pyndyhevi Tũpa tay.

Galatas 3:28

Mba'etyma Judiovara maĩrã Greciavara, jokuehareara maĩrã ha'eãra jokueharea, kuimbaira maĩrã tauperã. Pirojama Jesucristorerã, opava pee pentevaĩma.

Efesios 1:2

She airureshu Tũpa, Ñanderu hareka Ñandeja Jesucristo, tymeẽpe pya kavikue hareka pyavapy.

Colosenses 1:2

ambyparape ko kuatia shyryvyre Colosape'õre, Tũpa ña'ãpova pyhỹrõvare heko kyamba. Tũpa tiñono pyrehe mbai kavikue hareka tymeẽpe pyavapy.

1 Timoteo 1:12

Ameẽshu shy'ajetekue Ñandeja Jesucristo shymypyrãta'iva, jyroja shyreherã hareka shiñono amba'aposhu verã.

2 Timoteo 1:1

She Pablo Jesucristo jy Apostol, Tũpa potavape hareka heiva ñee me'ẽãva tykove ryheva, ñahãrõñaĩva Jesucristo rupii.

2 Timoteo 1:2

Marãndushu Timoteo shyray ahaihuva. Tũpa hareka Ñandeja Jesucristo tiñohẽ ndyrehe ñymbai kavikue, jyparekokue hareka tymeẽ nde pyavapy.

2 Timoteo 4:10

shara Demas shyrejama, haihuite opa mbai ko yvy'ĩãrẽ'õ rehe hareka oho Tesalonicape. Cresente oho hai Galaciape hareka Tito oho Dalmaciape.

Tito 1:3

Hãrã jy'arape kavipo pyrymbykuaaka ĩñee, Tũpa ñanymondojepe'ia heishe vekua ambeu verã.

Tito 2:13

ñahãrõteri ñaĩvape hĩmbipekue ryheve ou verã ñanu Tũpa ojaimbava hareka Ñanymondojepeva Jesucristo.

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

2 Pedro 1:11

Hãrã pe'ahapopekui õche vate arape'õ opambava Ñandeja ryheva hareka Jesucristo Ñanymondojepeva.

2 Pedro 2:20

Shara kuaashuvare Ñandeja hareka Pyrỹmondojepe'ia Jesucristo, katuveãmapo iko mbai porãmba japo'iare rãĩmi ko yvy'ĩãrẽ'õ; tẽvã hokava mbaipe jypokuarã hareka hykuaĩ mbai porãmbape ẽẽjyrã, porã'ãĩtevepo pyta jypyite õñepyrõ vekuaivi.

2 Pedro 3:18

Haikavivepo, pupuãve peho Jesús jyhaihukuepy hareka pikuave pyraha Ñandejape, Ñanymondojepeva Jesucristo. Japyraheshu Jesucristo ã'ẽ hareka opa arape! Amén.

2 Pedro 3:2

Pynymanduahe arykai Tũpa ĩñee mbeu'ia heko kyambavare hareka ñeẽ japoa verã Ñandeja ña'ãpova hareka Pyrỹmondojepe'ia apostolre rupii.

1 Juan 5:14

Ore jyrojahahe Tũpa, shara jaikuaa hai potava rãĩmi jairureshurã, hai ñanyrẽndu.

Judas 1:3

Shyryvyre ahaihuva, pota rãnga ambyparape verã ñanymondo jepeva ryheva ĩmejareva; hareka ã'ẽ añandu tekotẽve ajapo airurepe piñyhãã pirojakuepe haikavi verã penteĩ me'ẽãshu vekua heko kyambare,