Tito 1:16 - NandevaBiblia

¹⁶ Hei reta kuaava Tũpa, tẽvã japovare rupii jykuahe reta heireii jyrerã; kuaretare heshatããshu reta hareka ñee henduã reta, ẽẽãshu mbai haikaviva japo verãre.

Tito 1:16 Iomraidhean Croise

Romano 1:28

Mba'eveãma Tũpa pota kuashi retarã, Tũpa ma'ẽĩhe japo reta mbai porãmba pya mbijetahea japokashua.

Efesios 5:6

Avy mbava pynymbytavy ñeereivape, kova mbai rehe rãnga verupo Tũpa ñunũpa pohyiteveva opaite ñee hendumbava ĩãrẽ.

1 Timoteo 1:9

Jaikuaajy Moisés mbypara vekua japohãã heko kavivare pevarã, koñeĩ heko porãmbare, ñee hendumbare, mbaimba kuaasevare hareka mbai porãmba japo'iare, Tũpa jyrojambaheare maĩrã ohoahea mbaimbashuare, jukava tuu maĩrã ishy hareka opaite puruka'iare pevarã rãnga.

1 Timoteo 5:8

Opaite mborymbava hentarã, tynondeite'ẽ hoope'õre, ñomi jyrojakue hareka heko porã'ãĩteveshi Jesús jyrojambateriheare.

2 Timoteo 3:17

Kyrã kuimbai Tũpa ryheva ñy'arãndu verã hareka hekopekavi mbai haikavivaĩ japo verã.

Tito 3:1

Opaiteva mymandu'akahe tiñiñono jyve huvisharã'õre ipope, ñee tyhendu hareka õĩñoĩpo japo verã haikaviva.

Tito 3:3

Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.

1 Juan 2:4

Ĩme'ẽ heiva: “She rãnga aikuaashu”, hareka japoãshu hai heivarã, pente japuvama hareka mbe'uã añeteva.

Judas 1:4

shara ñymbytavy rupiima ã'ãmo kuareta iche pynypaũpe porãmbava. Haire yngai mbeujy Tũpa pyakavikue heijyre Jesucristo haimba Ñandeja koñyjareva hareka ña'ãpova, hãrã japoi jajaposhu verã heiva. Pya mbijeta reta, Tũpa ñandyraihuiterã, jahembaa ñandyrehe verã mbai porãmba jajaporã. Ajenynga, heta arama he'ihahe kuatia Tũpa ĩñeepe jaheañoĩhe verã hokava kuaretare.

Apocalipsis 21:27

Tẽvã mbaipeveãmapo hokape ichejy mbai kyava, mbai porãmba'eiteva hareka japuvare. Koñeĩ'ẽ iche verã heere mbyparahava Avisha Ray jykuatiape tykove ryheva.

Apocalipsis 21:8

Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.