Tito 1:10 - NandevaBiblia

¹⁰ Shara heta'ẽ ñakareĩ'iare, ĩñeengãtuvare hareka pyrỹmbytavyĩ'iare, tynondeite'ẽ potañoĩ pire chĩchĩava ryheva japoashuare.

Tito 1:10 Iomraidhean Croise

Mateo 23:14

Hãrã pypavetepokui pyrỹmboi'ia hareka fariseore hapishatamba'iare! Pyheky piva ĩme manoshiare hoo haivi pymbyhasa verã puku rã ãngaĩ pirure. Hãrã pee pipity pokui ñunũpa pohyveva.

Hechos 11:2

Hãrã Pedro oujyma tenta Jerusalenperã, ĩme'ẽ Jesús jyrojahea Israelitavare oñepyrõ ijeta pohy ijupe hãndi reta.

Hechos 15:1

Hãrã vãhẽ ou kuaretare Judeaivi, Antioquiape õñepỹrõ mboishu reta Jesús jyrojaheare, pire chinchĩhambava Moisés heiva rãĩmi, katũãpo ohojepekui.

Hechos 15:24

Ore henduha ỹrỹmbyteivi ohova yryryheva, oremba me'ẽãshuva ñee opa porãã japopy reta haire pyrỹmboiheva.

Hechos 20:29

Shara aikuaa kavi ahamarã, ouñoĩ verã yngavare, avara vasu ñarõva rãĩmi pota mby'opava tũpao.

Galatas 2:4

Ĩme'ãmo'ẽ ñandyryvy rã'ãngavare ñemiape icheva ñanymbytepe, ñemiape maĩhe verã marãra Cristo ñanynohẽshi ñee pohyvaivi, pota japo reta jokuehareire verã Moisés mbypara vekuaperã.

Galatas 3:1

Pee Galaciavare, marãĩra mbai'ãĩte pikuaa! Mbavara pynymbypaje? Heshahaka kavi rãnga pee marãra Jesucristo mano kurusure.

Efesios 4:14

Jaikoveãma verã sanjay rãĩmi pya mokuepe, kokoty ñandyraha yvyture ñee pyrỹmbo'eaheva py'ahuva ñanymbytavypeve kuareta japuva ikova tyrape javyape ñandyrahavape, ñahendushi verã mbai tykove mbai kuava japu ryheve pyrỹmboi'iva, pyrỹmbytavy hareka pyryraha verã pee javy verãĩpi.

1 Timoteo 1:4

avy jasakahe ñeereiiva tãkaivi nohẽãva, hareka ñee aryka'evare mbeu vekua opambava ryheva. Kova mbai rãnga opa pirĩmbyvavy ñeepe, jairoja rupii Tũpa potava jajapotẽ verã vekua.

1 Timoteo 1:6

Tẽvã ĩme'ẽ pynymbytepe syryva kova mbaivi, ñee mbaimba vekuaĩ japo'i.

1 Timoteo 1:9

Jaikuaajy Moisés mbypara vekua japohãã heko kavivare pevarã, koñeĩ heko porãmbare, ñee hendumbare, mbaimba kuaasevare hareka mbai porãmba japo'iare, Tũpa jyrojambaheare maĩrã ohoahea mbaimbashuare, jukava tuu maĩrã ishy hareka opaite puruka'iare pevarã rãnga.

2 Timoteo 3:13

Tẽvã kuaretare heko poshyva hareka pyrymbytavy'iare porã'ãĩtevepo jyraha reta, pyrỹmbytavy hareka yngavare mbytavyñoĩshu.

2 Timoteo 4:4

Henduãpokui pyrỹmbo'eahea añeteva hareka ñeereiva tãkaivi nohẽã vekuãĩpo hẽnduve reta.

Tito 1:6

Tũpaope miñaka'õ heko ky'ãpo, hyreko penteĩpo, tay hareka tajyre jyrojapo jyvehe Jesús, mahẽ he'iahe retakui heko porãmba hareka ñee hendumba'iare.

Santiago 1:26

Ĩme'ẽ heiva opa kavi japova Tũpa ĩñee, tẽvã juru jokoãrã, ha'i ñymbytavy'i hareka heireii opakavi japova Tũpa ĩñee.

1 Juan 2:18

Shyray rãĩmire, vãhẽserima rãnga ara opa verãpe, pee pyhenduma ou verã Cristo ñymbyvaishoheva. Hãrã ã'ẽ hetama'ẽ Cristo ñymbyvaisho'iheare. Kyrãvape ñande jaikuaa vãhẽserimava ara opa verãpe.

1 Juan 2:4

Ĩme'ẽ heiva: “She rãnga aikuaashu”, hareka japoãshu hai heivarã, pente japuvama hareka mbe'uã añeteva.

1 Juan 4:1

Shyryvy ahaihuvare, avy pyroja opaite hei ijeheva Tũpa rupii ijetava, tynondepo pikuaa kavirãnishu, pyhesha verã añetera hai ĩmere Espiritu Tũpa ryheva. Shara yvy'ĩãrẽ tynyhe Tũpa ĩñee mbeu rã'anga'iare.

Apocalipsis 2:14

Tẽvã ĩme'ẽ pente mbai ajetemba'ẽshea: Ĩme'ẽ pynymbytepe Balaam pyrỹmboiheva potamba hejava, mboi vekua Balac israelitare oa verã mbai porãmbape hareka pota houshu reta mymba jukahava Tũpa rã'anga retape me'ẽãva hareka mykyrẽyshu reta kyrãrãĩ jyre verã.

Apocalipsis 2:6

Tẽvã ĩme'ẽ pente mbai rijapo kaviva: Ryheshatãã nikolaitare japova, she aheshatamba rãĩmi jyve.