Romano 4:1 - NandevaBiblia

¹ Akuarã, mbaivarapo jaihe Abraham hasa vekua, ñanytynondeva?

Romano 4:1 Iomraidhean Croise

Mateo 3:9

Avy pimoã Abraham ñymoshiaperã mba'ẽã jehupe, she hai pee Tũpa katu japoshi ko ita Abraham ra'yrã.

Lucas 3:8

Piñymbyheko kavi, tyheshaa pyndyrehe ãñete peijyva Tũpa kyty, hareka avy pyndypya pimbijetarã pere: “Ore hai Abraham ñymoñaa hãndia”; ãñeteite hai pee Tũpa katuĩ japojyshi kova ita Abraham ta'yrãre.

Juan 8:33

Haire hei: Ore rãnga hai Abraham tayre, mapeã mbava ipope yryre. Marã'ĩrãra rere ore irijoraha verã?

Juan 8:53

Ndera mbaivasuveshi yreru Abraham? Arykai Tũpa ĩñee mbeu'iare hareka Abraham opama mano reta. Mbavara roja nde haiva?

Juan 8:56

Pynytynondeva Abraham, vy'a heshapo'ẽ shy'ararã. Hãma heshamarã hai vy'aite'i.

Hechos 13:26

Shyryvyre, Abraham ñymõñashia hareka mbyryvare õmombaivasuva Tũpa, pã'ãpova rãnga ko ñee ohojepeva ryheva.

Romano 1:3

Kova Ñee Kaviva hei ñande Jesucristo Tyray, ou ko yvy'ĩãrẽ kuareta rãĩmi, mburuvisha vasu David mimoñava rãĩmi,

Romano 3:5

Tẽvã katuãpo jai Tũpa hekope kavimba'ia poshyrã hareka ñanunuparã. Mbaivarapo jai? Tũpa hekope kaviãra'i ñanunupa'i verã? (Kuaretare ijetava rãĩmi aijeta).

Romano 4:16

Hãme rãnga, Tũpa ĩñee meẽva ou jyrojakue rupii, opaite Abraham tayre me'ẽãreiishu verã; ĩñee meeshu opaite ñymoñashiare pevarã, ha'ẽã Moisés mbypara vekuape'õ japo'ia retaĩ, koñeĩ Abraham rãĩmi jyrojava retajy. Hãme rãnga hai opaiteva ñanderu.

Romano 6:1

Mbaivara jaipojy? Mbai porãmba vekuaĩrapo jajapojai Tũpa hejavereii ñandyhevi verã?

Romano 7:7

Hãmera jaipo Moisés mbypara vekua haiva mbai porãmbava? Mba'ety! Tẽvã mba'ety mbyparahava japoa verãrã, aikuããmbapo mbaivara mbai porãmba. Aikuããmbapo yngavare ña'ãpova jaipotava ryheva, Moisés mbypara vekua he'ĩãrã: “Avy pota yngavare ña'ãpova”.

Romano 8:31

Mbaivaverapo ja'e? Tũpa ẽẽ ñanendierã, mbavarapo ñymbyvaishojy ñandyrehe?

2 Corintios 11:22

Hai retara hebreo? Ha'ĩ jyve she. Hairetara Israelvare? Ha'ĩ jyve she. Hairetara Abrahamvi ñymoñava? Ha'ĩ jyve she.

Hebreos 12:9

Hareka jyve ñanderure ko yvy'ĩãrẽ ñanunupamba jyve ñanyndeiterirã, hareka jajapombashu heivare. Marã'ĩrãra Tũpa heiva jajapoãpo jyveshu, ñane'ãkue Tuu, ĩmejare verã tykove opambava?