Romano 1:8 - NandevaBiblia

⁸ Tynondepo ameẽ Tũpape ajetekue pyndyrehe, Jesucristo rupii, shara oparupi mbe'uha jyrojakue pyrekoheva.

Romano 1:8 Iomraidhean Croise

Mateo 24:14

Kova Ñee Kaviva Mburuvisha vasurã vate araivi ouva ryheva, opa rupiipo mbe'uha ko yvy jerekue, opa henta'õre hendu verã. Haiperãpo, vãhẽkui ara opa verã.

Lucas 2:1

Hokava arape, õhẽ kuatia huvisha Augusto Cesarvi, iko verã opaite kuaretare oho mbyparaka verã hee kuatiape hareka oa vekuape.

Hechos 11:28

Haipe haire mbytepe pente ñymbou Agapo he'iashua, Espiritu Santo rupii mbeu, ou verã ñymbahy vasu opaite yvy ikoava retaipi, hokava iko Claudio huvisha vasurã'ẽ Romaperã.

Hechos 28:22

Pota henduha ndijuruivi mbaivara rere jyvehe ko ikova, oparupi rãnga henduha porãmba ijetaheva ko mbai py'ahuva.

Romano 10:18

Tẽvã apyrãndu: Ĩmera'ẽ hendumbare Ñee kaviva? Hendu rãnga reta! Shara kuatia Mbyparahavape hei: “Haire ĩñee oparupi henduha ko yvy jerekue, yvy japyapeve vãhẽ haire mbeuva”.

Romano 16:19

Oparupi mbe'uha piniñeẽ rẽndurã, hokava shymbyvy'a. Aipota pyny'arãndu haikaviva pijapo verã, hareka pikuaãpopi porãmba pevarã,

Romano 6:17

Tẽvã ã'ẽ ñameẽshu Tũpa ajetekue, ajemaĩ arykai hai pee mbai porãmba jokuerea, ã'ẽ pyndypyaivivema ñee pyhendu pynymbo'eahea ẽvã rãĩmi, pee pymyvãhẽ vekua.

1 Corintios 1:4

Shyrorykue ameẽñoĩ pyndyrehe Tũpape, shara Jesucristo rupii maĩkavi pyndyrehe.

2 Corintios 2:14

Tẽvã ãmeẽ shy'ajetekue Tũpape, hai ỹrỹmypyrãta hareka jepyhahe verã porãmba vekuare Cristo rupii, hareka ore rupii oparupi kuaaka hai ĩñee, mbai pishekatuva rãĩmi oparupi vãhẽ.

Efesios 1:15

Jypy aikuaarãvãĩ, she ahendu marãra piroja Ñandeja Jesure hareka jyhaihukue ĩmepyrea opaite heko kyambare hãndi,

Efesios 1:16

hãme rãnga opa ara she amyvãhẽ shypya horykue Tũpape pyndyrehe, hãrã airurerã shymanduañoĩ pyndyrehe.

Efesios 3:21

Opaite tũpao Cristo ryhevare ñaĩva ñamombaiñoĩshupe. Amén.

Efesios 5:20

Pymeẽshu opa arape pyndyvya, Tũpa, Ñandeja Jesucristo heepe.

Filipenses 1:11

Pee rãnga pepo tynyhẽpo pyraha teko jyvache i'akue mbaikavi pijapova Jesucristo rupii, kuaretare pyrahe hareka õmombai vasushu verã Tũpa.

Filipenses 1:3

Ameẽñoĩshu Tũpa shy'ajetekue shymandua pyndyreherã.

Colosenses 1:3

Jururehañoĩ'i pyndyrehe Tũpape, me'ẽhã yry'ajetekue Ñandeja Jesucristo Tuupe.

1 Tesalonicenses 1:2

Me'ẽhãñoĩ pyndyrehe yry'ajetekue Tũpape, hareka ñymbo'eharã mandu'ahañoĩ pyrehe.

1 Tesalonicenses 2:13

Hãme rãnga me'ẽhãñoĩ yry'ajetekue Tũpape, shara pee pyhendu Tũpa ĩñee mbe'uhaperã, hareka pymyvãhẽ kavi ha'eã kuareta ĩñee rãĩmi, ãñete rãnga hai Tũpa ĩñee, hareka jyrojahevare my'yngaijy ikova rãĩmi.

2 Tesalonicenses 1:3

Shyryvyre, opa arañoĩpo ajetekue ñameẽshu Tũpa pyndyrehe, kyrãñoĩpo jaiko, shara pee pirojave pehohe Tũpa, hareka pepenteĩ jyhaihukuepy pijyhahaihuve peho.

2 Timoteo 1:3

Shymandua ndyrehe arape hareka pyharekue aimboirã, ameẽ shy'ajetekue Tũpape, ahahe pya kyamba ryheve, shytynondevare japova rãĩmi.

Filemon 1:4

Filemón, Tũpape ameẽñoĩshu shy'ajetekue shymanduama ndyree airurema ãĩrã,

Hebreos 13:15

Hãrã japyraheñoĩposhu Tũpa, Jesucristo rupii. Kova mbyrahe hai mymba jukahava rãĩmiva ñameẽshu verã. Japyraheshu, ñandijuru rupii ñambeu hai hee!

1 Pedro 2:5

Pee jyve, ita hykovevare rãĩmi Tũpa mupuãheva oo Espiritu ryheva hareka pee hai paire kyambaa hokava tũpaope, mymba jukahava espiritu ryheva meẽ verã Tũpa myvãhẽva Jesucristo rupii.

1 Pedro 4:11

Ĩme'ẽ ñimiñee'iarã tijeta Tũpa ijeta'õva rãĩmi. Ĩme'ẽ pyrỹmboryvarã tijapo pyrãtakue Tũpa meẽshuvapy. Opa pijapova, pijapo Tũpa õñemombaishu verã Jesucristo rupii, hai ña'ãpova rãnga ñemombaivasu hareka mbaikatu opa ara pevarã. Amén.