Romano 1:4 - NandevaBiblia

⁴ tẽvã kuerajyrã, hareka Espiritu Santo ñymbaikatu rupii heshahakamba Jesucristo Ñandeja haiva Tũpa Tay.

Romano 1:4 Iomraidhean Croise

Mateo 4:3

Haipe Ãña ñymbojahe Jesús pyahãã verãrã heishu: Nde hai Tũpa tayrã, ereshu kova ita tikoshi pãhã.

Hechos 17:31

Tũpa ñono pente ara mbivacheka verã hekope kavi yvy jerekuepy'õ, pente kuimbai rupii hai pyhỹrõ vekua, hareka heshaka hai pyhỹrõva mbivacheka verã mũpuãjy manovare mbyteivi.

Hechos 2:24

tẽvã Tũpa mynguerajy manovare mbyteivi, nohẽjyshu ñymanoivi, hãrã ñymano mba'etyre pyrãtãkue jepyhe verã.

Hechos 2:32

Tũpateiva rãnga mynguerajy Jesús, hãrã ore pytaha hokava heshahava mbe'ua verã.

Hechos 3:15

Kyrã pijuka tykove Ija, tẽvã Tũpa mynguerajy manovare mbyteivirã hãrã ore hai hokava mbai heshaha vekua.

Romano 1:3

Kova Ñee Kaviva hei ñande Jesucristo Tyray, ou ko yvy'ĩãrẽ kuareta rãĩmi, mburuvisha vasu David mimoñava rãĩmi,

2 Corintios 13:4

Ãñete rãnga hai mbysavavaha kurusure kangyva rãĩmi, tẽvã hai iko Tũpa ñymbaikatukuepy. Ore yrykangyhãĩ jyve handi, tẽvã ñymypenteãherã ĩmeãpo'i Tũpa ñymbaikatukue rupii, haikavipe verã.

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.

1 Pedro 1:11

Haire õñehããmba pota kuaarã, mbaiperapo hareka marãĩterapo hokava mbai. Cristo jy Espiritu kuaaka maimba arykai ñimiñee'ia retape ndei vãhẽshu retarã, marãrapo Cristo hasa'asy hareka hĩmbipekue katu vãhẽjy.

2 Pedro 1:21

Shara Tũpa ĩñee mbeu'iare mapeãmba ijuhuvireii ñimiñee reta. Koñeĩ kuareta pyhyrõavare Tũpa heepeimba ñimiñee reta Espiritu Santo mboivare rãĩmi.

Apocalipsis 1:18

Hykovejyva, amanotẽ vekua, tẽvã ã'ẽ manomba verãma aiko, ĩme'are mbaikatu ñymano hareka tatavasu rehe.

Apocalipsis 19:10

Haivi ãĩñesu hỹnonde ãmombaishu verã, tẽvã hai heishe: “Avy hoka japo! Emombai Tũpa, shara she ha'ẽĩ jyve hai jokuerea, nde rãĩmiva hareka opaite ñandyryvyre Jesús ĩñee jyrojateriheare”. Shara ñee Jesús pyrỹmboihea hai mykyrẽyva kuaretare mbeu verã ñee iko verã.