Romano 1:1 - NandevaBiblia

¹ She Pablo, Cristo Jesús jokueva hẽnohava apostol, pyhỹrõhava mbeu verã Ñee Kaviva Tũpa ryheva,

Romano 1:1 Iomraidhean Croise

Marcos 1:14

Juan Bautista mbyperesohamarã, Jesús oho Galilea kyty mbeu verã Ñee Kaviva Tũpa ẽvãpe'õ ryheva.

Juan 12:26

Hãrã ĩme'ẽ pota japosheva haivarã, tou shaykue. Mãĩpi she ãĩvãpe, haipepo ĩme'ẽjyvekui japosheva aipotava, hareka Sheru õmombaivasuposhukui.

Juan 15:15

She apyrỹmbyheeveamapo “jokueharea”, shara jokueharea kuãã hai jokue'õ japova. She apyrỹmbyhee “shi'ĩrũre”, shara opa ambeupe Sheru heishe vekuare.

Juan 15:20

Pynymanduahe kova she hai pee vekua: “Mba'ety jokueharea vateve'ẽshia jokue'õ”. Hãrã pũã shyrehe retarã, pũãñoĩpo jyve pyndyrehe. Hãrã she haiva haire japorã, pee pereshuva japoñoĩpo jyve.

Hechos 13:9

Haivi Saulo mbyheava jyve Pablo, tynyhe Espiritu Santo hãrã mãikavi'ẽherã,

Hechos 20:24

Tẽvã opaite kova mbai ha'ẽã shypya mbyvyamba'õ; hareka shyrykove ha'ẽãjyveshe mba'eite, koñeĩ aipota vy'a ryheve ahahe ko añaniva japyapeve. Hareka hekope kavi ajapo Ñandeja Jesús hejasheva, ãmbeu'ai Tũpa Ĩñee Kavi jyhaihukue ryhevarã.

Hechos 21:40

Mburuvisha ñonoshu ijeta verã hãrã Pablo ñymboy hokava jupihaseaperã, ipope myha'ãngashu jasaka verãre. Hãma opama jasaka retarã Pablo ijetashu reta hebreo ĩñeeperã hei:

Hechos 22:21

Tẽvã Ñandeja heishe: “Ekua, shara arỹmondopo mbyry haimba Judiore ẽvãpe”.

Hechos 22:7

haivi aa yvype. Hãma ahendu pente ñee heisheva: “Saulo, Saulo, marã'ĩrãra shymoñari?”

Hechos 26:1

Hãma Agripa heishu Pablo: Katuma ndetei rijeta. Hãma Pablo ipo hupirã oñepyrõ haitei ijeta ijehe hei.

Hechos 26:14

Haipe opaite o'aha yvype, hãrã ahendu pente ñee ijetasheva Hebreo ĩñeepe: Saulo, Saulo, marã'ĩrãra shymoñari? Ndeii rãnga rĩñymbypereri, mbai kutuapya hakuava rypatararihea rãĩmi.

Hechos 27:23

Shara je'i pyhare Tũpa jokueva ijeshakashe, she amombai'area,

Hechos 9:15

Tẽvã Ñandeja hei: Ekua, shara apyhỹrõma hokava kuimbai ijeta shyrehe verã opaite yngava tenta retaipi'õ, huvisha vasure hareka jyve israelitare.

Romano 1:16

Ãnotiã ãmbeu ko Ñee kaviva, shara hai Tũpa ñymbaikatukue mondojepeva opaite jyrojaheare, Judio reta rãni hareka jyve haimba Judiovare.

Romano 1:5

Jesucristo rupii, Tũpa shiñono Apostolrã hareka kova hai mbai vasu she pevarã, hai heepe ambeu verã opaĩ tenta vasu retaipi roja verãre hareka Tũpa heiva japo verãre.

Romano 1:9

Tũpa rãnga, hai shypya ryheve aikohea ambeuva Ñee Kaviva Tayre'õ, hai shyresha shymanduañoĩ pyndyreherã,

Romano 11:13

Tẽvã ĩme'are hai pee verã, pee Judiombare. Tũpa shymbou ĩñee ambeu ai verã pynymbytepe hareka ãmombai kova ajapova.

Romano 15:16

shara shypyhyrõ amba'aposhu verã Cristo Jesús hareka haimba Judiore amboryshu verã. Ĩme'are ajapo verã paire rãĩmi, ambeu verã Tũpa Ĩñee Kavi hareka arahape pee haimba Judiovare Tũpape me'ẽãva haikaviva, Espiritu Santo rupii mbijicheava.

Romano 15:29

Hareka aikuaa kavi ãĩ, ãvãhẽpokui pynymbytepe heta mbai kavikue ryheve Cristo ryheva.

Romano 16:18

shara jyrojãhe Ñandeja Jesucristo, koñeĩ ha'eire hete potavape ijokueka'iare hareka ñee mbevepeĩ hareka añeteva nungape mbytavyshu pya poshymbape.

Romano 16:25

Japyraheshu Ñandeja, hareka katu mypyrãtava shi Ñee Kavi hareka Jesucristo mbe'uhava kuaahambava heshahakava rãĩmi arykai ñomihareva,

1 Corintios 1:1

She Pablo shyrenohãva arykai Jesucristo jy'apostolrã Tũpa kyrã potarã, pente tyryvy Cristo ryheva Sóstenes hãndi apyrỹmarãndu;

1 Corintios 9:1

Ha'ẽãra she Apostol? Ĩmera'ẽ katumba ajapova? Aheshããra Ñandeja Jesús? Sheeãra apyrỹmbykuaaka Ñandeja?

2 Corintios 1:1

She, Pablo Jesucristo jy apostol, Tũpa kyrã potarã, hareka ñandyryvy Timoteo hãndi marãnduha, tũpao ẽvã tenta Corintope hareka opaite jyrojavare ẽvã Acayape.

2 Corintios 11:5

Tẽvã mbaivapeã shimishiveeshi hokava apostol haikavivevare pymbyveteshuva.

2 Corintios 11:7

Mbai porãmbara ajapo sheii añemomishĩĩ airã hareka Ñee kaviva Tũpa ña'ãpova ambeu jyvepe akorambape, pee vateve pẽĩ verã? Mba'ety rãnga.

2 Corintios 12:11

Kuakuamba'ia rãĩmi ai sheii aijeta kavi shijeherã, shara pee kyrã pijapoka she. Pee rãngate haikueĩ pijetakavi shyrehe verã, shara mbaivapeã shimishĩĩshi hokava apostolre omomba'ea vasuveva retaivi, ajemaĩ mba'eiteã she.

2 Corintios 2:12

Ãvãhẽ aha Tróaspe ambeu verã Ñee kaviva Cristo ryhevarã, ẽẽshe amba'apohe verã Ñandeja.

2 Corintios 4:5

Shara oreiã ñimiñẽ'ẽha'i irijupe, koñeĩ mbe'uha Jesucristo haiva Ñandeja; ore hai jokueharea pee pevarã Jesús haihuharã.

Galatas 1:1

She Pablo, apostol, haimbaa kuaretare ñonova hareka kuaretare mondova, koñeĩ Jesucristo rupii hareka Tũpa, Jesúspe mupuãjy vekua manovare paũvi.

Efesios 1:1

She hai Pablo, Jesucristo apostol Tũpa potava rupii, amarãndu opaite heko kyamba hareka hekope kavi Cristo jyrojahea Éfesope'õre.

Efesios 1:13

Haire jyve Pee pyhendurã ñee añeteva, Ñee Kavi verupeva ojepeva ryheva, hareka pyrojarã, ñonoã pyndyrehe pynymyha'ãngahapy Espiritu Santo me'ẽã verã.

Efesios 4:11

Haiteiva ñonojy apostolre; yngavape Tũpa ĩñee mbeu'ia; yngavape Ñee kaviva mbeu verã, hareka yngavape ñyngareko pyryre verãre hareka pyrỹmboi'i verã,

Filipenses 1:1

Pablo hareka Timoteo Jesucristo jokuevare, opaiteva Cristo Jesús ryhevare kyambava Filipope'õre, Tũpa hoope miñaka'õre hareka tũpaope mba'apova.

Filipenses 2:11

Hareka opavare hei verã Jesucristo haiva Teja, õñemomba'e vasushu verã Tũpa Teru.

Colosenses 1:1

She Pablo, Jesucristo Apostol, Tũpa potava rupii ñandyryvy Timoteo hãndi,

Colosenses 1:25

Haikavipe verã, Tũpa japo shyhevi tũpao ambory verã, hai meẽsheva ajapo verã pyndyrehe, ambeu verã ĩñee,

1 Tesalonicenses 2:2

Hãma pikuaajy tenta Filipope heta poporãã he'iha ore hareka yryrekoha'asy, tẽvã Tũpa ỹrỹmbory mbe'uhape verã Ñee kaviva, pyavasu ryheve hareka ajemaĩ heta'ẽ pya ohombaheva.

1 Tesalonicenses 2:8

Pyndyraihuhaiterã, ha'eã Tũpa Ĩñee Kavi mbe'uhapeveĩpea, yryrykoveave rãnga me'ẽhã pyndyrehe, shara pyndyraihuhaite.

1 Tesalonicenses 2:9

Shyryvyre, pymanduapohe marãra pohy mba'apoha hareka opa ỹrỹkangy. Mba'apoha arakuepe hareka pyharekue potãã pyndyreheĩñoĩte õĩhã kyrypoti pymeẽ ore verãrã. Jichepeĩ mbe'uhatẽpe Tũpa Ĩñee Kaviva.

1 Timoteo 1:1

She Pablo, Jesucristo jy Apostol Tũpa ñonova rupii ñanymondojepeva hareka Ñandeja Jesucristo ñahãrõñaĩva pota rupii,

1 Timoteo 2:7

Ha'ẽrã rãnga shiñonoha añimiñee'ai verã hareka Apostolrã, hejahashe amboi verã jyrojakue ryheva hareka mbai añeteva ryheva, opaite Judiomba retape. Añetevape hai kova, ha'ẽã shapuva.

2 Timoteo 1:11

Tũpa shiñono ambeu verã kova ñee, hareka shymondo apostolrã hareka Judiombare mboire verã.

Tito 1:1

She Pablo, Tũpa jokueva hareka Jesucristo jy Apostol, shyrẽno Tũpa pyhỹrõvare jyrojahe verã hareka kuaa verãre Tũpa ĩñee añeteva, heshahakava tykove mbijicheava Tũpa pevarã rupii.

Hebreos 5:4

Mba'ety ha'ei ñymbyvate'i verã hareka iñiñono verã pai vasurã, Tũpa hẽnovaĩ rãnga ñono, Aarón ikohea rãĩmi.

Hebreos 7:26

Kyrãvã Pai Ruvisha vasu rãnga mba'ety ñande. Hai heko ky'ãã, heko kavi hareka hai japoã mbai porãmba, Tũpa mbyry ñonoshi mbai porãmba japo'iare hareka vateve araivi hupiha.

Santiago 1:1

She Santiago Tũpa hareka Ñandeja Jesucristo jokuereva, amarãndu 12 Israel ñymoñashiare opa mamaipi ohova yvy jerekue.

1 Pedro 4:17

Vãhẽma ara pirĩmbivachehava iko verãpe Tũpa ryhevare mbytepe. Hareka õñepyrõ ñandyreherã hareka kyrã ñanymbyhasa'asyrã, marããtepo opakui Tũpa Ĩñee Kavi hendusemba'iare?

2 Pedro 1:1

She, Simón Pedro Jesucristo jokueva hareka apóstol apyrỹmymarandu, Jesucristo ñanu Tũpa ñanynohẽva porãmbaivi hekokavi rupii, hejape pente jyrojakue mashyãva ore ĩme rekohava rãĩmi.

Judas 1:1

Judas, Jesucristo jokuerea Santiago tyvy, ambyparashu opaite Tũpa Teru haihuvare hareka hẽnova, Jesucristo ñyngareko jyvehe reta.

Apocalipsis 1:1

Kova hai Tũpa heshaka vekua Jesucristo rupii, mbykuaaka verã opaite jokueva retape; kova mbai areã iko verã. Jesucristo Tũpa jokuevape mboushu mbyheshaka verã jokueava Juan,

Apocalipsis 22:6

Tũpa jokueva heishe: “Kova ñee hai añetevare hareka katu jairojaheva. Teja rãnga hai meẽ vekua Espiritu Tũpa ĩñee mbeu'ia retape, mbou hai jokueva mbyheshaka verã jokuerea retape ikoserimava”.

Apocalipsis 22:9

Tẽvã hai heishe: “Avy japo hoka! Emombai Tũpa shara she hai jokuearea nde rãĩmiva, hareka ndyryvy Tũpa ĩñee mbeu'iare, hareka opaite Tũpa ĩñee kova kuatiape'õ hendu hareka japovare”.