Mateo 9:8 - NandevaBiblia

⁸ Kuaretare hesha kovarã kyje, hãrã õmombaishu Tũpa meẽshurã rehe mbaikatu kuaretare”.

Mateo 9:8 Iomraidhean Croise

Mateo 12:23

Opavare hesha kova ikovarã hei reta: Ha'ẽãra ko David ta'y?

Mateo 15:31

Opavare mbyrymaĩ hesha mãrãra ña'enguvare ijetajy, japava vatajy kavi hareka heshajymba heshajy kũvaãĩpi, õñepyrõ õmombaishu reta Tũpa Israel Ija.

Mateo 28:18

Haipe Jesús ñymbojahe retarã heishu: Opa me'ẽã she mbaikatu vate arapy'õ hareka yvy'ĩãrẽ'õre.

Mateo 5:16

Kyrã jyve pee mbai sapeva rãĩmipo pysape opavare hỹnonde, haire hesha haikaviva pijaporã, õmombaivasupo jyve Teru vate arape'õ.

Mateo 9:7

Haipe kuimbai vatamba'ia pũã hareka ohojy hentape.

Marcos 2:12

Hãma haipevãĩ vatamba vekua pũã, hupi huparã hetavare hesapẽĩ õhẽjy oho, hãma mbyrymaĩ reta, hareka õmombaivasu Tũpaperã hei jyre: Maĩpia rãnga kyrãva mbai jahesha!

Marcos 7:37

shara hãĩrãite hesha retarã hei: “Japo kavi rãnga Jesús, shara japysambavare myhendukajy, hareka ña'ẽnguvare mbijetakajy”.

Lucas 13:13

Hãrã ipo ñono ĩãrẽ. Haivi taupe ñysymyĩjyrã, õñepyrõ õmombaivasushu Tũpa.

Lucas 17:15

Hãrã pente hai retava hesha kueramãrã, oujy sapuke ryheve õmombaishu Tũpa.

Lucas 17:18

Koñyra tenta yngaivi ouvaĩ oujy õmombaishu Tũpa?”

Lucas 18:43

Haipevãĩ heshajy kũvãipi, hãrã oho hipii Jesús hareka õmombaivasushu Tũpa. Hãrã opaite heshavare kova, õmombaivasu jyve reta Tũpa.

Lucas 2:20

Avisha ñyngareko'iheare jyrahajy retarã, vy'akue ryheve õmombairã pyraheshu Tũpa, shara Tũpa jokueva mbeuva rãĩmi opa hesha hareka hendu reta.

Lucas 23:47

Syndarore juhuvisha hesha ikovarã, õmombaishu Tũpa, hãrã hei: “Ãñeteñoĩmba ko kuimbai hai heko kaviva”.

Lucas 7:16

Heshama reta kovarã, opa kyje reta hãrã õmombaishu reta Tũpa, hei jyre: Pente Tũpa ĩñee mbeu'ia mbaikatuva puã ñanymbytepe. Heijy reta: Tũpa ou mbory henta ĩrũre.

Juan 15:8

Sheru õñemombaivasu jyve heta mbai pijapova rupii hareka kyrãrã ãñete iko pyndyhevi she amboi'areare.

Hechos 11:18

Henduma reta kovarã, opa chĩrĩrĩ hãrã õmombai reta Ñanderu Tũpa hei: Haimba Judiova reta'ẽẽĩmba jyveshu oujy verã Tũpape hejahareishi verãre mbai porãmba japo vekua, hipity verã tykove opambava!

Hechos 21:20

Haivi kova henduma retarã, õmombai reta Tũpa. Hãrã heishu reta Pablo: Haikavi shyryvy Pablo, ryheshama israelitare mbytepe hetama ẽẽ jyrojavarã, hareka opaite ñymykateyhe reta Moisés mbypara vekua.

Hechos 4:21

Haivi mburuvishare ijeta pohyjyshu retarã ma'ẽĩmahe reta kuaretare rehe, vãhẽãshu mãrãrapo nũpaka reta shara haipe ikova rehe opaite õmombaishu Tũpa.

2 Corintios 9:13

Kova pijapova rupii haire õmombaipo Tũpa, shara haire heshapo ãñete pijapova Ñee kaviva Cristo ryheva, hareka pyhaihu ryheveã pymbaty maĩnunga haire pevarã hareka opaiteva pevarã.

Galatas 1:24

Hãrã õmombai vasu reta Tũpa shara Hai yngai japojy shykove.

1 Pedro 2:12

Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.