Mateo 9:27 - NandevaBiblia

²⁷ Jesús õhẽjy haivirã, haykueivi ou mokue kuareta heshamba kũvãĩpiare, sapuke jyveru: Yryparekomĩnteve David tay!

Mateo 9:27 Iomraidhean Croise

Mateo 1:1

Kova hai tyree arykaivare Jesucristo ndei ourã vekua, hai David hareka Abraham ñymoñashiare.

Mateo 11:5

Pymbeushu, heshamba kũvãipia heshajy, vatamba vatajy, kuruva porãmba'ia kuerajy, japysambava hendujy, mano vekua kuerajy, hareka Ñee kaviva mbe'ua kavishu pavetevare.

Mateo 15:22

Pente taupe Canaanpe'ia, ñymboja Jesús ẽvãperã sapuke: Sheja, David tay, shyparekomĩteño! Shymemby taupe ĩme'ẽ mbaiposhy ĩmere, hareka mbypaveteitereshu.

Mateo 17:15

Sheja, parekomitẽ ko shyray, hai rãnga ñymba'asy vãhẽmajyshurã opa mbyryry hareka juru mbytyryju, hetama oa tatape, ãmõpe yypy ityjy.

Mateo 20:29

Hãrã Jesús hareka mboireare õhẽma tenta Jerikoivirã, heta'ẽ kuaretare ohova haykue.

Mateo 21:15

Pai ruvishare hareka Moisés mbypara vekua pyrỹmboi'iheare heshama mbaikavi heshaha verã Jesús japova, hareka hendu mãrãra sanjayre sapuke tũpaope: “Tũpa tymãĩ kavihe mburuvisha vasu David tay!” Hãrã poshy jyre.

Mateo 21:9

Hãrã kuaretare tynonde hareka taykue ohovare õñepyrõ sapukerã hei: Tũpa ohovasa mburuvisha vasu David Tay! Toñemombai Ñandeja heepe ouva! Toñemombai Tũpa!

Mateo 9:28

Jesús ichema o'iperã, vãhẽ jyveru mokue kuareta heshamba kũvãĩpia, haivi Jesús pyrãndushu reta: Pyrojara she apyrỹmynguera verã? Haire hei: Yreja, rojaha rãnga.

Marcos 11:10

Tũpa tymãĩkavihe David rãĩmi mburuvisharã ouva! Tymbyveteha vate arape, Tũpa vateve'õ!

Marcos 9:22

Hetajy rãnga ityshu tatape hareka yype potaite jukarã; ĩme'ẽ katu rijapohevarã, yrypareko hareka ỹrỹmborymitẽ.

Lucas 17:13

haivi sapuke jyrerã hei: Jesús, Pyrỹmboi'ia, yryparekomitẽvei!

Lucas 20:41

Hãrã Jesús heishu reta: Mbaiva rupiira he'iahe Cristo, David tayva?

Lucas 7:21

Haipe kavi Jesús mynguera heta ñymbairasy vekua, iko asyva, hãndi mohẽ mbaiposhyre, hareka heta mynguera heshamba kuvãipiare.

Juan 7:42

Mbyparahavape rãnga hei: Hokava Cristo haipokui huvishavasu David ñymoñashi vekua hareka Belenpe'õ, David henta, haivipo ou Cristo.

Romano 1:3

Kova Ñee Kaviva hei ñande Jesucristo Tyray, ou ko yvy'ĩãrẽ kuareta rãĩmi, mburuvisha vasu David mimoñava rãĩmi,

Romano 9:5

Hai reta rãnga ñanytynondevare ñymoñashi vekuare, hareka kuareta hekope Cristo oujyve haivi, hai rãnga Tũpa opa mbai ĩãrẽ'õ. Tomomba'ea vasushu opa ara pevarã! Amén.